U Yawnan hadiroyo lu qrobo mqabıl du athro d’Turkiya

U waziro du sutoro du Yawnan, bi maqırhonutho dhule mırle; hadirena lıqrobo mqabıl d’Turkiya.

 U waziro Yawnoyo mırle; Bu zabno haroyo, Turkiya mazıdla a tahrike dkıtla u kıtla zawce harufe. Elo ahnaste leşan i morutho du athreydan, hadirena lkull mede.

 Turkiya wu Yawnan kul zabno kmiwatın a esore baynothaye, elo ucdo u waziro du Sutoro du Yawnan mzaharle Turkiya u mırle Turkiya bu zabno haroyo tlıbla fsoso dısaymo kroxo calu nafto u calu Gaz hedor a gozaryotho d’Girt, Rodos, u Kerp, bhaq di sbuthathe u rişwazire du Yawnan Kiryakos Micotakis mşadarwole egartho li mdabronutho du huyodo d’Urifi u mırwole, Turkiya u tahkrikeyda lo belhude mqabıl du Yawnan ksaymole elo mqabıl du huyodoyo.

Bıthır ma droşani ucdo u waziro du sutoro du Yawnan mawdacle du athreyde hadiroyo hol lu qrobo mqabıl d’Turkiya, metul bu zabno haroyo Turkiya ksaymo zawce harufe, ba zawcani kımhadıdo a athrawotho şbobe dkıtla.

U waziro Panagiotopoulu bi maqırhonutheyde mırle: mqabıl da rmoşani dı Turkiya u gayso dkıtlan hadiroye lkul senaryo dkito laşan dımdafcina cali morutho du athreydan.

Bu şıkılano i mwatyutho bayn l’Turkiya u lu Yawnan matyo lı darğo dı qrobo baynothaye laşan i sbutho du kroxo du nafto u du gaz ba maye dkıtlın cam hdode.