U Yawnan u Turkiya mzahare hıdode
U Yawnan huwle şudoyo, dgımdafıc ruhe mqabıl d’Turkiya. Bu zabno di mwatyutho kımdawmo dıquşyo beyn du Yawnan u d’Turkiya cali sbutho du nafto bu yamo Mescoyo, atre athrawotho mzaharlın naqla hreto hıdode.
Ham u Yawnan u hamste Turkiya mawdaclın, dgımtaybi tadbiqat folhoyo du yamo qariwo li gozarto d’Grit. Cali mwatyuthatheste, mşadarla Almanya u waziro di baroyutho Heiko Maas lu Yawnan u l’Turkiya.
Bu zabno dıkquşyo i mwatyutho beyn du Yawnan u Turkiya cali morutho du nafto u du ğaz bu yamo Mescoyo, a 2 athrawotho mawdaclın, dgımtaybi adyawma tadbiqate folhoye du yamo qariwo li gzorta du Yawnan Grit. Turkiya mşadarla zuhoro ruşmoyo la sfinotho hrene dkıtne bu qlimo
Bıthır mıd Turkiya mawdacla dgımarwıho afulhonayda du kroxo dcalu nafto u du ğaz bu yamano, u Yawnanste makadle dgısoyım tadbiqat folhoyo bu qlimo. Cali qale da melani beyn Turkiya u Yawnan, mşadarla adyawma Almanya u waziro di baroyutho Heiko Maas l’Athena u l’Ankara, bnişo dmaxıf u hbosano beyn da 2 athrawotho hadome bu NATO.
Maas gıdloqe bi qamayto u rişwazire du Yawnan Kyriakos Mitsotakis u bıthır gıdmdawım l’Turkiya leşan ytawto camu baramnayde Mevlut Çavuşoğlu. U Yawnan bu Huyodo d’Urifi’yo u Bruksel tlıbla dmışre u şwolano bu darbo du dialog. Elo Fransa, kısundo u Yawnan mqabıl d’Turkiya dmawdacla athmıl, dgımawrıxo u zabno da fulhonayda bu yamo Mescoyo hol 27 bu yarhano.
Calu tewrixo du zabno da fulhonani d’Turkiya bu yamo, u Yawnan mahwele hfuxyo qaşyo u mzaharle Ankara bu tuyobo d’tadbiqat folhoyo. U rişqutno Turkoyoste mfanele u zuhorano u mawdacle, dlatte niye ducro dawse laxalf bi sbuthathe. Athena krıhwola meqım yarho u zuhoro d’Turkiya dıkmidıc bu ışmo d’Navtex awkith zuhoroyo la sfinotho hrene dkıtne bu yamo Mescoyo dkıtne qariwe li sfithayda dıksaymo a buhone dcalu nafto u ğaz.
U Yawnan mawdacwoleste mqım kımo yawme, dgısoyım adşabtho tadbiqat folhoyo cama hayle oyaroye da İmarat Caraboye Mhayde qariwo li gzırto d’Grit.