17/04/2021

Umgabyo di qritho d’Badebe Danho Dağ hule mawduconutho cali aykanoyutho d’Dayroyo Aho Belicen

Bhaq di sbutho du bethdino dıfsıqle hbuşyo tarte ışne u yarho hbuşyo lu rişdayro Aho Bilecen, mıdlan mawdconutho mu mgabyo di qritho d’Badebe Danho Dağ.

U mgabyo komır; U moral du dayroyo celoyoyo, u kımdawım ba fulhone bi dayro u kzorıc dawmayde da zaytune.

Bıthır mu bethdino dıfsıqwole tarte ışne u yarho bhaq du dayroyo Aho Belicen u droşo wu hfuxye dıkmitahwın mqabıl du fusqonano dlatyo şariro kımdawmi.

Bi sbuthathe hawilan mamlo camu mgabyo di qritho d’badebe dkıtyo bcayni zabno u mgabyo di dayro d’Qarno u mşayelan i aykanoyutho d’dayroyo Aydarboyo wu camo di qlimo mınyo i hzayteyde cali sbuthathe.

Ba funoye dmıdlan mu mgabyo mawdacle du moral du dayroyo celoyoyo u kımdawım ba fulhone di dayro uco bu zabnano kımdawım bu zroco da dawme da zaytune dkıtle a iuğlone hrene dkito, sıttır mi sbutho du bethdinı u kewo di corona kmaccız metul dı lı kothe socure li dayro awste hınne laybın maydi socure.

Bu şuwolo u camo di qlimo mın komır cali sbuthathe mırle u camo kobıc u dayroyo dı foyış bi dayreyde thnihoyo u dlo mitaccız laşan dsoyım a fulhone di dayro dkıtla.

Bu mamleydan dcamo mgayo di qritho d’Badebe Danho Dağ mahwele du camo mqabıl du fusqonano u lo kino du bethdinoyo u be bzabno u camo kobıc du dayroyo dfoyış bi dayro d’Qarno du Turo d’izlo u dumdawım dmacmarla u maşfarle dhuyo duktho di socurutho laşan dmahwe u maktbzabno di cito Suryoyto ortoduksoyto u du camo Suryoyo .