22/01/2021

Uqyomo du mnoco du snoco da zayne nukleer şafıc la haye

Uqyomo leşan u mnoco du snoco da zayne nukleer, şafıc la haye. U qyomano dıkmifaşıq u qamoyo, mde tahte me 51 athrawotho dbritho. Elo lo ha man athrawothani’ste, kıtle zayne nukleer.

 Camathe’ste Almanya dlatla zayne nukleer elo dıksaymo baytoyutho lhın ma soruhe nukleer d’Amerika, lo medela tahte du qyomano.

U Qyomo Emwothoyo du teşliho da zayne nukleer-TPNW, kımonıc an athrawotho hadomayde d’sunci, dımşawşıti, dımzabni aw dmıstacmıli zayne nukleer. U tukosano kısoyım hboso calan athrawotho dkıtne more d’zayne nukleer dmahrıwi a soruhathe.

Anathrawotho dkıtte zayne nukleer’ste; Amerika, Rusya, Sin, Fransa, Britania, Pakistan, Hınd, Qore i Garbyoyto’ne u kmisım’ste taxmin, d’İsroyel kıtla zayne nukleer. An athrawothani’ste mahıtte ğalabe zuze leşan u şuşoto da zaynani. Elo an athrawotho dlatte zayne nukleer fayış lıkmaqbıli i aykanoyuthathe uba 2017, 122 athrawotho mırwolın E leşan u tehriwo da zaynani elo 51 mdelın tahte du qyomano.

Amerika kıtla 20 soruhe du nukleer b’Büchel d’Almanya wa pilote d’Almanya’ne dıklozım dmadrın a soruhani ma tayosyothathe u walaw Almanya latna zayne nukleer d’ruha, lo mdela u qyomano. Ğalabe gabe wu camo Almanoyo, lıkubci d’Almanya-lo dhowela zayne nukleer u loste dsaymo baytoyutho la soruhani d’Amerika.

Me gabo hreno u waziro di baroyutho d’Fransa Jean-Yves Le Drian bi ytawto dhawile camu bar’amnayde da İmarat Caraboye Mhayde, sımle qroyto l’Tehran baroyo dıducro lu qyomo du nukleer dımdewola cama hayle Emwothoye ba 2015. Urifi dıknutro ucdo u fusqono du rişono Amerikoyo hatho bi sbutho du İran, Le Drian tlıble mene docır li tahrazto u dmanqıs naqla hreto u snocayde du uranium u dmakle i siyase qşitho dıkmaşe bu Madınho Mescoyo.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…