USAİD mşarele dımhatheth tarte madraşyotho bi fnitho d’Wana bu daşto d’Ninwe

U şutoso Amerikoyo du quyomo emwothoyo d’USAİD mabdele ucdo tarmitho hathto du teqwiyo du kyono yulfonoyo bi daşto d’Ninwe.

 Lfuth i tarmithathe, mşare ucdo ba fulhone du hethotho dı tarte madraşyotho du jimnasyet bi fnitho d’Wana dkıtyo masırto cami qastra dı Telkepe di daşto d’Ninwe.

Bu taro di tahrazto d’”hulmono”, u şutoso Amerikoyo du quyomo emwothoyo d’USAİD ubi methcadronutho du qentrun d’Ninwe da zedqe da qalilwotho, mşare ucdo bi fnitho d’Wana bi daşto d’Ninwe tarmitho hathto du teqwiyo du benyono tahtoyo du yulfono di daşto.

İ tarmithathe kıtla u nişo dmişawşıt u kyono yulfonoyo b’tarte madraşyotho du jimnasyet bu qentrun di fnitho d’Wana dkıtyo masırto cami qastar dı Telekep. A’tarte madraşyothani baynothaye hdo da bnotho wi hreto da clayme yo. Mawxaste u şutoso d’USAİD mqadamle u snodo momunoyo dıklozım lu hethotho da tarte madraşyothani, bnişo dhowın hadire dsaymi baytoyutho la yolufe u yolufyotho.

Camgabıd du hethotho da tarte madraşyotho, u şutoso d’USAİD gdımqadım kursiye u tebılyotho ukul şıkıl dı sniqotho du yulfono.