18/03/2021

USCİRF frısle maqırhonutho bi cohnutho da 5 eşne du qtolğenso dsim calu cameydan u cala Ezidoye

U Komisyon Amerikoyo di Hirutho Emwothoyto da Tawdiyotho, frısla maqırhonutho bi cohnutho da 5 eşne du qtolğenso dsımwolın a marhıbone d’Dacış calu camaydan ucala Ezidoye du Iraq u d’Suriya.

Bi maqırhonuthathe u Komisyon Amerikoyo mırle; Kımathkırina a ruhotho dba casro alfayo dıbnaynoşo d’qtiliwo ma marhıbone d’Dacış bu zabno du kboşayde calu Iraq u Suriya.

İ wazirutho di baroyutho wi kongre d’Amerika, mawdewolın meqım 5 eşne da gunhe dsımwolın a ğrobe marhıbone d’Dacış calu camaydan, cala Ezidoye ucala qalilotho tawdithoye hrene du Iraq u d’Suriya dkıtwe qtolğenso. Bıthır mi mawdyonuthathe mathkır kul şato u qtolğensano b’Amerika wu Komisyon Amerikoyo di Hirutho Emwothoyto da Tawdithoyo’ste mıştawtafle bu tethkar du duxrono şatonoyo du qtolğensano.

Bi maqırhonutho dfrısle u Komisyon Amerikoyo dkıtyo bi rişonutho d’Nadine Maenza, mathkarle ban alfayo d’dıbhe Mşihoye, Ezidoye, Şabak, Turkmanoye, Kakai uğer qalilotho hrene dmafitiwo bi barbroyuthathe d’Dacış ba 2014. U Komisyon Amerikoyo mırle; Kımathkırina a 5 eşne di mawdyonutho du qtolğenso u b’lebno hzinoyo kımathkrina a dıbhe dba casro alfayo dıbnaynoşo qtili me Dacş.

İ mcadronitho di rişonitho du Komisyon Amerikoyo Anurima Bhargava mırla; U Komisyon gıdmdawım dsoyım qroyotho l’Amerika ula bnay’amnayde dbritho, dımdawmi u snodathe la camani dmafiti b’rdufye barbroye ma marhıbone. Bebzabno i rişonitho du Komisyon Nadine Maenza mırle; Şafıc 5 eşne yarixe bıthır mıd i şultonutho d’Amerika mawdela bu qtolğensano, britho klozım dsaymo zıd mawxa bu snodayda la qalilotho tawdithoye etnikoye dmafiti b’trajedi rabo.

Maenza grışla u zuhoro cala Ezidoye dkıtne ba maşıryotho u hani d’qtilın ruhaye mcal fothe du haşo dıkcayşi ubı Suriya’ste, yawmoyith kmitafiti d’cnufyo u frişutho ma hayle marhıbone. Amerika wa muttafikayda lıkowe dfayşi mfarçone bu zabno da qalilothani bu Iraq u b’Suriya kcayşi qento di ithuthathe. A hayobe da gunhani klozom dmıhkomi u dmiamın u zedqathe di hirutho tawdithoyto.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…