04/09/2021

USUP kımdawım bu feroqo di mcadronutho yarhonoyto lu cameydan d’Lebnon

U gabo du Huyodo Suryoyo Tibeloyo kımdawım bu feroqo di mcadronutho yarhonoyto lu cameydan d’Lebnon dıkfoyıt me casqutho rabtho.

Yawme d’Cruto, u gabo mfaraqle mcadronutho l’300 yaqrotho mdu cameydan d’Sahıl El Matın, tahtu ışmo-Kulan lıhdode.

U gabo du Huyodo Suryoyo Tibeloyo bu snodo da şutose du Mawtbo Umthoyo d’Bethnahrin, kull yarho kımfarıq mcadronutho la yaqrotho sniqoye b’dukotho mşahılfotho d’Lebnon.

Athmıl yawme d’Cruto 3 bu yarhano, u gabo d’USUP mfaraqle mcadronutho d’300 sale l’300 yaqrotho b ışmo-Kulan lıhdode, bu snodo du bank d’Lebnon- Lebanon Food bank. U cudronano sim, bu snodo di Knuşto di Claymutho Suryoyto ubi awyutho da şutose Lebnonoye

USUP mu yawmo dımşarela di aykanoyutho du athro dhurwo, mabdele tarmyotho di mcadronutho cama şutose du Mawtbo Umthoyo d’Bethnahrin dkıtne ban athrawotho du macırbo leşan dsundi u cameydan dıkhoye adyawma bcasqutho b’Lebnon.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…