WCO mkamele i tahraztayde du feroqo da duşne la tloye da nabne u bnotho du camaydan b’Turabdin

U Hudro du Quyomo da Mşihoye du Madınho, mkamele i tahraztayde du feroqo d’500 duşne la tloye dan abne u bnotho du camaydan b’Turabdin.

Bi egartho dmatilan mu hudro d’WCO, kımqadım a tahınyothayde lkull man dhawi sanodo bi tarmithathe.

U Hudro du Quyomo da Mşihoye du Madınho-WCO, mabdele meqım zabno tarmitho b’Turabdin wu mfaraqle lbuşe la nacime du camaydan da qıryawotho di Gundıke, d’Hah, Bsorino, Mıdyad, Salıh, Bethqustan, Midın wi Sare. İ tarmithathe, bıthır mıd hthimo’ste, WCO frısle egartho da tahınyotho.

Bi egarthathe u Hudro du Quyomo da Mşihoye du Madenho komır; Bışme du hudraydan, kımqadmina a şlomaydan wa tawdiyothaydan lkull farsufo ula sanode kulle dhawın mcadrone bu haqlo du momuno-dilonoyith la hudre ula more da şuğlone bu sponsor dımqadamlın. Bu snodano, qadırina dımfarqina duşne la nacime du camaydan b’Turabdin.

WCO komır; Mi celtho du virus di Corona, mwaxrina eşmo bu feroqo di mcadronuthathe. Elo naqla hreto qadırina d’nuçhina bi tahrazto dımbayanlan u mafsahlan a nacime du athro dan abohotho. Bi cohnuthathe’ste, kımqadmina a tawdiyothaydan lu Hudro da Neşe d’Turabdin-Surkadim, dmıdle duktho hfıtto bu feroqo da 500 duşnani d’WCO.

Bu huthomo WCO, kımkarır a tawdiyothayde la sanode kulle, lu sponsor dmıde me Wolfenbüttel b’Wolfburg, u camathe’ste mqadım tawdiyotho l’Josef Arsan calu tacbo dkobe li dafo du nawlo du Hudro du Quyomo da Mşihoye du Madınho-WCO.