14/03/2021

Yahkub Mbaydono mhase bu athro d’Almanya

U cammo Yahkub Mbaydono dkıtwe idico bi mıştawtıfonuthayde la hfitwotho dmisomiwo mu Mawtbo Umthoyo d’Bethnahrin-MUB, nqil adyawma ba şoce d’safrayto ma hayani a zabnoye bi mdito d’Giessen d’Almanya.

Lfuth i wasiye dkıtwole u holo Yahkub, dmitawbıl lu athro u dmicafe b’Mıdyad bi mdito d’mawladwo eba. U mnohnafşo mırwole; Mahetulli bu athreyde u inaqla du cameydi dmote li hirutheyde, toxu calu qawreyde mawdeculli.

U camo Yahkub mbaydono mawladwo bi şato da 1929 bi mdito d’Mıdyad b’Turcabdin me abohe Sleman u Şane. Bıthır mıd sımwole i folhutheyde bi şato da 1954 mşawtafwole a hayeyde cami hılto Kocare u mu zuwoğano hawilin abro u bartho, u abro bcımro nacime mhase u i bartho i wardoyo dkıtyo mşalonitho du qlimo d’Gisein da fulhone du mawtbo umthoyo d’Bethnahrin.

Bıthır mıd mhasewo u ahuno du camo Yahkub mıdwole a nacimeyde  nacime lruhe u mawrwiwole dkıtne Turkan Samira Goerge u hawile 12 nıbğe u 6 nacime da nıbğe. Bi şato da 1977 mgalwewole l’Almanya u cayış u hul dı nqil ma hayani b’Almanya.

U mnoh nafşo ha ma farsufe hfite du cımro rabo dmıştawtafwole la hfitwotho dmisomiwo mu taraf du mawtbo umthoyo d’Bethnahrin mawxa ste myaqarwo mu froshızo d’Suroyo tarate naqa cal dkıtwe mcadrono u hfito ba fulhone umthoye. Ha ma farsufe dımsıkle zabnotho sagiyotho kafno tahte da xayme laşan i hirutho du cameydan, u mıştawtafle la ragılyotho dmisomiwo.

Lfuth i wasiye dıtrele u gıdmitawbıl u fağreyde lu athro u gıdmicafe b’Mıdyat bi mdito d’mawlıd meqım mıd mı hase mırle li bartho inaqa du cameydi dmote li hirutheyde ktolabno dothutu calu qawreydi u dımutu 3 naqat du camo Suryoyo-Othuroyo mati li hirutheyde.

Check Also

Taşdaryotho me Suriya matın l’Amerika leşan dhudri bu knuşyo da 76 du Mawtbo Gawonoyo d’Emwotho Mhaydotho

Taşdaryotho frişe me Suriya, matın l’Amerika leşan dhudri bu knuşyo da 76 du Mawtbo Gawono…