Yaqıd 200 dönume arcotho d’Barıtle

Bebzabno, nafıq yuqdono qaşyo ban arcotho di zaricutho bi mditho du camaydan Barıtle bi daşto d’Ninve.

 A Kurdoye di mditho, kıtuhmi a Caraboye ba yuqdonani dımahrawlın hol 200 dönumat d’arcotho di zaricutho.

Bi mditho Suryoyto d’Barıtle bi daşto d’Ninve, kımdawmi a yuqdone dan arcothayda di zaricutho. U mşalo di zaricutho d’Barıtle bi daşto d’Ninve mawdacle, dhawi adşato 87 gedşe d’yuqdone bi mditho. A yuqdonani hawın celtho d’200 dönumat d’arcotho di zaricutho da hete d’yuqdi.

A yuqdonaniste kmisım taxmin, bi idactho kmisomi wa gedşani mawqadlın an arcotho da Kurdoye, du camaydan uda Şabak d’Barıtle. Calathe a Kurdoye kımawdıci, da yuqdonani kmisomi ma Caraboye bnişo dmawfıqi a came mi mdito.

I şultonutho d’Boğdod, heş mi şato da 2019, huwola şudoyo dgıdobo tazminat la akore dhzelın an arcothathe husrono rabo. Elo a akorani, heş lo matilın mcadronutho u tazminat mi şultonutho d’Boğdod.