Yawmo di mşatsonutho Huyodo Suroyo Urifi
U huyodo Suroyo d’Urifi ESU mhadarle matımle a fulhone du zuyoho du yubolo da 18 ışne dhawile bi haqlo du fulhono umthoyo du cameydan. U zuyoho da 18 gıdhowe bu salon di cito d’Yoldathaloho Meryem d’Gutersloh dı czimi elo bi sagiyutho da gabe şutose du cameydan umthonoye u tawdithoye.
BRUKSEL/GUTERSLOH – ESU dımşatawo bi şato da 2004 b’Bruksel bi mtaybonutho da hadome dhadiriwo mkamele 18 ışne dıksoyım fulhone mşahılfe laşan dmaşmıc u qolo du cameydan lıbritho. Laşan hawxa mhadralın cadcido du yubolo dımcazamlınle a gabe şutose du cameydan dkıtne bi fnitho d’Almanya.
Athmıl bi socrutho dsımle u rişono Zawgoyo dESU Fahmi Vergili li mcalyutho d’Mor Filiksinos Matiyas Nayiş u efterufo fatıryarxoyo di marcitho d’Almanya, l’Xuroyo Abrohom Gök, Xuroyo Şamcun Bagandi u farsufe hrene du qlimo mkamelın a hıdriyat dkıtlın laşan u yubolo dıgdowe ramhıl yawme dşabtho bu salon di cito d’Yoldathaloho d’Gutersloh.
Vergili dımzamle a rişonani lu yubolo drışle u mqadamle tawdiyotho l’Abun xuroyo Abrohım Gök cala fulhone dhawile tawdithoyith wu umthonoyith u tlıble hulmono gmiro.
Lfuth i mawdconutho dmılan mi sicto mtaybonitho du yubolo da 18 ışne d’ESU bu zoyudo da mathlone da gabe u şutose u citawotho gıdmıştawtfi lu lumodano u gıdsaymi mamle.
U lumodano dıg mifrıs hayo bi dafo d’Suroyo du Facebok gımşare i şoctho ba tmone d’casriye.
Bu yubolo gıdmitahke calu maktbzabno du fulhono dımqadamle ba 18 ışnani lu cameydan u gıdmıqrın a egrotho da tahınyotho u gımitahwe darbo la mathlone da gabe u şutose du cameydan dımqadmi a tahınyothathe bu yubolano.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
