26/04/2022

Yawmo di Thnahto b’Turcabdin: rabe u nacime sımlın socurutho la bethqbure

Athmıl dkıtwe u yawmo da Canide aw-u yawmo di Thnahto dlfuth i maşılmonutho dkıtlan, u camo-rabe u nacime sımlın socurutho la bethqbure u msalelın cala qawre. U camaydan du athro da abohotho udi golutho, mnasele naqla hreto dsoyım socurutho la qawre leşan dımamte lbole a canide u dobe u xer dide aclaye.

TURCABDIN – Bu athro da abohotho bi Gozarto d’Bethnahrin, u cameydan bıthır me 2 eşne di Coroan, sımle socurwotho la bethqbure u acme bece, kliça u şakar leşan dmifalği lu camo dıkhodır ba bethqbure la slawotho dıkmisomi ma kohne cala canide. Bıthır mi slutho dıkmisomo, u camo kızze la qabre di iqartho udu ahıl, u kımaqıth şamce u kımahıt warde aclaye u ktulbi me aloho, dmawbelın li malkutho şmayonitho.

B’Turabdin b’Mıdyad uba qırywotho dıkhoye u cameydan, safrayto bıthır ma qurbone u camo azze la bethqbure dilonoyith b’Mıdyad bi dayro d’Mor Abrohım latım’wo u camo u mathkarle a canideyde. Lfuth a hezwone dathilan mi qritho d’Midın, u camo azeze camhıdode u msalele cala qawre u mfarıq bece, klica u halyutho.

Thnahto Midyad

Hdo ma qırywotho hrene d’Turabdin dmatilan hezwone mena bu yawmano di Thnahto i qritho d’Mzizah’yo wu camo camu kohnathe nafiqi ba qole du yawmano u azzın la bethqbure u msalelın cala qawre da canide.

Thnahto b’Mzizah

Bu athro du Cıraq u cameydan latle bu yawmano maşılmonutho dsoyım socurwotho la bethqbure.

Ban athrawotho di golutho’ste u cameydan kımdawım bi maşılmonuthathe dsoyım socurutho la qawre da canide, leşan dmathnıh i ruhathe. Mfaraqle bu yawmano bece, kliça cali ruho da canidayde u mede dkıtyo frişo bi golutho, u athro d’Hollanda’yo du cameydan kıtle a bethqbure d’ruhe bi dayro d’Mor Afrem. A kohne wu camo latimiwo bi rişonutho di mcalyutho d’Mor Poliqarpus Awgin Aydin mıstqabli ma boduqe u bıthır azzın la bethqbure. Gawonoyith u cameydan adşato mahwele lhiqutho rabtho la zocurwothani dla bethqbure bıthır me 2 ışne di Corona