Home Yemen hule fusqono dsoyım şalyuthzayno cami Scudiye

Yemen hule fusqono dsoyım şalyuthzayno cami Scudiye

U koalisyon dkıtyo bi rişonutho di Scudiye dhani zabno mdaxloyo bu qrobo dkito bu Yemen hule fusqono dsoyım şalyuthzayno bi sbutho du kewo di Corona.

Bi maqırhonutho dhule u koalisyon mırle: i şalyuthzayno kıbcina dhuyo mıscoyutho dımşarın a droşe bi mıscoyutho d’emwotho mhaydotho laşan dmitakle u berbozo du kewo di Corona.

Bu athro du Yemen dhani zabno kımdawım qrobo dıkmisnıd mu İran me gabo u mu gabo hreno falqo hreno dıkmısnıd mi Scudiye dsim Koalisyon ma athrawotho Caraboye bi rişonutho di Scudiye.

Bu athro du Yemen camgabe du qrobo dkımdawım kito u kewo di Kolera u be bzabno ucdo u kewo di Coronaste dmibarbız bu athro kibe howe qento rabo lu camo dıkhoye bu athro d’Yemen.

Mi celthathe u koalisyon dkıtyo bi rişonutho di Scudiye mawdacle dmıdle fusqono dısoyım şalyuthzayno dkımşaryo adyoma i şalyuthzayno laşan dlımibarbız u kewo di Corona bu athro du Yemen.

Wu mathlano di şalyuthzayno dhowe mathlo la falqe hrene dkito bu qrobo bı britho lfuth i qrayto dsimwowa m’Emwotho mhaydotho dı tlıbwola dhowe şalyuthzayno ba dukotho dkito qrobe bıbritho bu zabnano du kewo di Corona dhawi qento li noşutho.