Zıd m’30 gabe u tukose folitiqoye bu garbiyo u madınho d’Suriya mahwelın ilothnihuthaththe ma gedşe haroye di mşaynutho dhawın ba fenyotho d’Jaramana ud’Sahnaya hedor dı Darımsuq

GARBIYO U MADINHO d’SURIYA – Baynothaye u gabo du Huyodo Suryoyo d’Suriya d’GHS, 34 gabe u tukose folitiqoye bu qlimo du garbiyo udu madınho d’Suriya, bu buyono dıfrıslın adyawma lu ray gawonoyo, mahwelın ilothnihuthaththe ma gedşe mahişone dhawın ba fenyotho d’Jaramana ud’Sa(h)naya hedor dı Darımsuq, udıqtil ebaye menyono d’farsufe dkıtne dlo htitho, udıfrıslın a’reğşe di fıtne udu myodo du hayf bayn da n’abne d’ha athro d’Suriya. 

Bu buyonaththe, a’gabe u tukose krıhlın u cnufyo wu myodo du zayno bu maşıqlano u casqo, laşan du şroyo da qetre bayn da n’abne du camo d’Suriya, u mawdaclın du medano balhude kımşabıl a’bceldbobe d’Suriya udu camayda, u mırlın “u zayno lıkmamte camruhe star mu admo umu shofo, uksoxır a’tarce du diyalog udu fhomo, dıklozım dhowın u darbo ihidoyo du şroyo da qetre uda krize”. 

Callathe, a’gabe u tukose dımdelın calu buyono sımlın qroyto la tarafe kulle dmaklın baroyo a’taxtuşe, udımqadmi lfuth u leczo di hexamtho mdarbıd du leczo di fıtne udu myodo du hayf, udfayşi ste masre camu mantıq di hdoyutho athronoyto udi manfaca gawonoyto rahuqo mkul şıkıl di mwatyutho bayn da madhahbe uda ğense udi çuğrafya. 

Bebzabno, u buyono tlıble ma hayle folitiqoye u kenşoye kulle uma şutose tawdithoye u mdinoye, dmaydi calruhaye i mşalutho athronoyto uda n’axlaq, udmaydi u isniyativ laşan dmitaşlın a’lebawotho, udmınfıq mqabıl du şyoro laf qrobo gawoyo dlıkmıstafıd noşo mene.