Rusya mşarela d’mazido a folheyda bu qlimo di Gozarto

Rusya kmazido a haylawotheyda bi gozarto d’Bethnahrin u dilonoyith b’Qamişli.

Lfuth u tboco froso athmıl 50 radoyotho folhoye cabiri l’qamişli u maftelın fothaye lu bethtawso di mditho.

Bıthır mıd a rusoye mşataswolın ruhaye bi gozarto d’Bethnahrin u dımşarewolın dsaymi dawriyat mşahılfe, kulnoşe kmıftakarwo mışkıl gıdhowe bı duktho d’masahe nacımto a haylawotho d’Amerika u d’Rusya gıdsaymi dawriyat mşahılfe u be bzabno cama haylawotho d’Turkiya.

U mede dıkmahwe Rusya mşarela dmazido a haylawotho dkıtla bu qlimano u bu qlimo d’İdlib , u be bzabno kmazido a hayle oyaroye dkıtla.

Lfuth hın ma mfaşqone Rusya kmazido ahayleyda bi fnitho laşan dhowela duyoqo kamilo cala haylawotho d’Turkiya dkıtne bgawe da thume d’Suriya, laşan dlısaymi zawco xıd kıbci. Awkith inaqa dhowe zawco dlatyo kyonoyo dı qudri dımdaxli.

Megabohrenoste hın mfaşqone kımmi Rusya kmazidi u hayleydan laşan dhowe şawyutho bayn ela u l’Amerika bi fnithathe.

Mede ha galyoyo d’Rusya bu zabno haroyo maşırla hın ma haylawotho dkıtla ba dukotho hrene lu qlimo di Gozarto d’Bethnahrin.