CIRAQ

SWİSRA – I şırke d’Swisra dıkfulho calu teknoloji di kvalita di hawau hani 5 eşne bıthre dıgdode, kfurso i netiçe da istatıstike dıksaymi cali hawa dkito b’athrawotho frişe dı britho. Lfuth u taşroro dıfrısla i şırkathe cali şato dşafıcina cal 131 athrawotho, mahıt u Cıraq bu darğo da 2 di…

BOGHDOD – I mdabronutho gawonoyto du yulfono Suryoyo du Ciraq, sımla u futoho di methhawyonutho şatonoyto du rşomo, da naqşat udu xtuto Suryoyo. I hfituthathe dımtaybo yawme d’Huşabo dşaficina bu salon di madraşto dilonoyto d’qadişo Mor Tuma du gymnasyet b’Boğdod, mıştawtaflela mşale da ferce du yulfono Suryoyo, u mathlone mi tarbitho…

BOGHDOD – Lfuth i wazirutho di baroyutho du Iraq, u waziro Fuad Hussein wu rabhaylawotho du NATO calu Iraq Givanni Lannuççi drışlın a fulhone dhawın holucdo beynothaye bu haqlo di mşawronutho uda droşe folhoye da hayle di mşaynutho du Iraq, wi methcadronutho dhawyo beyn du NATO udi wazirutho du sutoro du…

BOĞDOD – Athmıl mıstaqbele u rişqutno du Iraq taşdarto mu İnstitut du Şlomo d’Amerika bi arişkoyto Boğdod. Bu zabno di ytawtathe dhawyo, u rişqutno Latif Raşid m’akadle cali ulsoyutho du terkiwo da prensibe asasi du şlomo bu kenşo Cıraqoyo dıklozım dmitarkıw cal arcutho da haye mşawtıfe udu fhomo beyn da…

BOĞDOD – U fatıryarkho di cito Kaldoyto Mor Luwis Rofael Qadmoyo Sako, bu buyono dı frısle lu tbocofroso, mawdacle di aykanoyutho dkito adyawma bu Iraq kmagılyo di tuhmonoyutho lo bılhude bu haqlo tawdithoyo, elo b’haqle hreneyo u mırle; Kito adyawma bu Iraq i zıhniye dhowe camo cleytır me camo hreno, tawditho…

BOGHDOD – U ajans d’Reuters mawdacle; du waziro du sutoro d’Amerika Lloyd Austen mabdele adyawma socurutho dlıkmıntırowa lu athro du Iraq. Austin bi maqırhonutho dı frısle mırle; “Nahtina b’Boğdod. Ahna athina leşan dımakdina me hatho i şawtofutho stratejikoyto dkito beyn d’Amerika wu Iraq bu zabno dıkımhalqina dawsat leşan dmotina l’Iraq…

BOĞDOD – U notarozo gawonoyo d’Emwotho Mhaydotho Antonio Guterres, bıthır ma droşe u ytawyotho dhawile cama mşale Cıraqoye, sımle socurutho li bethcatiqotho Athronoyto dkıtyo b’Boğdod; dftihowa me hatho bu yarho d’Odor da 2022 u tamo sımle mamlo la gelyunore.   Bu mamlayde Guterres mırle; “İ naqa ha dothe li bethcatiqothathe, laybe dlo roğış…

BOĞDOD – U hadomo di sictho di zaricutho uda maye bu parlamento du Ciraq qoyumo Rafiq Alsalihi, tlıble dmıftıh dacwa mqabıl Turkiya bu Mawtbo di Mşaynutho d’Emwotho Mhaydotho, cal dıkqıtco a’maye mcalu Ciraq ukmıştacyo bu sahmayde da maye dkıtyo mbayno lfuth u qonuno emwothoyo. Alsalihi dkıtyo mu koalisyon d’Sadiqun, bi…

ARBCA-ILO (ARBIL), Ciraq – U rişono di marcitho d’Mawsal u hedora di cito Suryoyto Orthodoksoyto hasyo Mor Niqodimos Dawud Matti Şaraf, sımle athmıl socurutho lu hiğmuno d’Ninwe Najım Aljabburi, u drışle acme u maşıqlo du bnoyo udu hethotho da citotho di marcitho.   Bebzabno, hasyo Dawud Şaraf tlıble mu hiğmuno…

BOĞDOD — U Cıraq mnıcle ucdo ruşmoyith u tecbiro du alkohol lu athro, u zebonayde, u ştoyayde wu snocayde bu athro wu fusqonano’ste şafıc la haye 20 bu yarhano. Bu fusqonano u hatho kmitawdıc, dkull farsufo dlıkmtabıq u qonunano, gıdmiçaze beyn 10 milyone dinare du Cıraq-dkıtne 6.850 alfo dolare d’Amerika…

BOĞDOD – U mawtbo di mşaynutho athronoyto du Ciraq dkımrayşanle u rişwazire Muhammad Şiyac Alsudani, sımle qroyto dmıftıh diyalog cam Turkiya bi sbutho du kriz da maye. U krizano i celthayde Turkiya yo dıkbınyo masxore rabe, ukmanqıso a’maye da nahre dıkxayri la n’athrawotho şbobe, baynothaye Turkiya. U makıthbo du tboco…

BOĞDOD – U qoyumo Ğarib Alturkumani adyawma bışmıd da hadome Turkumanoye kulle bu parlamento du Ciraq, hawile ytawto camu rişwazire Muhammad Şiyac Alsudani bu qentrunayde bı Boğdod, u maslamlele a’talabe dkıtlın a’Turkumanoye du Ciraq. Meqım mathe, Alsudani tlıbwole ma qoyume Turkumanoye dımbayni lohitho da talabaththe, u bu şıklano a’qoyume Turkumanoye…

B’Tello dkıtyo bu taymno du Cıraq kıtwo meqım alfayo d’eşne i mdito d’Girsu da Şumiroye. Bi tarmitho d’Girsu dımtaybo me British Museum bu snodo d’bethcatiqotho d’Amerika, mabde fulhone ba dukotho catiqotho du Cıraq dhzewolın husrono rabo ma hçome barbroye du tukoso marhıbono d’Dacış. Ba hfaryotho dsımlın a yadıcthone wa arkeolog,…

CIRAQ – U qentrun du tbocofroso da hayle di HPG frısle maqırhonutho cala hçome haroye dsımlın athmıl a hayle kaboşe d’Turkiya calu gerilla bu garbyo du Cıraq. Mawdıc da cuqobani simi, walaw i KCK sımwola meqım kmo yawme iclan şalyuthzayno bu taro du gunho du kyono dhawi b’Turkiya. Bi maqırhonuthathe…

BARITLE/DAŞTO d’NINWE, Ciraq – U hasyo di dayro d’Mor Matte da Suryoye Orthodoksoye b’Barıtle bi daşto d’Ninve-Mor Timatheos Musa al Şamani, a kohne wa mşale du şutoso da boduqe hadıri u knuşyo dımtayable u şutoso da boduqe d’Mor Matte, leşan dımnaqe rişono hatho lu şutoso. Bu knuşyano’ste mahke cala fulhone…

BOĞDOD — U makthbo du rişwazire du Cıraq, sımle qroyto lu rabhaylawotho gawonoyo da hayle folhoye du athro, dımşatıs komisyon dilonoyo mşawtıfo me Boğdod umi şultonutho du qlimo d’Kurdistan, leşan dsoyım buhone cala zayne kimyawi dmıstacmela Turkiya bu garbyo du Cıraq calu gerilla di PKK.  U mkaktho mawdacle, du nişo…

BOĞDOD – U rişwazire du Ciraq Muhammad Şiyac Alsudani, bi maqıblonutho dsımla acme i sferyawmo d’Alşarq Alawsat, mawdacle du zayno mbarbızo bu Ciraq lıkkowe fayış dhowe larwal du taro da haylawotho di mşaynutho dımşatsi lfuth u qonuno. Alsudani dmathkarle dımşarelın dsaymi hethotho bu haqlo di mşaynutho ud’şorın u qetro du…

Athmıl fayiro helikopter me Boğdod u nahito b’Şigor u bıgawa, kıtwo i mıştacyonitho idıcto da flime d’Amerika Angelina Jolie wi hfıtto Ezidoyto Nadia Murad dqmırwola meqım eşne u şukono du şlomo d’Nobel. Jolie’ste ucdo i rişathizgadto du tukoso d’Emwotho Mhaydotho dıkhoyır cala gelone mtanwone udcala hawbe’yo. Bu zabno di socuruthathe,…

BOĞDOD / PARIS – Bi mawdconutho dhiwo mi rişizgadutho du Cıraq b’Fransa mawdıc du rişwazire al Sudani, bu zabno di socuruthayde l’Paris hawile’ste ytawto cami rişonitho du tukoso d’UNESCO Audrey Azoulay. Li ytawtathe’ste hadır mathlone mi wazirutho di baroyutho d’Fransa wu rişizgado Cıraqoyo b’Paris. Bi ytawtathe’ste a 2 mşale huwlın…

Bu şuroyo di egarthathe HBA u ESU kımmi; Cal ışme du gabo du Huyodo d’Bethnahrin Athroyo udu Huyodo Suroyo d’Urifi, b’iqoro kımqadmina a tahınyothaydan lu rişqutno ula qoyume du parlamento federaloyo d’Almanya bi cohnutho du fusqono ulsoyo dmıdwolın 19 bu yarhano bi sbutho du qtolğenso dsımwo cala Ezidoye. HBA U…

Athmıl u bethdino d’Boğdod, hkımle 14 farsufe lu mawto cali mıştawtıfonuthathe bu qtolcamo dsımwolın bi maşritho d’Speicher dkıtyo b’Tikrit bi hiğmonutho d’Salahaddin. Bu qtolcamno dsımwole Dacış 12 bu yarho d’Hziron dan 2014, qtılwo 1.700 clayme Şica dımqadamwolın ruhaye li folhutho. Bi maqırhonutho dhuwle u bethdino celoyo du Mawtbo di kinutho…

ERBCO-ILO/ARBIL – Tobias Lindner, dkıtyo mi wazirutho di baroyutho d’Almanya mabdele athmıl i socuruthayde l’Boğdod, la hayle folhoye d’Almanya ulu makthbo d’Emwotho Mhaydotho u bıthır’ste li mdito d’Arbil u hawile ytawto camu rişono du qlimo Neçirvan Barzani. Lindner u Barzani drışlın calu ağono dıkmitahwe mqabıl du tukoso marhıbono d’Dacış, u…

‘U masırho du Cıraq kmişakıl mi frişutho umi tuhmonyutho ubu zabno dıkmitahwe yuqro la Şica Maşılmone, a Sunna, a Kurdoye wa Ezidoye dkıtne qalilutho kıfayşi larwal du kenşo u kıloqın rdufye. Elo cama qalilothani’ste kmıgrış u zuhoro cala Mşihoye etnikoye du Cıraq dkull dkothe kınoqıs u mınyonathe bu athro, cal…

U amnoro professor Cıraqoyo Michael Rakowitz dıkhoye b’Amerika kobıc dobe haye hathe la athare dmahrıwi mu tukoso marhıbono d’Dacış bu Cıraq. Elo i diloyto dkıtle u amnoro, da atharayde kmisomi me medone catiqe dıkmalım mi duktho dkothe u athar mene. U amnorano meqım zabno, sımwole u tawro gefonoyo d’Lamasu bu…

BOĞDOD – U rişqutno du Ciraq Cabdıllatif Raşid mıstaqbele athmıl bu qusro d’Boğdod, taşdarto dkımmathlo a’came mşahılfe di mditho d’Şigur du garbiyo du Ciraq. Bu mamlo dsımle Raşid, makadle i ulsoyutho dmitaqwın a’timoyotho di ahonutho udi awyutho bayn da n’abne di mditho, ukali ste cali ulsoyutho dmihaydi a’fulhone athronoye laşan…

ARB’ILO / MAWSAL, Ciraq – U rişono di marcitho d’Mawsal, d’Kerxıslox udu qlimo d’Kurdistan hasyo Mor Niqodimos Dawud Matti Şaraf, bi maqıblonutho dsimo acme, mawdacle dlatwo bi mditho d’Mawsal ulo Suryoyo Ortodoksoyo dkımcadcıd bi cohnutho du cedo du mawlodo d’Mşiho, cal da citotho da Suryoye Ortodoksoye kulle shifene ulımmahıt ebaye…

Brandon Parker dkıtyo u mşalo da falohe du koalisyon Emwothoyo bu Cıraq sim maqıblonutho acme mi dafo d’Al Hurra bi sbutho du ağono dkobe u koalisyon Emwothoyo dkıtyo bi rişonutho d’Amerika mqabıl d’Dacış. Bu mamlayde Parker, grışle dilonoyith u zuhoro cala marhıbone wu qento dıkmşakli ba hbuşye du Cıraq-dilonoyith ba…

İ sbutho du qatlo da neşe ma hadome di iqarthathe, kımdawmo d’zaydo bu Cıraq ubu İran. Lfuth i dafo SAT-7 d’Amerika, griş u zuhoro cali claymtho Maşılmonitho dqtilo bu garbyo du Cıraq. İ claymthathe, bartho d’şex’wa ubı cımro d’12 magwıro’wa dlo mu sebyonayda cam farsufo rabo bu cımro u bıthır…

Hani bzabno dşabtho, hawi 8 calcole du qum bu Cıraq u mcali aykanoyuthathe’ste, jbiro i şultonutho d’Boğdod d’suxro a madraşyotho, a makthbe ruşmoye u dmaklıyo a fyore da tayosyotho ba botaytawso du athro, u sımla adyawma yawmo du bıtlono bu athro kule, bıthır mıd ba mowat dıbnaynoşo nqili la bethkrihe.…

İ dafo İndependent Catholic News, frışla duktho bu frosayda calu mgabyo di qritho d’Baradaş dkıtyo b’Sarsıng b’Nuhadra dkıtyo mu camaydan u Othuroyo wu qetro d’xlıqlın a Kurdoye bi sbutho dan arcotho di qritho. Bi dafathe mawdıc du mgabyo Zaya Minas u farsufo hreno mu camaydan James Zaya, msikiwo 11 bu…

İ sbuthathe du kboşo da racottho da qıryawotho du cameydan dkıtne bu qlimo du İraq u ba dukothe hrene du İraq latyo mede hatho elo u kboşano kımdawım b’şıklak mşahılfe, bhın dukotho bu zwono dba hiyal kmitahıt ido cala dukotho du cameydan, bhın dukotho xıd hawi b’Baradaş hın farsufe Kurdoye…

CIRAQ – Latyo inaqla qamayto dkowe hçome ma Kurdoye du qlimo d’Kurdistan du Cıraq cala qıryawotho du cameydan. Wu bhın dukotho kbışlın a mulkone da qıryawotho, ucdo’ste a comure dhedor a qıryawotho d’Baradaş dkıtyo b’Sarsing hcımlın calu mgabyo di qritho dnafıqwo d’dowır i raceyde. Bu video dımsawır mu claymo Othuroyo…

A Ezidoye dıkhoyın b’Şigor bu garbyo du Cıraq, sımlın athmıl taglitho bi fnitho u mawdaclın ilo thnihuthathe mqabıl da taxtuşe dhawın beyn du gayso Cıraqoyo uda Haylawotho du Sutoro du camo-YBŞ uba slogane dmazcaqe mırlın; Basyo lu mawto, E l’şroyo mşayno. Bi taglithathe dsimo b’Sinune bu garbyo d’Şigor, a Ezidoye…

SULEYMANIYE, Ciraq – Bu makıthbo du inistitut da guboye di mditho di Sulaymaniye bu qlimo d’Kurdistan, mabdiyo athmıl kampanya laşan dmitaklın a’hçome lo ruşmoye dıksaymolın Turkiya calu garbiyo du Ciraq. İ kampanyathe simo bu insiyativ di knuşto mdinoyto Ciraqoyto ubi sdirutho du huyodo da tukose du kenşo mdinoye uda tukose…

Bu knuşyo dsımwo bu parlamento du Cıraq bu şuroyo di şabthathe, fsıqwole u rişwazire dımbayın u hiğmono d’Ninve Najim al Jabouri xıd mşalo cali fnitho d’Şigor. Elo bıthır kmo şoce, mawdacle Mustafa al Kadhımi d’dacır bu fusqonayde u lıgmahıt al Jabouri mşalo cali fnitho da Ezidoye. İ rişonitho du Komisyon…

MAWSAL, Ciraq – U kohno di cito d’Mor Tuma da Suryoye Qatholiqoye di mditho d’Mawsal qaşişo Biyos Caffas, sımle qroyto la kohne da citotho mşahılfe d’Mawsal ula n’abne da marciyotho kulle di mditho, dmıştawtıfi li slutho du qurobo alohoyo dgımtayable bi citayde cal dkamıl u maşıqlo trayono du bnoyayda. Qaşişo…

BOĞDOD – Lfuth a’fuqdone du mdabrono gawonoyo du yulfono Suryoyo du Ciraq Cimad Salem Jajjo, a’mşale di dayira du yulfono Suryoyo qentrunoyo d’Boğdod sımlın athmıl knuşyo dımrayşanla i mcadronitho du mdabrono gawonoyo An Andırawos, udmıştawtaflele i mdabronitho du ferco du duyoqo uda duroşe Florens Bahnam, i mdabronitho du ferco da…

CAYNKAWA, Ciraq – Bi rocyutho di qadişutho du fatıryarxo di cito d’Madınho d’Othuroye Mor Awa Roel, mnaqe mawtbo hatho li marcitho fatıryarxoyto d’Mor Yuhanna Macımdono bi qastra d’Caynkawa bu garbiyo du Ciraq. A’hadome du mawtbo hatho dıkmişakıl m’10 farsufe baynothaye hammış neşe, ymelın ste ruşmoyith li wolithaththe i hathto qum…

U şutoso akademikoyo d’Masarat du quyomo marduthoyo udu tbocofroso du Ciraq, mawdacle dgımtayıb şbilo hatho du yulfono leşan dmitaqre ba botaysawbo. Bi şbilano gıdmişalıt bahro calu qtolğenso dan Armınoye dan 1915 dmathkarwola britho yawme d’Huşabo dşaficina bu duxronayde da 107 eşne. U şutoso d’Masarat, grışle u zuhoro cala insiyative dmabdewole…

U huyodo gawonoyo da sofre uda kothube du Ciraq, mawdacle du tahlufo du notarrozayde u gawonoyo omuro Zuher Bahnam Burda dkıtyo bebzabno u rişono du makıthbo marduthoyo Suryoyo du huyodo, adyawma mi celtho d’kriz dlıkmıntarwo du hulmono, nqil ma hayani b’cumro d’74 ışne. U omuro Suryoyo Burda dmawlıd bi mditho…

Barmothoye mu camaydan du Ciraq ba maqırhınwotho dıfrıslın ba dafe kenşoye du nawlo, sımlın sturyo qaşyo a’tahanyotho di şultonutho du athro dilonoyith du rişwazire Mustafa Alkadhimi dımqadmi bi cohnutho du cedo di Qyamto. An’abne du camaydan mawdaclın da tahanyothani balhude şufro di fothoyo, elo lıkmanqısi i dişutho wi tuhmonoyutho dkito…

U rişono di qalilutho da Sabiaa Mandoye du Ciraq Sattar Jabbar Hılu, bi maqırhonutho dhule lu tboco froso, mawdacle da hçome dıksaymolın Turkiya calu garbiyo du Ciraq mede dlıkmitaqbıl yo, u mırle “bu zabno dıkrıfdina a’cuqobe folhoye dı Turkiya b’gawıd da n’arcotho du Ciraq, kımakdina ste dıklozım dmitaqwın an’esore msimone…

U Mawtbo Umthoyo d’Bethnahrın frısle buyono dıg korıh a hcome dıksaymo calu garbyo u madınho d’Suriya u calu garbyo du İraq. MUB bu buyoneyde komır; Klozım mitakılyo i siyase du qtolğınzo du gabo di AKP u MHP. ———— buyono ———— A şultonwotho di Qutnutho d’Turkiya kmaydi l’ruhayye asas i siyase…

DAŞTO D’NINWE – U waziro du sport udi claymutho bi şulonutho du Ciraq Cadnan Darjal wu waziro du snoco Manhal Alxabbaz, sımlın socurutho li dayro d’Mor Matta da Suryoye Orthodoksoye dıknuflo bu turo d’Alfof bi daşto d’Ninwe. A 2 wazire mıstaqıbli mu rişdayro hasyo Mor Timothawos Musa Alşamani umı menyono…

U rişwazire catiqo du Ciraq İyyad Alcallawi bi maqırhonutho dıfrısle mawdacle di mudaxala folhoyto Turkoyto bu garbiyo du Ciraq sbutho qento’yo u dlıklozım fmifış b’şetqo acla u mırle; İ klaytaydan qrihto’yo bu prensib dıklozım dlo mitahwe aftho dmitıstacımli an arcotho du Ciraq xıd nuqazto du hçomo calan athrawotho şbobe. Callawi…

U tbocofroso du Cıraq mawdacle di daira da Athare udi Yortutho du athro mqadamla athmıl talab li şultonutho, leşan dmişahlıfi a qusro du diktatör catiqo Saddam Hussein l’bethcatiqotho. İ mawdconuthathe’ste hiwo mu rişono di dairathe Laith Majıd Hussein. Hussein mawdacle, dcal di bethcatiqotho Athronoyto d’Boğdod law fayış eba duktho leşan…

TELLESKOF/CAYNKAWA, Ciraq – Yawme d’Tlotho dşaficina, sim u futoho du cadcido rbicoyo d’Mor Gorgis bi qastra do Tellısqof di daşto d’Ninwe. U cadcidano dsim u futohayde bi cito d’ Mor Gorgis, mşarelın a’hfitwothayde bu mamlo dsımle qaşişo Karam Nejib Qaşa u mamlo hreno dsımle u hasyo Mor Bulıs Tahbıt. Lu…

ŞİGOR, CIRAQ – Athmıl mçarahwo 2 folhe Cıraqoye u 2 Mharbone da Haylawotho du delqublo d’Şigor-YBŞ uha mdinoyo, bu zabno da taxtuşe dhawın beyn da 2 hayle b’Şigor. A taxtuşe dımdawamlın 2 şoce, mşarewolın bi nuqazto du duyoqo bi fnitho d’Dagure-dkıtyo bu duyoqo di YBŞ uda hayle du sutoro gawoyo.…

İ rişqutnutho du Ciraq mawdacla da hçome folhoye dıksaymolın Turkiya calu garbiyo du Ciraq dyoşo li morutho du athrone. İ rişonutho bu buyono dıfrısla, mawdacla ste dkımcaqbi b’zuhoro a’hçome dıksaymolın Turkiya calu qlimo d’Kurdistan, udkımmathli tehdid li mşaynutho umthoyto du Ciraq. Bebzabno, u buyono rfıdle kul hçomo dıkmisım m’Turkiya calu…

Bı muzoğo malyo fsihutho u hulhole da neşe ub’mıştawtfonutho rabtho d’nacime, an’abne du camaydan u Suryoyo Ortodoksoyo dkıtyo masro camu surgodo Yolyani catiqo, mcaydale athmıl u tekso du cedo da Oşacne bi mditho d’Midyat uba qıryawotho Suryoye kulle dı Turcabdin bu tayman madınho dı Turkiya. Bi mditho d’Midyat, athmıl u…

I dafo Amerikoyto d’Angilos dıkmcaqbo a Mşihoye dbritho, mawdacla da zawhe uda hfitwotho du cedo da Oşacne dsimi bi daşto d’Ninwe wu dcoro da haye lu kyonathe, kımaydi duktho dilonoyto u ulsoyto beyn da hfitwotho dıksaymi a Mşihoye dbritho bi şabtho du haşo. Bu taşroro d’Angilos griş u zuhoro cal…

NUHADRA (DOHUK), Ciraq – U hayklano du Tawro gefonoyo dıkdocır lu zabno du malko di mamlaxtho Othuroyto-Sanharib, kıtle ulsoyutho rabtho l’Nuhadra bu garbyo du Cıraq, cal dkıtyo u hayklo ihidoyo bu dumyano bu qlimo d’Kurdistan. Elo u hayklano nafılwo mu turo lıgawe di dole d’Xans bıthır mi zalzale dhawyowa ban…

NUHADRA, Ciraq – Bu taro di tahrazto şatonoyto da 2022 di mdabronutho gawonoyto du yulfono Suryoyo du Ciraq, u ferco du yulfono Suryoyo bi mathlonutho di wazirutho di tarbitho d’Nuhadra, mtayable athmıl lqoyto cama malfone du şbilo du leşono Suryoyo udi tarbitho tawdithoyto Mşihoyto dıkmitaqrın ba madraşyotho dkıtne masre cami…

U qrobo bu Cıraq tayım, elo u camo kıloqe ucdo b’gzomo hreno rabo u hano’ste u qetro du şuhlofo du kyono’yo u acme’ste u semomo da maye udi hawa mcal fothe da calcole du qum udu zawlo dıkmihalıq ba zabuqone uba nahre du athro. Calathe hol 200 clayme u claymotho…

I qadişutho du fatıryarxo di cito d’Madınho d’Othuroye Mor Awa Royel cami taşdartayde, sımlın athmıl socurutho lu waziro da wqafat uda sebwotho tawdithoye bi şultonutho du qlimo d’Kurdistan du Ciraq Baştiwan Sadeq. I taşdarto du fatıryarxo kmişaklowa mu rişono di marcitho d’Kerxeslox u d’Diyana efesqufo Mor Apres Yuxanna u menyono…

An abne di marcitho d’Mor Çırçıs di cito Kaldoyto d’Derik b’Suriya, mcayadlın yawme d’Huşabo u cedo da Oşacne lfuth u surgodo hatho. Ba mowat dımhaymne dıkfixi li cito, tcınlın bidothaye şemce u tarfe da zaytune, ubıthır mıd kamıl u tekso ruhonoyo di slutho, a mhaymne mhalaxle bu zabuqo rişoyo dkıtyo…

NAHLA, Ciraq – İ qadişutho du fatıryarxo di cito d’Madınho d’Othuroye Mor Awa Roel, sımle yawme d’Şabtho dşaficina socurutho li qritho du camaydan d’Hizane dıknıflo bi fnitho d’Nahla di daşto d’Ninwe bu garbiyo du Ciraq. İ qadişuthayde dkıtwo acme taşdarto ma hsayo u kohne di marcitho fatıryarxoyto, mıstqabıl m’zawho camonoyo…

U fatıryarxo di cito Suryoyto Qatholiqoyto Mor İğnatiyos Yawsef Tlithoyo Yunan bi socurutho dsımle yawme d’Cruto dşaficina li mditho Suryoyto d’Bağdede di daşto d’Ninwe, mıstaqbıl ma hsayo u kohne di marcitho umu qaymaqam Suryoyo Cisam Bahnam Matti umu menyono celoyo mu camaydan d’Bağdede. Baroyo bıthır mu qubolo ruşmoyo u camonoyo…

Athmıl ba mowat d’Ezidoye u Caraboye d’Şigor mhalaxe lafu thumano bnişo dmaklın u bnoyo du şuro beyn d’Şigor wi Gozarto. Mawdıc da folhe Cıraqoye lo trelın da mtagliyone dımqarwi li duktho u gzımlın i claymutho Caraboyto dmıştawtıfo li taglithathe. Bi taglithathe’ste abıc u camo dmahwe ilo thnihuthayde mqabıl du bnoyo…

Bi mdabronutho dr Adelheid Otto, mqafelın a falohe du institut Almanoyo du arkeologi du Madınho Mescoyo, harbotho bi mdito catıqto da Şumiroye d’Tal Fara b’Qadisiya dıknuflo bu taymno du Cıraq. Mawdıc da mbahnone mabdelın fulhone cal duktho dmaglıyowa heş me meqım me farsufe dıkurxiwo cal athare time u makthabzabnoye. Dr…

QRTIHO d’BADIRŞ, Ciraq – Arbıco bu yarhano bıthır mdıfrıswo vidio ma n’abne du camaydan u Kaldoyo Suryoyo Othuroyo di qritho d’Badırş bu garbiyo du Ciraq, dıkmahwewo ebe a’dyoşe dıkmisomi cala n’arcothaththe ma Kurdoye da qıryawotho hrene, i qoyumto du camaydan bu parlamento du qlimo d’Kurdistan Klara Codişo sımla socurutho li…

CAYNKAWA, Ciraq – Bi cohnutho di rişıdşato umthoyto Suryoyto Bıbloyto Othuroyto d’Akitu, i mdabronutho gawonoyto di mardutho udi amnorutho Suryoyto du Ciraq, mtayabla bi qastra d’Caynkawa bi hiğmonutho d’Arbil, u cadcido trayono di yortutho Suryoyto dımdawamle tlotho yawme. U cadcidano dımşarele bu qyoso du şorito du futho, mıştawtaflele i qadişutho…

U mathlono du camaydan bu parlamento du qlimo d’Kurdistan qoyumo Farid Yacqub, bi maqırhonutho dhule li dafo d’PUK media, mawdacle da hamşo qoyume du camaydan bu parlamento d’Arbil b’ha fusqonone dmisım şuhlofe bu qonuno da guboye du qlimo ub’awyutho cama gabe u koalisyone folitiqoye kulle. Cali sbutho da guboye gawonoye…

U Mawtbo di Mdabronutho Yothoyto d’Şigor mtayable knuşyo lu tbocofroso u qrele i maqırhonutho dfrısle calu tathir dgıtore u şuro dımşarele u Cıraq u bnoyayde me falge du yarho d’şafıcina 5 kilometre bıgawe d’Şigor ucala thume di Mdabronutho Yothoyto du Garybo udu Madınho d’Suriya. Bi maqırhonuthathe d’qıryo mi rişonitho zawgoyto…

Bu siqumo d’3 u 4 bu yarhano d’Nison, a’madraşyotho Suryoye di hiğmonutho d’Kerxıslox du garbiyo du Ciraq, mtayablın hfitwotho mşahılfe bi cohnutho di rişıdşato Suryoyto Bıbloyto Othuroyto d’Akitu da n’6772. Baynothaye i madraşto Suryoyto şarwoyto d’Bahra, bi hfitutho dımtaybola yawme d’Huşabo dşaficina, sım mamle calu sukolo d’Akitu ucala remze dkıtle,…

U qaymaqam di fnitho d’Bativa dkıtyo masırto cami mdabronutho d’Zaxo Ferhad Mahmud, mawdacle dmaxlelın 12 qıryawotho di fnitho ma comuraththe u mnıclınste u mazlo mathyo ebaye, mi celtho da hçome dıkmisomi ma tayisyotho du gayso Turkoyo calu garbiyo du Ciraq. U qaymaqam d’Bativa dmawdacle dıklozım dmibayın tahrazto laşan dmırşomni a’thume…

Bnişo dmitakle u mazlo u mathyo da marhıbone d’Dacış beyn d’Suriya u Cıraq, mabdewola meqım kmo şabe i şultonutho d’Boğdod bu bnoyo d’şuro cala thumayda du garbyo du athro-awkith cala thume dbeyn Şigor (Sinjar) wi Gozarto d’Bethnahrin. Ucdo’ste u gayso Cıraqoyo leşan dhowele duyoqo kamilo cala thumani, bnele 10 nuqazyotho…

U şutoso dıkqore ruhe “i claymutho du lqoyo da n’abne du şlomo” mtayabla bu şuroyo du tahrahno, hfitutho ruhonoyto udi feshutho la n’abne di marcitho d’Mawsal ud’hedora di cito Suryoyto Ortodoksoyto. İ hfituthathe dımtaybo bi dayro d’Mor Yuhanna Aldulaymi dkıtyo i dayro da Suryoye bi mditho d’Bağdede, mşarela b’qurobo alohoyo…

DAŞTO d’NINWE, Ciraq – İ daşto d’Ninwe dıkmidoco dkıtyo u athro nacimo di qalilutho Mşihoyto du Ciraq, hul darğo kmıhşowo fnitho dkiba şğuşyo awkith dlatyo sfitho, mi celtho di qale dkito acla ma gabe folitiqoye u folhoye da Şica uda Kurdoye. İ qalatheyo dıkmawlıdo i zuctho da galwoye du camaydan…

TELESKOF, Daşto d’Ninwe – A hfitwotho du cadcido şatonoyo d’Mor Gorgis dıkmisomi b’Telesqof bi daşto d’Ninwe, heş kımdawmi. Bıthır mıd kamili a muroye di esfireğlo, mabde ucdo turnuwa di esfirtayısto dmıştawtafla şwac gude mi claymutho du camaydan di daşto d’Ninwe. Bu taro da hfitwotho du cadcido rbicoyo d’Mor Gorgis dıkmitayıb…

İ Sitadel d’Kerxeslox dkıtwo meqım eba knuşyotho da Yudoye u citotho, adyawma kiba u masığdo rabo di mdito. İ Sitadel, u bınyono catiqo d’Kerxesloxyo u inaqla qamayto dımşare bu bnoyayda 858 meqım me Mşiho’we. U malko Othuroyo Aşurnasirpal II, bdewole ba 858 bu bnoyo du qentrunano d’Kerxeslox leşan u duyoqo…

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du hethotho di daşto d’Ninwe. Lfuth i sictho du bnoyo d’Mort Şmuni, mtayıb ucdo hedor 30 dukane d’sıncat mşahılfe bi qastra d’Bahşiqa bi daşto d’Ninwe. Bu snodo momunoyo du tukoso Amerikoyo du quyomo Emwothoyo ubu taro di…

U rişwazire du Iraq Mustafa al Kadhımi mawdacle, dımsıklın u marhıbono dıkmitıftakır dkıtyo bıthre da hçome barbroye d’11 İlül da 2001. U marhıbono, bebzabno kmıthım bu hçomo qaşyo dsımwo bi şawtho d’Karrada d’Boğdod ba 2016. Bu zabno du gayso Iraqoyo maqwele u duyoqo di mşaynutho d’Boğdod, mawdıc da hayle oyaroye…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan, hawile ytawto bu Vatikan cami qadişutho du papa Mor Fransis Qadmoyo. Bi ytawtathe dıdrişi eba a’hıdriyat di Sunados mqadaşto di cito d’Roma, grişıste u zuhoro cali aykanoyutho du camaydan du madınho dilonoyith dıkhoye bu athro d’Lebnon. İ…

U mraşho di lohitho du gabo du Huyodo d’Bethnahrin Athroyo du Iraq Josef Sliwa, maglele cal hın mın dyoşe dsimi bhaq du zedqo dkıtle u camaydan di daşto d’Ninwe dobe qole ba guboye gawonoye du Iraq. Sliwa bi maqırhonutho dıfrısle, mawdacle di Peşmarga du gabo di KDP d’Mascud Barazani mcınlın…

Bi fnitho d’Caynkawa bu garbiyo du Iraq, sim u futoho di nuqazto du hulmono d’Habib Almaleh, bi mıştawtfonutho dhın ma mşale da şutose di hiğmonutho d’Arbil. Habib Almaleh dkıtwe osyo mu camaydan, sımwo icdam mu rejim catiqo du Iraq bu zabno d’Saddam Husayn, cal dkıtwo masro camu gabo da Kominist.…

U rişono hatho di marcitho d’Mawsal u d’hedora di cito Suryoyto Qatholiqoyto hasyo Mor Afram Yusıf Cabba, mşarele ruşmoyith bi wolithayde i hathto. Hasyo Mor Afrem dımbayın rişono di marcitho d’Mawsal mdarbıd du hasyo mşawtbo Mor Yuhanna Bıtrıs Muşe, mrayşanle u qurobo alohoyo qamoyo bi mditho Suryoyto d’Bağdede di daşto…

U froshezwo mşamho d’Alcarabiya, frısle flim dokumentar cala Mşihoye d’Mawsal bu calway “qay a’bote di mdithathe xalyene ma Mşihoyaththe”. Bu flim dıfris, kmitawdıc da Mşihoye d’Mawsal dkıtwe u menyonathe 20 alfo meqım mu koboşo di mditho m’Dacış, ucdo u menyonaththe bi mdithathe balhude zıd mu sfiqoyo bışmo.  Mlawğıl du hrowo…

Adyawma, huwle mınyono d’bnaymothoye du Iraq a qolathe ba guboye gawonoye du athro. Meqım me 10 bu yarhano dkıtyo u siqumo ruşmoyo da guboye du Iraq, hiw aftho la hayle folhoye ulu camo dkıtyo galwoyo bıgawe du athro, dızzın adyawma la sanduqe da guboye leşan u dobın a qolathe. Adyawma…

U şutoso du waqıf da Mşihoye du Iraq, mawdacle d’70 ba mo du camaydan mgalwele mu athro. U istatistikano du waqıf khobış bıgawe i golutho du camaydan bu zabno da 100 eşne dşaficina. U mdabrono da esore udu tbocofroso du waqıf Mşihoyo du Iraq qaşişo Marten Hırmız, maglele d’70 ba…

U mraşho d lohitho du gabo du Huyodo d’Bethnahrin Athroyo du Iraq Josef Sliwa, sımle qroyto lu camaydan u Kaldoyo Suryoyo Othuroyo dmıştawtıf b’sagiyutho la guboye gawonoye dıkmıntır dmisomi 10 bu yarhano, bnişo dhowele duktho bu maşıqlo folitiqoyo hatho du Iraq. U mraşho d’HBA du mnoyo da 141 Josef Sliwa,…

U rişwazire du qlimo d’Kurdistan bu garbyo du Iraq-Masrour Barzani hadır bu zawho du şuhlofo di qastra d’Caynkawa, l’finotho dgmidabro bıthır mucdo ma comurayda. İ sagiyoyutho d’Caynkawaste ma nabne du camaydan. Lu zawhanoste, hadır u hasyo di cito Kaldoyto d’Bobel Mor Başar Warda wu rişono du tukoso di mcadronutho la…

Fayıt 13 ışne cali şalqa qamayto di golutho du camaydan mi mditho d’Mawsal mu garbiyo du Iraq. İ şalqathe mşarewola ba swikaste d’farsufe mu camaydan dıkmıqtıliwo b’şıkıl ftiho ub’dukotho camonoye bı Mawsal, cal dkıtwın Mşihoye. Xıd ucdo bi şabtho qamayto du yarho dı Tışrın u qamoyo bi şato da 2008,…

Mşare ucdo ba fulhone du bnoyo u hethotho dı tloth citotho du camaydan bi daşto d’Ninwe bu garbiyo du Iraq. Atloth citothani dkıtne ba mdinotho d’Barıtle ud’Bağdede, kmisım u hethothaththe mi sictho dımbayno laşan u bnoyo d’Mawsal. İ sictho dımbayno lu bnoyo d’Mawsal, mawdacla lumıhreno dımşarelın a’fulhone du bnoyo u…

U gabo du Huyodo d’Bethnahrin Athroyo, frısle buyono dıkmhane ebe u gabo du Huyodo Suryoyo bi cohnutho du yawmo şatonoyo dan 16 eşne du ağuno dkobe bu haqlo du tlobo da zedqe du cameydan. HBA bu buyonayde komır; Kımhanenalxu ba fulhone folitiqoye, diplomatiqoye u folhoye dıksaymitu bu athro d’Suriya leşan…

Bi mdito Suryoyto d’Barıtle di daşto d’Ninwe, mtayıb u cadcido qadmoyo du şlomo tibeloyo. Camgabıdathe, mtayıb tarte hfitwotho du workshop bi mdito d’Mawsal, leşan du sutoro dan athare udi yortutho d’Ninwe. Athmıl casriye mtayıb b’Barıtle di daşto d’Ninwe, u cadcido qadmoyo du şlomo tibeloyo bi rocyutho du tukoso İtaloyo d’UPP.…

Masrıh efesqufo hatho li marcitho du Iraq dkıtyo bebzabno mcadrono fatıryarxoyo li cito Catıqto d’Madınho. U efesqufo hatho Mor Şamcun Danyal cam taşdarto ma hsayo di cito Catıqto d’Madınho, hawilın ytawto camu rişqutno du Iraq Barham Saleh. Bi cito d’Yuldath Aloho bı Boğdod, sim yawme d’Huşabo dşaficina zawho ruhonoyo dmasrıh…

İ rişonitho du tukoso d’Emwotho Mhaydotho bu Iraq, hawila ytawto camu rişono du Komisyon celoyo da guboye du Iraq leşan dmıdroşi a şuşote haroye di hedriye da guboye gawonoye du athro. Bebzabno i şultonutho d’Boğdod mıdla fusqono, dmısxori bu zabno da guboyani a thume di naşfe udi hawa u dmitakle…

Me gabo hreno u Iraq kıtle plan, dmode qyome cam tlotho athrawotho leşan dqodır dmadcır ba milyare dolare dıgniwi mu athro bu zabno du rejim catiqo du Bacth. Leşan u ağuno mqabıl di Corona bu Iraq, mbayanle u Bank d’britho 100 milyone dolare l’Boğdod. Camatheste, anathrawotho d’Çekiya, Estonia u Slovakia…

Emwotho Mhaydotho mawdacla, dımhathathla hol 2.700 bote bi mdito d’Mawsal du Iraq, dhzewolın husrono rabo bu zabno du ağono dhuwo mqabıl da marhıbone d’Dacış. Bi mawdconutho dfrısla i mşalonitho du tukoso d’UNDP b’Mawsal Zina Ali Ahmed m’akadla, dkamıl u bnoyo u hethotho da botani dkıtne bi şawtho catıqto d’Mawsal. Bu…

Mqafe falqe dathare makthabzabnoye b’duktho du arkeoloji b’Arbil bu garbyo du Iraq. An atharani dkıtne falqe du tino, kıducri l’meqım 4 alfo eşne.  Elo i duktho dımqafın an atharaniste me arkeolog dkıtne mi bethsawbo d’Barselona d’Spania u d’Arbil,  6.300 eşne catıqtoyo.  Bu zabno du pandemi di Corona, a fulhone ba…

İ fnitho d’Zaxo dkıtyo bi garbay macırbho di hiğmonutho d’Nuhadra, mbayno ucdo ruşmoyith xıd mdabronutho şritho. Bu şıkılano, hawyo Zaxo i fnitho dan arbac dıkmibayno xıd mdabronutho şritho. Bu zawho dsim b’Zaxo, u rişwazire du qlimo d’Kurdistan Masrour Barzabni’ste, sımle u futoho di mdabronuthathe u m’akadle, bu şıkılano kibe dmitahwe…

İ cito d’Mor Tuma Şliho da Suryoye Qatholiqoye d’Mawsal, dıqla u noquşayda u hatho bıthır mıdşafıc şwac ışne calu nfolo d’Mawsal bidothıd du tukoso marıhbono dı Dacış. Bu zawho du futoho du noquşo hatho di cito, u kohno di marcitho qaşişo Biyos Caffas sımle qroyto lu camaydan dıdocır m’hatho la…

İ taşdarto du Huyodo d’Urifi dıksaymo duyoqo cala guboye gawonoye du Iraq, yatiwo cama mathlone da came qalile du Iraq. Bu knuşyano, a’mathlone da qalilwotho umthoye u tawdithoye du Iraq hulın i hzayto dkıtlın lu maşıqlo folitiqoyo da guboye, u tlıblın dmişahlıf u qonuno da guboye dlıkobe fsoso la qalilwotho…

U cadcido du Slibo mqadşo dımtayabwo bi qastra dı Tellısqof di daşto d’Ninwe, mkamele ucdo a’hfitwothayde. Camgabıdathe, mtayıb turnuwa di esfireğlo di cito d’Mort Mari bi qritho d’Hazarjot bi daşto d’Ninwe.  Bi cohnutho du cedo du Slibo mqadşo, i marcitho di cito Kaldoyto d’Mor Gorgis bi qastra dı Tellısqof di…

U koalisyon emwothoyo mqabıl Dacış, mawdacle dgıdmadre kul tayisto dlo pilot dıkfayro lalcıl da thume du bethtawso emwothoyo d’Arbil. Camgabıdathe, ahçome mqabıl da mraşhe kımdawmi bu zabno dımqarawle u siqumo da guboye gawonoye du Iraq. U rişono du koalisyon emwothoyo mqabıl Dacış dkıtyo bu bethtawso d’Arbil Skott Disormo, mawdacle du…

Gilyana İşo dkıtyo farsufo mu camaydan di mditho d’Mawsal, udkıtwe mşamho bu syomo da lohiyotho du tewdico da dukane u qentrune di tagorutho, nqil ma hayani bi golutho mi celtho du kewo mariro. Menyono ma comure di mditho d’Mawsal, ba surotho uba kthawyotho dıfrıslın ba dafaththe, mqadamlın buyoye calu husoyo…

U mraşho du gabo du Huyodo d’Bethnahrin Athroyo d’HBA la guboye gawonoye du Iraq Josef Sliwa, bi maqırhonutho dhule li dafo d’Caynkawa, mahkele cali tahrazto da guboyayde dıkmişaklo metlotho fosuqe umthoyo, athronoyo u noşoyo. U mraşho Sliwa dkıtle u mnoyo da 141, bi maqırhonuthayde mawdacle dkıtle zuctho ma gabe da…

Bıfıshutho camonoyto rabtho, sim u futoho du tarco du cboro nfoqo di qastra d’Baqufa di daşto d’Ninwe. U tarco d’Baqufa dmahıt acle slibo dıkmabhır, mıştawtafle lu futohayde hsayo, kohne u kunoşo rabo mu camaydan ma fenyotho mşahılfe di daşto d’Ninwe. B’dawse hathto dıkrımzo li yortutho du camaydan uli Mşihoyutho di…

A qıryawotho wa fenyotho du garbyo d’Nuhadra; beynothaye qıryawotho du camaydan, hzelın husrono rabtho ma hçome da hayle Turkoye uda taxtuşayda dcamu gerilla di PKK. Lfuth u taşroro dfris bi dafo d’Rudaw, u timo du husrono dtrelın a hçome wa taxtuşe dhawın bu qaytano lhude cala qıryawotho d’Zaxo, mati zıttır…

İ şultonutho du Iraq maltamla hul ucdo 19 milyare dinore, laşan u bnoyo di mditho d’Abrohom u nbiyo camgıd di mditho makthabzabnoyto d’Ur. İ dawsathe funoyoyo lu talab dhawiwole i qadişutho du papa Mor Fransis Qadmoyo bi socurutho dsımwole lu Iraq bu yarho d’Oder dşaficina. Cami socurutho dsımwole i qadişutho…

U efesqufo di marcitho du macırbo d’Amerika di cito d’Madınho d’Othuroye Mor Awwa Roil, mnaqe fatıryarxo hatho li cito me darbe di qadişutho du fatıryarxo Mor Gewargis III Sliwa dmıstacfele mi wolithayde mi celtotho du hulmono. U fatıryarxo hatho Mor Awwa Ro’il dmawlıd bu athro d’Amerika, gıdyotu ruşmoyith calu kursiyo…

Bi qastra d’Telesqof bi daşto d’Ninwe, mtayıb u cadcido du cedo du Slibo qadişo dgımdawım tışco yawme. U cadcidano dımşarele b’turnuwa di esfireğlo, gıdmdawım cam halxe, zuyohe, slawotho u hfitwotho hrene di amnorutho. Bi cohnutho du cedo du Slibo, i marcitho di cito d’Mor Gorgis di qastra d’Telesqof di daşto…

Bi fnitho d’Wana dkıtyo masırto bi qastra d’Telkepe di daşto d’Ninwe, mşare ba fulhone du hethotho d’tarte madraşyotho şarwoye du camaydan bu snodo du tukoso Amerikoyo du Quyomo Emwothoyo-USAİD.  İ tarmithathe kmisomi bu taro da fulhone du teqwiyo du maşıqlo yulfonoyo di daşto d’Ninwe. Bu snodo du şutoso Amerikoyo du…

İ sunados mqadaşto di cito d’Madınho d’Othuroye, athmıl layimo laşan dımnaqyo fatıryarxo hatho li cito mdarbıd di qadişutho du fatıryarxo ducdo dmıstacfele mi wolithayde Mor Gewargis Tlithoyo Sliwa. Hul ucdo latyo mbayno mıqqa gıdımdawmi a’ytawyotho di Sunados, elo u fatıryarxo hatho dgıdminaqe, kmıntır dmitasrıh ruşmoyith 13 bu yarhano d’İlıl. Cali…

İ claymutho Suryoyto du camaydan di daşto d’Ninwe, mtayabla ramşitho ruhonoyto bi dayro d’Mor Matta zadiqo bu turo d’Almaqlub bu garbiyo du Iraq. M’gabo hreno, bi mditho Suryoyto d’Bağdede di daşto d’Ninwe sim u futoho d’şuqo di mcadronutho da kawiye du sartono du canser. Bi rocyutho du rişono di marcitho…

İ qritho d’Gare Kesroka dfayşo hani 36 eşne tahte da maye du masxoro d’Nuhadra, nafiqo ucdo li fotho bıthır mıd naqisi a maye du masxoro. İ qrithathe maxlıyowa ma comurayda ban 1985, bu zabno dmlewo u reservoar du masxoro d’Nuhadra wu ucdo bıthır 36 eşne, nafiqo i qrithathe naqla hreto…

U gayso Iraqoyo, markawle athmıl hayle folhoye bu garbyo du qlimo d’Kerxeslox dhawi ba zabne haroyani wahdo, du tuyobo da plane da hçome da ğrobe marhıbone d’Dacış. Me gabo hreno mawdıc, d’12 ma powelıs federaloye du Iraq qtili u 5 hrene mçarhi bu hçomo dsımlın a marhıbone aclaye bhdo ma…

İ maşritho d’Maxmur bu garbyo du Iraq, mido nişo lıhçome ma tayosyotho d’Turkiya. Ba hçomani dsimi xlıqlın zuctho beyn da comure, elo noşo lo qtil ulo mçarıh. Me gabo hreno, a Haylawotho du sutoro da Came-HPG frısla maqırhonutho u makadla, dqtila 10 folhe Turkoye ba cuqobe dsımla aclaye bu garbyo…

‘Biden klozım dmakle u tukoso marhıbono d’Dacış, meqım mıd dımkamıl u qtolğenso dmabdewole cala Suryoye Othuroye u cala Ezidoye’ a melani di mimartho dıfriso bıdafe frişe du nawlo, cali ulsoyutho di ithutho d’Amerika bu Iraq. İ mimarthathe’ste kthiwo mşawtıfo me Juliana Taimoorazy dkıtyo mu camaydan, u rabi da Yudoye Abraham…

Bi mıştawtfonutho dı clayme u claymotho ma came mşahılfe d’Ninwe, u tukoso İtaloyo d’UPP mtayable workshop calu teqwiyo du dawro di claymutho bu snoco du şuhlofo bgawe du kenşo. Camgabıdathe, mtayıb bi dayro d’Mor Bahnam udi hothayde Sara, cadcido marduthoyo leşan u terkiwo du şlomo udu teqwiyayde b’Ninwe. Bu taro…

U bethdino di şafyutho du Iraq dıkhoyır cala sebwotho du fasad, thımle folitiqoyo mu camaydan dıkmadwo bidactho u bşıkıl lo qonunoyo zuze mu qlimo d’Kurdistan. U rişono di lohitho d’Alrafidayn bu parlamento du Iraq qoyumo Yonadam Yusuf Kanna dkıtyo bebzabno u notarrozo du zawco demoqratoyo Othuroyo, hkim 3 yarhe hbuşyo,…

U izgado d’Amerika b’Arbil Robert Palladino m’akadle, d’Amerika latla niye dmıgroşo mu Iraq umu qlimo d’Kurdistan. Bebzabno mawdıc, du koalisyon Emwothoyo dkıtyo bi rişonutho d’Amerika, mşadarle kmoyutho d’lojistik folhoyo la hayle di peşmerge du qlimo d’Kurdistan. U izgado d’Amerika b’Arbil sımle athmıl mamlo bu knuşyo dsim lu tbocofroso u mahkele…

İ Sunadus di cito catıqto d’Madınho, mnaqela qaşişo Daniel Bar Arxıdyaqun Timathewos hasyo li marcitho du Iraq u bebzabno dhowe mcadrono fatıryarxoyo. İ syumutho du hasyo gıdhuwyo 26 bu yarho d’İlul, dkıtyo u yawmo du duxrono du Slibo lfuth u surgodo di cito catiqto d’Madınho.  Qaşişo Daniel mawladwo bi şato…

A tayosyotho da hayle kaboşe d’Turkiya, sımlın cuqobe hathe calu gerilla di PKK bi hiğmonutho d’Nuhadra bu garbyo du Iraq. Bebzabno, mınyono celoyo ma comure d’Nuhadra, sımlın taglitho du protesto mqabıl da hçomani d’Turkiya udi aykanoyutho harıwto di ciyeşe bi hiğmonutho. Lfuth dafe frişe du qlimo d’Kurdistan du garbyo du…

Mbayın zıd me 100 milyare dinare Iraqoye xıd tazminat la comure d’Ninwe dhzelın husrono ma qrobe uma cuqobe folhoye; beynothaye tazminat dgımitahwın lu camaydan di daşto d’Ninwe. Mxasra hreto, i sictho dıkmaydo li ido a şkuwat du camaydan uda Sabiaa Mandoye dıkbişi a botathe, hiw fusqono dmitawrıxi a fulhonayda. I…

Bi daşto d’Ninwe dıfqıhlın eba a haye me hatho, hiw u qurbono qamoyo lı grub dı nacime mu camaydan bi qastra d’Telkepe. Lu zawho du tehwiyo du fağro qadişo, mıştawtafle hsayo, kohne u kunoşo rabo du camo mhaymno.  I qastra dı Telkepe hawyo hiyaste sohudto li Mşihoyutho dmawraqla m’hatho ba…

Bu darbo du nawlo, mtayıb u lumodo da tmınyo da şbile du leşono Suryoyo udi tarbitho tawdithoyto Mşihoyto bu Iraq. Bu lumodano dmıştawtaflele 120 falohe ba şutose mşahılfe du yulfono Suryoyo, mbayın menyono d’fuqdone dgımiqadmi li şultonutho du Iraq, bnişo dmişawşıti a şbile du leşono Suryoyo udi tarbitho Mşihoyto. Bu…

14 bu yarho d’İlul dıbqamuthayna, gıdmidıq u noquşo di cito qadmoyto dkamıl u hethothayda bu macırbo di mdito d’Mawsal. Ucdo kımdawmi a fulhone du tehito du noquşo hatho cali qubtho di cito d’Mor Tuma Şliho da Suryoye Qatholiqoye, leşan dmidıq inaqla qamayto bıthır mıd kbişowa Mawsal ba 2014 mu tukoso…

Tlotho bote hathe dıkbişiwo b’Boğdod me hın farsufe dıkmısnodi me hayle folitiqoye u folhoye bi şultonutho du Iraq, madcıri ucdo la morathe dkıtne mu camaydan uma Sabiaa Mandoye. Lfuth i sictho dımşatsowole Muqtada Alsadır, madcır holucdo hol 85 bote kbişe lu camaydan ula Mandoye bu Iraq. İ sictho dımşatsowole u…

A’fulhone du hethotho da darbone kımdawmi heş bi mditho Suryoyto d’Bağdede di daşto d’Ninwe. Lfuth u qaymaqam d’Bağdede, mabdın ucdo a’fulhone du hethotho du darbo rişoyo dkımşare mu garbiyo du qentrun d’Bağdede lafi qastra d’Karamles. U qaymaqam di qastra Suryoyto d’Bağdede di daşto d’Ninwe Cisam Bahnam Matti, mawdacle da fulhone…

U gabo di hirutho udi demoqratoyutho da Yezidoye, mawdacle da hçome haroye cal Şigur athın luhwoyo bu taro du qyomo dımdewo bayn di şultonutho du Iraq wu gabo demoqratoyo d’Kurdistan di KDP. U gabo Yezidoyo bu hfuxyo dmahwele cala hçome dsımla Turkiya cali fnitho d’Şigur, mawdacle dkio nişo dmıtwır u…

Bi dayro d’Mor Matta di cito Suryoyto Ordodoksoyto di daşto d’Ninwe, hiw u qurbono qamoyo l’50 nacime mu camaydan dıkhoyın ba qıryawotho mşahılfe dkıtne hedor di dayro. Camgabıd da yaqrotho da nacime, mıştawtafle ste lu zawho du tehwiyo du qurbono mqadşo hsayo, kohne u dayroye di cito Suryoyto. 15 bu…

U rişwazire du Iraq Mustafa Alkadhimi sim sturyo qaşyo cali qroyto dsımwole lu camaydan dkıtyo bi golutho dıdocır m’hatho lu athro. Baynothaye sferyawme u nahire Iraqoye mşahılfe, mqadamlın b’qaşmariye li qroyto dsımle Alkadhimi, u mırlın “bu şuroyo dkulle klozım u rişwazire dımcadıl i aykanoyutho du Iraq, ubıthır dsoyım qroyto la…

Bi mditho Suryoyto d’Bağdede di daşto d’Ninwe, mtayıb hfitutho catırto laşan u duxrono da 83 ışne du qtolcamo du camaydan d’Simele. Camgabıd da mamle dsimi cali mıcne du yawmano, mqadım ste qole citonoye u qre mimre bat re leşone Suryoyo u Caraboyo. Bu calway bu slogan “u admo da sohdaydan…

Bu yarho d’İlıl dıbqamuthayna, gıdlaymo i Sunados mqadaşto di cito d’Madınho d’Othuroye bi mditho d’Caynkawa bu Iraq. Ba ytawyotho di Sunados kmıntır dminaqe fatıryarxo hatho li cito d’Madınho d’Othuroye mdarbıd du fatıryarxo dmıstacfele mi wolithayde Mor Gewargis Tlithoyo Sliwa. İ notarrozutho di Sunados mqadaşto di cito d’Madınho d’Othuroye, frısla buyono…

U zawco d’Alnajbaa dkıtyo masro cama haylawotho d’Alhaşd Alşacbi du Iraq, mzaharle Turkiya mu dewam di ithuthayda i folhoyto ba narcotho du Iraq, u mawdacle ste di siyase dkımmaşela Erdoğan ktıfko u zawco du mrodo Maşılmono laf qrobo cam Turkiya. Bebzabno, u zawco d’Alnajbaa dkıtyo grub mzayno ma Maşılmono Şica…

7 milyare dinore Iraqoye i kmoyutho du husrono gawonoyo dıhzelın a’qıryawotho du garbyo du Iraq, baynothaye qıryawotho du camaydan bi netiçe da hçome dsımle u gayso kaboşo dı Turkiya. Camgabıdathe, hedor 23 alfo donıme darcotho di zaricutho mawqıdi u mahırwi mi  barbroyutho da hçome dıksaymolın Turkiya calu garbiyo du Iraq.…

U camaydan dıkhoye bi mditho Suryoyto d’Bağdede di daşto d’Ninwe, kfix la qentrune du hulmono laşan dmoyıd u vaxin du virus d’Corona. Lfuth u qaymaqam d’Bağdede, zıd m’800 farsufe kmitahwelın u vaxin yawmonoyith. U qaymaqam di qastra Suryoyto di daşto d’Ninwe Cisam Bahnam Matti, bi maqırhonutho dhule lu tboco froso…

Bi qastra d’Simele bu garbiyo du Iraq, sim u duxrono da 88 ışne da sohde du qtolcamo d’Simele. U qurobo alohoyo dımtayıb laşan u duxrono da sohde Simele, mrayşın mu kohno di cito Othuroyto d’Rusya, u mıştawtaflele ba casrowat mu camaydan dıkhoye bi qastra d’Simele dıksıhdo hul adyawma calu admo…

U waziro du sutoro du Iraq, sımle socurutho li arişkoyto d’Mısır Qahira leşan ytawto camu rişqutno Abdul Fattah al Sisi. Bi ytawtathe dhawyo beyn al Sisi udu waziro Iraqoyo Jumma Enad Sacdoon, kle cali methcadronutho beyn da tre athrawotho bu haqlo folhoyo. Athmıl matiwo u waziro du sutoro du Iraq…

U mdabrono gawonoyo da yulfone du leşono Suryoyo bu Iraq Cimad Salım Jajo sımle socurwotho la nuqazyothodu yulfono du leşono Suryoyo bi daşto d’Ninwe. Bi socuruthathe, camu mdabrono Jajo mıştawtafwole u mşalo di mdabronutho di tarbitho di hiğmonutho d’Ninwe Yusuf Faraj Elsabcawi. U mdabrono sımle socurutho dıtre yawme la nuqazyotho…

Bu zabno du virus di Corona kımdawım dmibarbız bu qlimo d’Kurdistan du Iraq, a rişone tawdithoye da Mşihoye, da Maşılmone uda Ezidoye d’Nuhadra, tlıbbe mu camo dmoyıd u vaksin mqabıl di Corona. Me gabo hreno mawdıc, gawonoyith bu athro du Iraq kule, zayıd u mınyono da bnaynoşo dtafilın u dınqili…

U Iraq mawdacle, d’matile zıttır me 17 alfo athare makthabzabnoye d’gniwiwo mu athro u dmacbıriwo lo qonunoyith heş ma 2003 l’Amerika. Hın man atharani dmadcıri, kıducri l’meqın 4.500 eşne. İ mawdconuthatheste hiwo bu knuşyo dsim lu tbocofroso, mu waziro di baroyutho umu waziro di mardutho, du turizm udan athare du…

A’qoyume du koalisyon di hdoyutho umthoyto du camaydan bu parlamento du qlimo d’Kurdistan du Iraq, sımlın sturyo a’hçome dıksaymolın Turkiya udkobın husrono rabo la qıryawotho du camaydan bu garbiyo du Iraq.  U sturyano athi luhwoyo bi ytawto dhawile u koalisyon di hdoyutho umthoyto du camaydan camu rişızgado Turkoyo bu Iraq…

Leşan u tuyobo da fulhone udi hedriye da guboye gawonoye du Cıraq, mqadamla Amerika 9.7 milyone dolare lu tukoso d’Emwotho Mhaydotho lu snodo du Cıraq-UNAMİ. Me gabo hreno u Huyodo d’Urifi m’akadle, dgıdobe 8 milyone hrene lu Cıraq, leşan a fulhone du tendifo du athro ma maynat-ma foqucotho di arco,…

İ şultonutho du qlimo d’Kurdistan du garbyo du Iraq, maqbela di fnitho d’Zaxo u d’Soran, dhowelın Mdabronwotho yothoye. Bu quwolo dsim athmıl bu Mawtbo da wazire di şultonutho di KDP, mayıd dmisomi a tarte fınyothani Mdabronwotho yothoye. Bu knuşyo dsımle u Mawtbo da wazire di şultonutho du qlimo d’Kurdistan bi…

Amerika mabdela fulhone leşan u tedciro di luho d’Gilgameş dkıtyo 3.500 eşne catıqto lu athro du Iraq. Mawdıc di luhathe dkıtwa holucdo b’bethcatiqotho b’Amerika, gıdmitadcıro lu Iraq, bıthır mu fusqono dgımoyıd u dayono du bethdino. İ luhathe du homuso d’Gilgameş dkıtyo 3.500 eşne catıqto hani zabno bi bethcatiqotho du Mgalyuno…

Bayn 50 u hul 60% mu camaydan u Suryoyo dacır li qastra d’Bağdede di daşto d’Ninwe mu zabno dsımwo u hurorayda m’Dacış bi şato da 2016 uhul ucdo. Cala tahrazyotho du bnoyo u hethotho d’Bağdede, i qaymaqamiye mawdacla dmasrıf hul ucdo 6 milyare dinore Iraqoye. U qaymaqam di qastra Suryoyto…

U mawtbo di mdabronutho yothoyto demoqratoyto d’Şigur dmıştawtaflele ste a’Maşılmone Şica du garbiyo du Iraq, naqla hreto makadle di tarmithayde mhaydonithoyo la n’arcotho du Iraq ukmıhşowo u mathlo towo dkulle lu şroyo da krize du athro. U mawtbo di mdabronutho d’Şigur bu huthomo du konferansayde u rbicoyo, sımleste qroyto li…

İ marcitho di cito Kaldoyto d’Bobel bi mdito d’Basra bu tayımno du Iraq, mşarela me hatho bu tehwiyo du yulfono Mşihoyo u marduthoyo la nacime di marcitho. U yulfonano dmaklewo bi şato dşaficina da 2020, kmıştawtafle ucdo zıd me 60 talmidhe u talmidhyotho. İ cito Kaldoyto d’Mor Afrem d’Basra, mşarela…

İ qadişutho du fatıryarxo di cito Kaldoyto d’Bobıl Mor Luwis Rofayel Qadmoyo Sako, yatu camu rişono du qlimo d’Kurdistan du Iraq Neçirvan Barazani ucamu rişwazire du qlimo Masrur Barazani. Mbayn da sebwotho rişoye dıdrişi ba tarte ytawyothani, i aykanoyutho du camaydan wa şartat du dcorayde li daşto d’Ninwe ula dukotho…

Ahfite u nahire di mditho d’Mawsal krıhlın u qedomo di karxutho dlıkmahwiyo yasifutho la nathare uli mdinoyutho catıqto di mditho. Ba maqırhınwotho dıkmıfrosi ba dafe kenşoye du nawlo, anahire d’Mawsal kmawdıci da nathrawotho dı britho kulle knıfqi moro la natharththe, elo balhude i karxutho d’Mawsal bidactho kımhalqo u zawlo qum…

U rişono di marcitho d’Mawsal ud’hedora di cito Suryoyto Orthodoksoyto hasyo Mor Niqodimos Dawud Matti Şaraf sımle socurutho li qadişutho du fatıryarxo di cito Kaldoyto d’Bobel Mor Luis Rofayel Qadmoyo Sako. Mxasra hreto, fatıryarxo Sako yatu camu rişono du gabo Demoqratoyo d’Kurdistan Mascud Brazani, u drışle acme i aykanoyutho du…

Anabne du camaydan dıkhoyın b’Ankawa du Iraq, mşadarlın egartho li qadişutho du fatıryarxo di cito Qatholiqoyto Mor Fransis qadmoyo. Bi egarthathe u camaydan tlıble mu Papa, dmaxlıs i nuqazto harayto da Qatholiqoye mi şultonutho du qlimo d’Kurdistan. Bu şuroyo di egarthathe, mahke cal Ankawa dıkhoye eba adyawma hol 30 alfo…

A ğrobe marhıbone d’Dacış mıde i mşalutho da hçome dsimi cal 68 camude rişoye du nqolo du kahrobo bu Iraq u gzımlın, dgımahrıwi u bınyono tahtoyo du athro. Me gabo hreno mcal fothe du qetrano du kahrobo bu Iraq, athmıl naqla hreto u camo kfix la zabuqone u mtayable tagliyotho…

Bi qastra d’Telkepe bi daşto d’Ninwe bu Iraq, sim u futoho d’20 dukane di tagorutho bıthır mıd kamili a fulhone du hethothathe.  İ tarmithathe d’snido mu Tukoso Amerikoyo du Quyomo Emwothoyo-USAİD, mcadarla u dcoro d’hammış yaqrotho mu camaydan li qastra d’Telkepe. İ qastra d’Telkepe dıkhoye eba came u mathhabe tawdithoye…

A qıryawotho du camaydan dkıtne bi hiğmonutho d’Nuhadra bu garbyo du Iraq, midi naqla hreto nişo la hçome da hayle kaboşe d’Turkiya.  Lfuth a tebe dfrisi me Nuhadra, mcal fothe da hçomani d’Turkiya, yaqidi an arcotho di qritho d’Hazanke wan arcotho d’ğer qıryawotho di fnithoste hzelın husrono. A tayosyotho wa…

Bi netiçe du qrobo qaşyo dkımdawım bayn du gabo da falohe d’Kurdistan di PKK wu gayso kaboşo dı Turkiya, 11 qıryawotho hrene du camaydan dkıtne bi hiğmonutho d’Nuhadra bu garbiyo du Iraq maxlın ma comuraththe. Gawonoyith bi netiçe du qrobo dhawi bayn di PKK u Turkiya, maxle hul ucdo ba…

U qaymaqam di qastra Suryoyto d’Bağdede bi daşto d’Ninwe- Cisam Behnam Matte mıstaqbele u rişono du gabo Athroyo di Hexemtho Camar Elhakim wi taşdarto dkıtwa acme. Bi lqoytathe a tre gabe drışlın i aykanoyutho da şuşote dkito bu athro u kalın cala esore basime beyn da bnaymothoye. Bu şuroyo di…

İ şultonutho du Iraq, mawdacla dhın athrawotho Caraboye u nuxroye mbayanlın 50 malyune dolare, laşan du hethotho da nuqazyotho makthabzabnoye da mdinotho dsim u huroraththe mu tukoso marıhbono dı Dacış. Bayn da nuqazyothani dgımihathıthi, kito citotho shife du camaydan, i mditho d’Namrud wa tarce d’Nargal d’Ninwe. İ wazirutho di mardutho,…

Tlotho bu yarho dı Tamız dıbqamuthayna, gıdmisım u futoho di cito d’Mor Tuma da Suryoye Qatholiqoye bi mditho d’Mawsal bu Iraq. Hathe i cito qamaytoyo dgıdmisım u futohayda bi xasra yaminoyto d’Mawsal, bıthır mıdkamili a’fulhone du hethothayda. U kohno di cito d’Mor Tuma da Suryoye Qatholiqoye di mditho d’Mawsal qaşişo…

İ tarmitho dmabdewola meqım şato laşan i mlahmonutho du kenşo di daşto d’Ninwe, mkamela a’fulhonayda. Bi tarmithathe hiwıste duroşe li claymutho ula rişone du kenşo cal aydarbo kibın dımdabri ud’şorın a’krize dkibe bu dactid dnıfqi liholo. U qentrun Iraqoyo da bazare udi mdabronutho da krize, mafıtla la haye tarmitho ba…

A taxtuşe wa hçome dıkmdawmi beyn da hayle kaboşe d’Turkiya udu gerilla di PKK bu garbyo du Iraq, bıdelın ucdo’ste dobın husrono lu turizm du qlimo. I daira du turizm d’Nuhadra mawdacla, mcal fothe da taxtuşani jbiri d’suxri hol 20 dukotho da socure b’Zaxo. Bi maqırhonutho dfrısla athmıl i daira…

Qritho hreto me du camaydan b’Zaxo bu garbyo du Iraq, hawyo wahdo du qrobo beyn da hayle kaboşe d’Turkiya udu gerilla di PKK. An abne du camaydan di qrithathe kımmi; Hani arbac naqlat kınufqina u kıducrina li qritho mcal fothe da taxtuşani. Fayış lo kudcina layko gıdızzan u mın gıdsaymina.…

U mdabrono gawonoyo du yulfono Suryoyo Cimad Salem Jajjo, mıstaqbele bu makıthbayde b’Boğdod, taşdarto mu komisyon celoyo da zedqe noşoye du Iraq. Bi ytawtathe d’drişo eba i aykanoyutho du yulfono Suryoyo bu Iraq, hiwste mawdconutho li taşdarto calu menyono da yolufe du camaydan uda madraşyotho dıkmitaqre ebaye u leşono Suryoyo…

U camaydan dmahzamle ma mdinotho du Iraq lu qlimo d’Kurdistan mcal fothe da Maşılmone tuhmonoye, ucdoste kmırdıf mi şultonutho du qlimo dıkımdacyo dkıtyo i nuqazto di hirutho tawdithoyto udi demoqratoyutho bu Iraq. Bıthır mu kriz da msone dkıtwo tahtaye Slibe dımzabniwo b’Arbil, ucdoste mbarbız ba betharke du qlimo, kthowo dıkmlakıh…

180 folhe di Peşmerge du qlimo d’Kurdistan, rfıdlın dmıştawtıfi lu qrobo mqabıl di PKK. Mawdıc da folhani dhozanwo droşo bi maşritho d’Aturş, mhalaqe a zaynathe u rfıdlın dımharbi mqabıl du gerilla. Me gabo hreno mawdıc, ban alfayo d’dönumat d’arcotho da turone d’Nuhadra yaqidi, mcal fothe da hçome dıksaymi a hayle…

U gabo du Huyodo d’Bethnahrin Athroyo d’HBA du Iraq, mtayable ramşitho bi cohnutho du yawmo şatonoyo du qtolğenso du Sayfo da na’1915. Bi ramşithathe dımtaybo bi daşto d’Ninwe bu garbiyo du Iraq, sim mamlo rwiho, u qre mimre calu Sayfo, u maqımste teşmışto cali ruho da sohde.  I mditho d’Bağdede…

Mınyono ma hadome di taşdarto da gabe folitiqoye frişe d’Almanya dabici dızzın athmıl lu qlimo d’Kurdistan du Iraq, maklın bu bethtawso d’Dusseldorf u ğerste maklın bu bethtawso d’Arbil. U msokano da hadome di taşdarto Almanoyto athi lu huwoyo, bu zabno dıkmdawmo Turkiya a hçomayda calu gerilla di PKK bu garbyo…

U hayklo d’Yuldath Aloho di qastra d’Batnaya dmahrawo ma grube marıhbone d’Dacış, ucdo kamıl u hethothayde bu athro d’İtalya. U hayklano dgımitakrıx ramhıl bi mditho d’Joşano d’İtalya, kmıntır d’menyono ma kohne du camaydan du Iraq’ste dmahkın calu haşo rabo dcayışwo u camaydan bu zabno da hçome dsımwole Dacış cali daşto…

A bote da comure d’qıryawotho frişe di hiğmonutho d’Nuhadra du Iraq, manhıbi u mahrıwi. A more da botani jbiriwo dmahzımi ma qıryawothathe mcal fothe da hçome da hayle kaboşe d’Turkiya calu gerilla di PKK. 6 yarhe bıthır mıd a comure d’qıryawotho frişe d’Nuhadra bu garbyo du Iraq jbiriwo dmahzımi ma…

Claymo Suryoyo mu camaydan du Iraq, mvayacle ahayayde b’gedşo mahişono d’radayto calu darbo d’Nuhadra- Arbil. Yawme dıtre dşaficina, u claymo Suryoyo Majıd Şawkat Jalil Qıdso, mvayacwole u balans bu zabno dıkqolacwo i radaytayde calu darbo d’Nuhadra- Arbil, u bi netiçe d’qalibo i radaytayde, u claymo Majıd lıqadır dmaxlıs mu mawtbo…

Sim u futoho di bethcatiqutho da sohde du camaydan di mditho Suryoyto d’Bağdede di daşto d’Ninwe. Lu futoho di bethcatiqutho da sohdani dnafliwo bu qrobo bayn du Iraq udu İran uba qrobe hrene du Iraq, mıştawtafle menyono d’rişone citonoye u mathlone d’şutose folhoye uba mowat du camaydan d’Bağdede. U rişono…

U rişwazire du Iraq Mustafa Alkadhimi mıstaqbele i qadişutho du fatıryarxo di cito Kaldoyto d’Bobıl Mor Luwis Rofayel Qadmoyo Sako. Bi ytawtathe d’athyo luhwoyo bıthır mi egartho dımşadrowole i qadişuthayde l’Alkadhimi, grış u zuhoro calu camaydan dıkmidış bi daşto d’Ninwe. I qadişutho du fatıryarxo di cito Kaldoyto d’Bobıl Mor Luwis…

I wazirto di galwoyutho bi şultonutho du Iraq İvan Faeq Jabro, laqyo u mcadrono qadmoyo du rişono du parlamento Hasan Alkacbi. Bi ytawtathe, Jabro drışla i sbutho da bote kbişe du camaydan uda Sabiaa Mandoye wu tedciro da mulkonani la morathe. U mcadrono qadmoyo du rişono du parlamento du Iraq…

A Şica du Iraq, b’şıkıl cjiqo kımdawmi dmacçızi u camaydan di mdito d’Barıtle di daşto d’Ninwe, bnişo dımşahılfi i hiyoyuthayda i Suryoyto. Grub d’falohe mu froshezwo d’Alfurat da Şica du Iraq, hçımlın cali cito d’Mort Şmuni da Suryoye b’Barıtle, u mahıtlın i sırto du marıhbono Abu Mahdi Almuhandes camgabe du…

Mcal fothe da hçome dıksaymi a hayle kaboşe d’Turkiya calu garbyo du Iraq, mgalwele hol 1500 comure ma dukothathe. İ mawdconuthathe d’tukoso Mşihoyo dıkfolıh leşan u şlomo bu qlimo d’Kurdistan’yo. Bebzabno mawdıc, dımşakıl Sictho dilonoyto b’Nuhadra, dgıhayro calu tazminat dıklozım dmitahwe lkull farsufo dhzele husrono ba hçomani dsımla Turkiya cali…

İ mathlonitho du camaydan bu parlamento du qlimo d’Kurdistan du Iraq qoyumto Klara Codişo, u acma ste u waziro dıkhoyır cala sebwotho da came qalile du qlimo, sımlın şişaltho d’socurwotho la mşale u mdabrone da qıryawotho u qastrat du camaydan dkıtne bi hiğmonutho d’Nuhadra bu garbiyo du Iraq. Ba ytawyotho…

Ahçome dıksoyım u gayso kaboşo d’Turkiya calu garbiyo du Iraq, kımdawmi dobın husrono maddi u macnawi lu camaydan dıkhoye ba qıryawothayde dkıtne qariwe la thume d’Turkiya. Bi netiçe da hçomani, 15 qıryawotho me du camaydan dkıtne b’Barwari Bala, maxlın ucdo kulonoyith bi netiçe da taxtuşe dkowın beyn d’Turkiya udu gerilla…

Bi mditho d’Caynkawa bu garbiyo du Iraq, mtayıb knuşyo rwiho dmıştawtafle mathlone ma gabe u tukose folitiqoye du camaydan u mathlone d’gabe Kurdoye u şutose du kenşo mdinoyo cam menyono d’qoyume u mahire u mşale d’şutose ruşmoye. Bu huthomo du knuşyano, a’mıştawtfone tlıblın mi şultonutho du qlimo d’Kurdistan du Iraq,…

Cıl ma wacde dhuwola i şultonutho d’Boğdod, elo hul ucdo lımanhıt la haye ulo fuqdono ma fuqdone dımbayniwole i qadişutho du papa Mor Fransis Qadmoyo bi socurutho dsımwole lu athro du Iraq bu şuroyo du yarho d’Odır dşaficina. U medano makadle i qadişutho du fatıryarxo di cito Kaldoyto d’Bobıl Mor…

Uqrobo kımdawım beyn da hayle kaboşe d’Turkiya udu gerilla di PKK bi hiğmonutho d’Nuhadra bu garbyo du Iraq. Ucdo naqla hreto, sımlın a tayosyotho d’Turkiya cuqobe cali qritho du camaydan d’Chalki, dmaxlıyo’wa meqım zabno ma comurayda. Anabne du camaydan dıkhoyanwo bi qritho d’Chalki b’Nuhadra, jbiriwo dmahzımi ma botathe mcal fothe…

İ sbutho di bsirutho da maye bu Madınho Mescoyo kımdawmo dımathro cala haye da bnaymothoye du qlimo. Ban alfayo d’yaqrotho d’Kerxeslox bu garbyo du Iraq, fayışi dlo maye nadife du ştoyo. Mi celtho d’Turkiya manqasla u xyoro da maye du nahro d’Froth cal Suriya wu Iraq, u mcalfothe dılo nahıtste…

U camaydan d’Caynkawa du garbiyo du Iraq, cıl ma qroytotho dıksoyım li şultonutho du qlimo d’Kurdistan leşan dmitaklın a dyoşe dıkmisomi calan arcothayde, elo naqla hreto b’şıkıl ftiho kımdawmi. U tbocofroso gawoyo d’Caynkawa, ba mawdcınwotho haroye dfrısle, grışle u zuhoro cala mşale du camaydan dıkmacımsi caynothaye cali sbuthathe. İ dafo…

Bi mdito d’Boğdod bu Iraq, hiw u fağro qamoyo la nacime di marcitho Kaldoyto d’Mor Yusuf. U zawho du tehwiyo du fağro mqadşo mrayaşanle i qadişutho du fatıryarxo Mor Luwis Rofayel Qadmoyo u Sako, u mıştawtaflele a kohne di marcitho wa yaqrotho da nacime dımqadamlın lu rozo du fağro mqadşo.…

İ mdabronutho gawonoyto du yulfono Suryoyo du Iraq, mtayabla muroye di sefroyutho uda mimre Suryoye. A muroyani dhani i naqla qamayto’yo dıkmisomi bu darbo du nawlo, mıştawtaflelın a madraşyotho da ferce du yulfono Suryoyo dkıtne b’Boğdod, b’Mawsal, b’Kerxeslox u b’Basra. Bi rocyutho du waziro di tarbitho du Iraq Cali Mıxlıf,…

Turkiya huwla husrono lı cito dıqritho hreto du camaydan bi hiğmonutho d’Nuhadra. Dawoud Yuxanna dkıtyo ha ma comure di qritho d’Mıska mırle; A kawe-a şubake di cito twiri uğer bote di qritho hzelın husrono rabo. Bebzabno mawdıc, mcal fothe da hçomani da hayle kaboşe d’Turkiya cal Nuhadra, yaqıd hol 4…

U tboco froso d’Kerxıslox u du qlimo d’Kurdistan du Iraq, mşalatle bahro cali sbutho du kboşo da n’arcotho u mulkone du camaydan bu garbiyo du Iraq.  Hın maşle u more da mulkone du camaydan bu garbiyo du Iraq, ba maıqblınwotho dsimi acmaye, mawdaclın dcıl mıdmid fuqone ma botaydino du qlimo…

Bi netiçe du hçomo barbroyo dıksamle u gayso kaboşo dı Turkiya calu garbiyo du Iraq, an’arcotho di qritho d’Çallık du camaydan mawqıdi kulonoyith. Lfuth hın ma comure di qritho, i claymutho du camaydan kımnasyo ucdo dmaxılso a’qatce da cwone dfayişi bi qritho d’Çallık. U gayso kaboşo dı Turkiya bi dacwa…

Bi qritho d’Bedaro du camaydan bu garbiyo du Iraq, hiw u fağro qadmoyo l’mınyono d’nacime di cito Kaldoyto d’Bobel.  Lu zawho du tehwiyo du fağro mqadşo, mıştawtafle u hasyo wa kohne di marcitho u 18 nacime cama yaqrothathe.  Kul şato xıd ucdo awkith bu şahro yarhonoyo d’Yuldath Aloho, a’citotho du…

U şutoso Amerikoyo du quyomo emwothoyo d’USAİD mabdele ucdo tarmitho hathto du teqwiyo du kyono yulfonoyo bi daşto d’Ninwe.  Lfuth i tarmithathe, mşare ucdo ba fulhone du hethotho dı tarte madraşyotho du jimnasyet bi fnitho d’Wana dkıtyo masırto cami qastra dı Telkepe di daşto d’Ninwe. Bu taro di tahrazto d’”hulmono”,…

A hayle di mşaynutho du Iraq, bu taro da cuqobe dıkmdawmi mqabıl di marıhbonutho, msıklın ışto hadome d’Dacış bi hiğmonutho d’Ninwe, u mfarqaclın tloth mcare dıkmitıstacmıliwo a marıhbone b’Kerxeslox. Bu zabno dıkmdawım u qrobo mqabıl Dacış bu Iraq, u rişwazire Mustafa Alkadhimi drışle cama mşale Amerikoye i sbutho du groşo…

Bi qastra d’Zaxo bu garbiyo du Iraq, hiw u fağro qadmoyo l’mınyono d’nacime du camaydan di cito Kaldoyto d’Bobel. Lu zawho du tehwiyo du fağro mqadşo, mıştawtafle u hasyo wa kohne di marcitho u hol 20 nacime cama yaqrothathe. Bi qastra d’Zaxo bu garbiyo du Iraq, hew u fağro qadmoyo…

İ yadıcthonitho du camaydan bu haqlo du qonuno udu huquq Muna Yaqo, mraşho li wolitho d’rişonitho di sictho şritho da zedqe noşoye du qlimo d’Kurdistan du Iraq. Yaqo dqayıthla darğo du professor bu haqlo du huquq, kmısnodo mu koalisyon di hdoyutho umthoyto du camaydan bu parlamento d’Arbil. U rişono du…

İ iqartho d’Marta Xuşaba, mahzamwola me Telkepe bu zabno da hçome da ğrobe marhıbone d’Dacış ba 2014 u rakiwo’wa bi qritho d’Challik d’Nuhadra. Elo i iqartho, adyawma naqla hreto jbiro dmahzımo mi qritho-lo mi celtho du tukoso marhıbono, elo ma hçome da hayle kaboşe d’Turkiya cali fnitho. A hçome dıkmisomi…

U mdabrono gawonoyo du yulfono Suryoyo bu Iraq Cimad Salem Jajjo, sımle socurwotho la şutose yulfonoye di hiğmonutho d’Ninwe. Ba socurwothayde, Jajjo drışle aydarbo kibe dmitahwe snodo la ferco du yulfono Suryoyo b’Ninwe. Lfuth a’fuqdone dhule u waziro di tarbitho du Iraq Cali Hmed Mıxlıf bi sbutho dmicaqıb u yulfono…

İ mathlonitho d’Emwotho Mhaydotho bu Iraq, huwla maqırhonutho bu Mawtbo di Mşaynutho d’Emwotho Mhaydotho cali aykanoyutho harayto du Iraq u kalyo dilonoyith cali sbutho di hirutho du renyo bu qlimo d’Kurdistan.  Bu mamlayda i mşalonitho d’UNAMİ Jenin Hennis Plasxart mırla; A mraşhe, a hfite, u tbocofroso wu camo Iraqoyo klozım…

A grube mzayne dıkmısnodi mu İran, ba hçome dıksaymi cala hfite u gelyunore, naqla hreto mşarelın dxulqi bulbolo bu Iraq u dmahırwi i aykanoyutho di mşaynutho du athro. Camgabıdathe, i şırke Amerikoyto d’Lokhed Martin dıksaymo u tacmiro da tayosyotho folhoye bi nuqazto d’Balad bu Iraq, mawdacla dımşarela dgurşo a falohayda…

Ba mowat d’yaqrotho du camaydan dımgalwewolın meqım 16 eşne li mdito di Suleymaniye bu qlimo d’Kurdistan du Iraq, mitacçıziwo ma qonune dmahtiwo aclaye bi sbutho du zwono da bote u mulkone udi ruşmoyuthathe bi mdito. Calathe, i mdabronutho gawoyto di Suleymaniye calu talab dhawilın a mşale da citotho du camaydan,…

Bi mdito d’Telesqof bi daşto d’Ninwe bu Iraq, sim u futoho du park awkith di gantho dmahıt ışma-i gantho du Korniş d’Telesqof. U parkano dmahıt ebe u tarco d’İştar, mşatıs bi mcadronutho dhiwo ma comure d’Telesqof uda tukose noşoye dkıtne hfite bi daşto d’Ninwe. Bi netiçe da fulhone magon udi…

U rişono di marcitho d’Mawsal di cito Kaldoyto d’Bobıl hasyo Mor Nejib Musa Mixayel, mdagele a’tebe dkımdacın d’150 farsufe mu camaydan mgalwelın ba casro yawme haroyani larwal du Iraq. Hasyo Nejib Mixayel bi maqırhonutho dhule lu tboco froso, mawdacle di socurutho du papa maklela i golutho da Mşihoye mu Iraq.…

U gabo d’Altayyar Alsadri fsıqle dmawrıx a’fulhone di sictho dilonoyto du tedciro da mulkone kbişe da Mşihoye uda Sabiaa Mandoye du Iraq. A’fulhone di sicthathe dıkmisomi bı Boğdod, Albasra, Kerxıslox u Mawsal, mawrıxi hul bıthır mu cedo da Alğadir dkımcaydile a’Maşılmone Şica du Iraq. U rişono du gabo d’Altayyar Alsadri…

Bi mditho d’Sadad bi hiğmonutho d’Hımıs b’Suriya, sim u futoho d’salon bışmıd du mnohnafşo tlithoytube hasyo Mor Selwanos Bıtrıs Alnıcme dkıtwe meqım u rişono di marcitho d’Hımıs, d’Hama udı Tartus di cito Suryoyto Ortodoksoyto. Bıthır mıdkamili a’fulhone du hethothayde, athmıl sim u futoho du salon di cito d’Mor Sarkis bi…

Adyawma dafe frişe du tbocofroso Emwothoyo, grışlın u zuhoro cala athare makthabzabnoye du Iraq wu husrono dıkhozın ma qrobe umu şuhlofo du muzoğo. İ wazirutho di baroyutho du Iraq mawdacla, d’matila athmıl 7 falqe d’athare catiqe mu athro d’Hollanda. Mawdıc dan atharani nqiliwo l’Hollanda leşan u zebono elo bıthır mu…

U waziro di tarbitho di şultonutho du Iraq Cali Hamid Mıxlıf, mıstaqbele bu qentrunayde b’Boğdod, u mdabrono gawonoyo du yulfono Suryoyo Cimad Salem Jajjo. Bi ytawtathe, u waziro di tarbitho mawdacle dhadiro’yo dsonıd a hfitwotho du maşıqlo du yulfono Suryoyo bu Iraq. U mdabrono gawonoyo du yulfono Suryoyo bu Iraq…

Taşdarto Amerikoyto bi rişonutho d’Brett McGurk dkıtyo u kordinatör Amerikoyo dcalu Madınho Mescoyo ucalu garbyo d’Afriqya, sımla socurutho li arişkoyto du Iraq Boğdod. İ taşdartathe, hawila ytawyotho frişe camu rişwazire, camu rişqutno ucamu rişono du parlamento du Iraq u kalın dilonoyith bu droşathe, cala esore stratejikoye ucalu groşo da folhe…

Bi mdito Suryoyto d’Bağdede di daşto d’Ninwe, mtayıb methhawyonutho du rşomo udu nhoto dcala kefe. Bi methhawyonuthathe fris syome du nhoto tawdithoye, makthabzabnoye u yortuthonoye du camaydan du Iraq. Bu nişo “bi yohbonutho a’hayaydan kowın şafırtır”, sim yawme dı tre dşaficina u futoho di methhawyonutho trayonitho du rşomo udu nhoto…

İ aykanoyutho folitiqoyto, momunoyto u du hulmono bu Iraq kımdawmo dhurwo mi celtho du qrobo mqabıl da ğrobe marhıbone d’Dacış umu virus di Corona dıkmdawım dmibarbız beyn du camo du athro. Calathe u mawtbo da wazire du Iraq maqbele i rmoyto dımqadamle u Komisyon du Hulmono udi Mşaynutho Athronoyto, dmısxır…

U gayso kaboşo d’Turkiya bu qrobo dıkmaşe mqabıl di PKK, kımdawım bu kboşo d’fenyotho hathe u stratijikoye bu garbiyo du Iraq. Lfuth mşalo mu qlimo d’Kurdistan du Iraq, u gayso Turkoyo kbışle hlile u nuqazyotho ulsoye da Mharbone di PKK dkıtne ba turone d’Kiste bi hiğmonutho d’Nuhadra. U mdabrono di…