FOLITIQOYO

SURIYA — Bu hfuxyo dmahwelın cali mwatyutho di mşaynutho dkito bi hiğmonutho d’Suweda bu taymno d’Suriya, a’haylawotho d’Suriya demoqratoyto d’QASAD bu buyono dıfrıslın mırlın “kıkırhina u dewam da hçome uda dyoşe dkowın cala qıryawotho ucala qastrat di hiğmonutho d’Suweda”.  QASAD bu buyonaththe mawdaclın bi netiçe da taxtuşe dhawın b’Suweda, ğalabe…

ANKARA — U rişqutnu d’Turkiya Rejep Tayyip Erdoğan bu mamlo dsımle bu futoho du knuşyo du gabo d’AKP b’Ankara cali sbutho di PKK dıtrela mu zayno mırle; “Me athmıl mşarele u maşıqlo dxılsina mu bala di marhıbonutho dıkımdawmo hani 47 ışne. Adyawma ftih warqo hathto bu makthabzano. Ftihi a tarce leşan…

STRASBOURG, Fransa — U parlamento d’Urifi m’ayadle ruşmoyith i rmoyto dıkkırho b’qaşyutho a’hçome dıkmisomi cala qalilwotho tawdithoye ucala dukotho di cabade b’Suriya. Bu quwolo dsim athmıl, mbayn da 720 qoyume 625 m’ayadlın u mırlın E li rmoytathe.   Lfuth i rmoyto dmaqbılo, a’qoyume Urifoye mahwelın ilothnihutho rabtho dkıtlın mqabıl di şalqa du…

BERLIN — Taşdarto dıkmişaklo mi mşalonitho da Esore Baroye du Huyodo da Neşe d’Bethnahrin  Tibelya Ahrun umu mşalo da esore Baroye du Huyodo Suroyo d’Urifi ESU Metin Rhawi hawilın lqoyto camu tahlufo du rişono du parlamento d’Almanya wu malolo du gabo Semoloyo de Linke Bodo Ramelow, u cami qoyumtho mu gabo…

ANQARA — A’tre hadome di taşdarto d’İmrali du gabo dı DEM parti (perwin Buldan u Midhat Sinjar) laqın athmıl u rişqutno dı Turkiya Rejeb Tayeb Erdoğan bu qentrun di rişonutho dkıtyo bi erişkoyto d’Anqara.  Bi ytawtathe, i taşdarto d’İmrali mahwela a’hzayotho wa renye dkıtla bi sbutho du maşıqlo hatho du şlomo,…

ANKARA — İ Sfaryarhayto Suryoyto d’Sabro dıkmıfroso b’Turkiya bu tebo dı frısla athmil bi dafayda du nawlo mawdacla, George Aslan dkıtyo qoyumo Suryoyo bu parlamento d’Turkiya mu gabo di Demoqratoyutho udu tacbo DEM, mqadamle rmoyto dı şwolo lu waziro di mardutho udu turizm d’Turkiya Mehmet Nuri Ersoy cala maqırhonwotho dhiwi bi…

DARAMSUQ — U waziro di baroyutho d’Britania David Lammy mıstaqbıl athmıl mu rişono d’Suriya Ahmad al Şarıc b’Darımsuq. Bıthır ma droşe dhawi beynothaye, Lammy mawdacle lu tbocofroso, dımabdelın me hatho a esorathe a diplomatiqoye cam Suriya. Bıthır mıd Amerika u Huyodo d’Urifi, Briania’ste meqımwola bu yarho d’Nison, hın ma tedbire dmahıtwola…

U rişono d’Amerika Trump meqım kmo yawme mawdacwole bıthır ma ytawyotho dhawın, maqbela İsroyel a şartat dlozamwo leşan u terkiwo d’şalyuthzayno l’zabno d’60 yawme camu zawco marhıbono d’Hamas. Ucdo’ste u waziro di baroyutho d’İsroyel Gideon Saar m’akadle, dkıtne jıddi bi sbutho dmımte l’awyutho cal qyomo dmitarfın a yasire kulle u…

SUWEDA, Suriya –  Bi baytoyutho du qentrun marduthoyo di mditho d’Suweda, mtayıb athmıl konferans folitiqoyo rwiho du diyalog dmıştawtaflele mathlone du zawco mşayno, da hayle folitiqoye, udu kenşo mdinoyo cam haylawotho di mşaynutho gawoyto u menyono d’rişone tawdithoye u hfite bu haqlo kenşoyo u mathlone hrene ma caşıryotho umu camo…

WOŞİNGTON – Lfuth i mawdconutho dmatilan me Amerika, taşdarto dimşaqlo mu mathlono du Huyodo Suryoyo b’Amerika Robert Juhanon u mathlono d’şutoso di haymonutho aminoyto-awkith “Enduring Faith”- u rişono du Mawtbo Umthoyo Suryoyo Bassam İshak, cam Martha Hudson mu Tukoso şaryo di Hirutho Emwothoyto da Tawdithoyo, sımla ba yawmotho dşafıcina 22…

VIYANA – İmşalonitho da esore baroye du Mawtbo Umthoyo d’Bethnahrin Ayfar Gabriel u mathlonitho du Huyodo Suroyo d’Urifi b’Austoria Leyla Bahdi, sımlın athmıl yawme d’Hamşo, socurutho lu parlamento d’Austoria. Bu parlamento’ste mıstaqbılo i taşdarto me dr Gudrun Kugler dkıtyo qoyumto bu parlamento ubebzabno, wolitho bu haqlo du sutoro da zedqe…

ANKARA – U rişono du parlamento dı Turkiya Nucman Kurtulmuş, sımle athmıl socurutho la tre rişone zawgoye du gabo di şawyutho udi demoqratoyutho da came dı DEM parti Tulay Tülay Hatimoğulları u Tunjer Bakirhan. Lfuth u ajans d’Mezopotamia, u knuşyano sim bu benyono du parlamento sxiro lu tboco froso, ubu…

FRANKFURT, Almanya – A guboye gawonoye du Cıraq kmıntır dmisomi adşato 11 bu yarho d’Teşrin u haroyo bnişo dmibayini a 329 hadome du parlamento. A qoyumani’ste bıthır gıdmnaqın u rişqutno hatho du athro u gıdm’aydi u neqoyo d’rişwazire hatho. Hani zabno’ste u komisyon celoyo u şaryo da guboye, mabdele u maşıqlo…

SURIYA – Bi maqıblonutho dsımla i dafo d’Rudaw camu Peter Galbraith dkıtyo qariwo la Kurdoye du Cıraq, mawdacle i hzaytayde cali aykanoyutho d’Suriya u dilonoyith calu garbay madınho d’Suriya. Lfuth u mşalo Amerikoyo, u mınyono da folhe Amerikoye dgımıtre b’Suriya latyo ulsoyo, elo klozım dfoyış haylo dqodır baroyo dobe funoyo…

AXEN, Almanya – I rişonitho du komisyon d’Urifi Ursola Von Der Leyen bu mamlo dsımla athmıl bi mditho d’Axen b’Almanya, sımla qroyto dmişatıs şıkıl hatho du şlomo Urifoyo bu doro da 21, şıkıl dkımbaynole udıkmadrole Urifi b’qarcıd d’ruha.  Von Der Leyen mırla ste “sistem tibeloyo hatho gıdnofıq li holo b‘gawıd…

ANKARA – I taşdarto dı DEM parti kmişaklowa ma tre rişone zawgoye du gabo Tulay Hatem Öğulari u Tunjer Bakırxan, u acmaye ste a’tre tahlufe du rişono du grub dı DEM parti bu parlamento Gulistan Qliç Kotşeyit u Siza’yi Tamallı. Umi xasra d’AKP hadır bu knuşyano u tahlufo du rişono du…

SURIYA – U rişono da haylawotho du garbiyo demoqratoyo dkıtne falqo ma haylawotho d’Suriya demoqratoyto d’QASAD Abu Cumer Al’idlibi, bi maqırhonutho dıfrısle adyawma bi dafayde du facebook, mawdacle di sictho dhew ela teklif mi mdabronutho yothoyto, gıdsaymo 30 bu yarhano socurutho l’Darımsuq, laşan dımthabto u qyomo dımdewo mu rişqutno d’Suriya…

BOĞDOD – U rişqutno du Cıraq Abdul Latif Jamal Rashid, sımle adyawma u futoho du knuşyo dan 34 du Huyodo Caraboyo dımtayıb adşato b’Boğdod. Lu knuşyano hadiri an athrawotho hadome du Huyodo Caraboyo cam mınyono d’mşale d’tukose Emwothoye-beynothaye u notarozo gawonoyo d’Emwotho Mhaydotho uğer. Bu mamlo du futoho du knuşano…

ALMANYA / URIFI – Bıthır mu quwolo haroyo dsim bu parlamento d’Almanya u dmıdle Friedrich Merz qole makfıyone leşan dmoyıd dukthe xıd rişwazire du athro, mabdele ucdo socurwotho l’Fransa u Polonia. Hathe’ste kımadilo, d’Almanya gıdmazido u zawco d’Almanya ba şwole baroye udu Huyodo d’Urifi. Xıd remzo du medano, Merz şafıc…

CIRAQ – I hzayto folitiqoyto du Zawco Demoqratoyo Othuroyo kımmathlo xarita qrihto du darbo, laf şawtofutho aminoyto ub’kinutho dıksaymo u garanti di şawyutho, udkımyaqro a’gawne umthoye u tawdithoye u marduthoye mşahılfe bu qlimo d’Kurdistan du Ciraq.  Zawco Demoqratoyo Othuroyo bi hzaytayde ste i folitiqoyto, kım’akıd di şawtofutho şarirto latyo balhude masırto…

DARIMSUQ, Suriya – m’athronoyo u makthabzabnoyo bu bnoyo du athro, udhowın hınne ste mbaynone du maşıqlo folitiqoyo hatho d’Suriya i hirto, şritho, mgawanto, demoqratoyto dıkhıbşo b’gawa an’abnayda kulle dlo furşono.  Bu buyono du şudoco, kmitawdıc da Mşihoye d’Suriya falqo dlıkmıflığyo mu kenşo mdinoyo, ruhonoyo u noşoyo du athro, ukdıcro i…

STOCKHOLM – U rişwazire du Swed Olf Kristersen mawdacle dkıtlın tahrazto dmazidi i mcadronutho momunoyto dıkqathleyo u galwoyo dkobıc dıdocır bu sebyonayde lu athrayde.  Meqım mathe, kul galwoyo dıktorewo u Swed bu sebyonayde kıqathwole 9 alfo Euro xıd mcadronutho momunoyto, elo u rişwazire du Swed mawdacle dkıbci dmazidi i mcadronuthathe l’32…

U gabo du Huyodo d’Bethnahrin Athroyo du Ciraq HBA, mıstaqbele bu qentrunayde bi qastra d’Caynkawa bi hiğmonutho d’Arbil, taşdarto mu gabo du Huyodo Athronoyo d’Kurdistan d’Yekiti.  Lu qubolo di taşdarto d’Yekiti mıştawtafle u rişono du gabo d’HBA Josef Sliwa wa hadome du makıthbo mşablono.  Bi ytawtathe, a’tre gabe makadlın dıklozım…

BERLIN – Taşdarto mu Huyodo Suroyo d’Urifi-ESU dımrayşıno mu rişono zawgoyo Fehmi Vergili umu mşalo da esore baroye d’ESU Methin Rhawi u Mescut be Malke, hawilın ytawyotho cam gabe frişe bi arişkoyto d’Almanya Berlin, cali aykanoyutho du camaydan. Leşan mawdconutho rwıhto bi sbuthathe, mıdlan telefon me Metin Rhawi.

U rişono d’Amerika Trump, mıstaqbele athmıl u rişwazire d’İsroyel Netanyahu bu Qusro Heworo. Netanyahu, hawi u rişono qamoyo dıksoyım socurutho l’Trump bıthır mıd athi naqla hreto li rişonutho. Bu yawmoyo di ytawtathe beyn Trump u Netanyahu kıtwo i sbutho du gumruk dmahıtla Trump cal İsroyel, i sbutho da İsarloye dkıtne…

BRUKSEL – U qoyumo Hollandoyo Sander Smit mu gabo d’Boer Burger Beweging-BBB dkıtyo bu gbino d’EPP du Huyodo d’Urifi, sımle mamlo bu parlamento Urifoyo calu qtolğenso dan 1915 wa hawbe dıkmdawmi hol adyawma cala qalilotho bu Madınho Mescoyo. U qoyumo mathkarle u duxrono şatonoyo da 110 eşne du qtolğenso dsımwo…

STOCKHOLM – Athmıl sımwole ABF-Arbetarnas Bildningsförbund, Olof Palme Center wu gabo da Sosyaldemoqratoye du Swed, panel b’Stockholm leşan dmıdroşo i aykanoyutho d’Suriya, bıthır mu nfolo du rejim catiqo d’Başar al Asad. Beyn da hadire, kıtwo mşale u mathlone d’gabe frişe; xıdu koalisyon Athronoyo d’Suriya, u gabo da Came Demoqroye b’Suriya,…

STANBUL – A’hadome du mawtbo di karxutho d’Stanbul dıkmişakıl m’314 farsufe dkıtne bi sagiyutho mu gabo saqıbloyo di CHP, mnaqelın athmıl Nuri Aslan li rişonutho di karxutho d’Stanbul bıthır mıdmıdle 177 qole mda hadome du mawtbo bu quwolo dsim. Lfuth u froshezwo dı Turkiya d’NTV, Aslan gdımdabır zabnoyith a’sebwotho gawoye…

BRITHO – Bı maqırhonutho mşawtafto dfriso mi mşalonitho du Komisyon da esore baroye du Huyodo d’Urifi uğer mşale Urifoye, mawdaclın ilo thnihuthathe calu msoko d’Ekrem İmamoğlu. Bi egarthathe a mşale Urifoye mawdaclın, du msokano uda thomani athın lu huwoyo, mqabıl d’folitiqore dımnaqın mu camo, mqabıl folitiqore hfite, gelyunore, tagore u…

STANBUL – Holu zabno dıksayminawo a tebe, u rişono di karxutho d’Stanbul Ekrem İmamoğlu heş msikowe bide du polis. Calathe a yolufe da botaysawo d’Stanbul uba casro alfayo dıbnaynoşo mıştawtaflın la tagliyotho dsimi athmıl bi mdito. Adyawma’ste mahıtwola Ankara 4 yawme mnoco dmisım protestowiye bu athro, elo u camo naqla…

U rişkarxutho d’Stanbul b’Turkiya Ekrem İmamoğlu msik adyawma mu polis bıthır mıd sim cuqobo calu baytayde. İmamoğlu dıkmifaşıq u folitiqoro rişoyo dkıtyo saqıbloyo du rişqutno Turkoyo Erdoğan, bu normal gıdminaqe’wo cal qariwo mu gabayde di CHP xıd mraşho la guboye di rişqutnutho d’Turkiya dıkmıntır dmisomi ba 2028. Lfuth i hzayto…

U şwolo du nomuso esonoyo hatho dımbayanla i şultonutho d’Ahmed al Şarıc, kımdawım dhowe celtho l’hfuxye Emwothoye u qlimoye, cal dlo hşiwi ebe a came tawdithoye u etnikoye d’Suriya kulle. İ sbuthathe mido li ido mi dafo d’Rudaw dsımla maqıblonutho camu tahlufo du malolo du notarozo gawonoyo d’Emwotho Mhaydotho Farhan…

STOCKHOLM – U gelyunoro di sfaryawmo Swedoyto-Dagen, laqi u qoyumo du camaydan mu gabo da Mşihoye Demoqratoye Yusuf Aydin bu parlamento du athro leşan dımşayıl mene i sbutho di aykanoyutho da Mşihoye d’Suriya’wa wu ğamo rabo dkito adyawma, calu qtolcamo haroyo dsim cala Mşihoye ucala Calawiye dıkhoyın ba mdinotho du…

GÖPPİNGEN , Almanya – Leşan u nuhoro du camaydan d’Urifi calu maşıqlo folitiqoyo dıkşufci ebe a falqe du athraydan b’Bethnahrin ucali aykanoyutho du camaydan ba şuhlofani dkowın, kımdawım u Huyodo Suroyo d’Urifi-ESU a turgomayde. Athmıl bu salon di cito d’Mor Yahkub da Sruğ di mdito d’Göppingen d’Almanya ubi mıştawtıfonutho du…

ANKARA – İ rişonitho zawgoyto du gabo d’DEM Tülay Hatimoğulları, bıthır mi qroyto du rişono Kurdoyo Abdullah Öcalan, sımla qroyto li şultonutho d’Ankara dmihalqo dawsat qrithe leşan u maşıqlo du şlomo u mırla; A mele lhudaye, latne makfıyone-klozım’ste camlo. Ba memlani griş u zuhoro cali ulsoyutho du sebyono folitiqoyo leşan…

WASINGTON – Trump sımle u mamlayde u qamoyo bi kongre d’Amerika xıd rişono du athro ubu mamlayde, mawdacle-d’Amerika daciro naqla hreto lu masırho, xlıqle zmomo ma hadome du gabayde da Qutnuthoye dımhalaqe slogane. Bıthır mdoyo d’100 fusqone, kımawdıc d’Trump dım’amanle naqla hreto i mşaynutho d’Amerika, u şuşotayde wu mafhum triso…

BERLIN – U gabo da Mşihoye Demoqratoye d’CDU u CSU dmıdlın 28.6 ba mo da qole da guboye du parlamento dsimiwo yawme d’Huşabo dşafıcina, gıdmitabde ucdo u maşıqlo da droşe camu gabo da Sosyaldemoqratoye d’SPD dmıdwole 16.4 ba mo da qole, leşan dmişaklo i şultonutho hathto d’Almanya.  SPD cama 2…

BERLIN — Bu zabno di rişathwazire Angela Merkel mıstacfewola ba 2021, fayışowa bi wolithayda heş mi şato da 2005 ubu zabnano, qawiwo u momuno d’Almanya. Elo camathe’ste kıtwo casqotho du kriz du euro, da galwoye wu pandemi di Corona u Merkel hawiwola duktho bu masırho folitiqoyo dbritho. Bu zabno d’Merkel’ste,…

SLEMANIYE – İ taşdarto du gabo di şawyutho udi demoqratoyutho da came dı DEM parti, hawila adyawma knuşyo camu rişono du Huyodo Athronoyo d’Kurdistan Bafel Talabani bi mditho di Slemaniye bu qlimo d’Kurdistan du Ciraq, bnişo dnıqlo an’egrotho dımşadrile Cabdalla Öçalan udmitaqwe u maşıqlo du şlomo b’Turkiya. İ taşdarto d’Emralı…

NINWE, Ciraq – U hiğmuno d’Ninwe Cabdılqader Aldaxil, athmıl xıd funoyo la fusqone du bethdino celoyo di mdabronutho, maqımle 14  qaymaqame u mdabrone d’qastrat ma woliyothaththe. Lfuth u fusqone dımdele acle u hiğmuno d’Ninwe, maqım arbıco qaymaqame u 10 mdabrone d’qastrat ma woliyothaththe, baynothaye u qaymaqam d’Bağdede ardixlo Cisam Bahnam…

NYKÖPİNG, Swed – Bu Qrobo Alohoyo u Xuroyo mqadmle koruzutho cali mıcne du Sawmo d’Ninwe u tlıble mu camo d’soyım leşan u snodo du camo Suryoyo dıkhoye bu athro dan abohotho u dilonoyith u cameydan dıkhoye b’Suriya dıkfoyıt me maşıqlo d’terkiwo du athro me hatho. Bıthır mi slutho, abuna Xuroyo…

TUR LEVNON/METN, Libnon – Mşaqlo şultonutho hathto lashan u athro di Libnon. I şultonuthathe gduwyo bi rişonutho du rişwazire Nawal Salam dkıtwe meqım rişono du bethdino Emwothoyo di Kinutho. İ şultonuthathe dımşaklo bıthır eşne d’xalyutho, krize u hbose Emwothoye, gıdmidabro me 24 wazire. Elo u mede dıkgorış u zuhoro, walaw…

BEYRUT – Athmıl ruşmoyith mawdıc dımşaklo i şultonutho hathto d’Lebnon-dheş ma 2022 dlo şultonutho’yo mcal fothe da krize folitiqoye u momunoye du athro. Elo athmıl, mıstaqbele u rişqutno Joseph Aoun i isticfa di şultonutho zabnoyto d’Miqati u maqbele ruşmoyith i şultonutho hathto d’Nawaf Salam dıkmişaklo me 24 wazire-dkıtne fliğe b’şawyutho…

DARAMSUQ/BETH ZALIN (QAMISHLI) – U gabo du Huyodo Suryoyo d’Suriya d’GHS mtayable şişlatho d’knuşye u ytawyotho bi erişkoyto d’Suriya bı Darımsuq, ulaqi ste ba mşale ruhonoye da Druz bi mditho d’Sweda. Cali netiçe da ytawyothani, u ajans da tebe d’Hawar News sımle maqıblonutho camu rişono zawgoyo d’GHS Sanharib Barsom dmahkele…

GIESSEN, ALMANYA – U lumodano yawmed sabtho mşarele bi slutho du hasyo di marcitho Mor Filiksinos Mattias Nayiş dmıştawtafwole cal ışme di fatıryarxutho di cito Suryoyto Orthoduksoyto. Bıthır u rişono du Huyodo Oromoyo (Suryoyo) Tibeloyo myaqro Johny Messo mahkele calu nişo du konferansano, dkıtyo u qedomo da gabe u şutose…

Athmıl 22 bu yarhano d’Teşrin u haroyo, simiwo a guboye gawonoye d’Hollanda u adyawma hawyo i netiçe idicto u mhalıq fuqoctho folitiqoyo bu athro. Geert Wilders dkıtyo u rişono du gabo yaminoyo tuhmonoyo d’PVV, kıtle dacbar idico ba maqırhonwotho dsımle mqabıl da nuxroye, da galwoye udi hadomutho bu Huyodo d’Urifi.…

A şutose du camaydan du Mawtbo Umthoyo d’Bethnahrin bi maqırhonutho dhiwolın b’Swisra bi mdito d’Zurich kmawdıci d’Abdullah Öcalan, hani qariwo l’25 eşne msiko’yo bi gzırto d’İmralı, bhdo hobuşto-hücre. Hani 2 ışne u falgeste kit acle teçrit yaquro u kmidoşi a zedqayde a noşoye u qonunoye, lıkmıtre dloqe lo a sniğrayde…

ANKARA – U rişono du Gabo di qutnutho du Camo CHP wu mraşho di rişqutnutho du gbino Camoyo Kemal Kılıçdaroğlu wa rişone zawgoye du Gabo Demoqratoyo da Came HDP  Pervin Buldan u Mithat Sancar sımme ytawto bu bınyo du Parlamento.    Bıthır mu knuşyo dı grışle şuctho, a tlotho rişone hulın maqırhonutho…

SÖDERTÄLJE – U turgomo dsim 12 Odor leşan dmişalıt bahro calu ağuno da neşe dı britho, u cali aykanoyutho da neşe du camaydan wu ağuno dkobın, mıştawtıflele farsufe me mdinotho mşahılfe du Swed u d’Södertälje. Lu turgomano mcazamwole u Huyodo da Neşe d’Bethnahrin tarte neşe dkıtne ba gabe folitiqoye du Swed…

MIDYAD – Mu şuroyo du yarhano d’Odor u holucdo, kımdawmi a şutose frişe da neşe du camaydan dkıtne bu athro ubi golutho bu tuyobo d’hfitwotho bi ohnutho d’8 Odor u yawmo Tibeloyo da Neşe.    Bu falqo d’Turbdin’ste, u Hudro da Neşe Suryoye Surkadim mi cıltho da zulzole dlo sımle hago adşato,…

BRUKSEL – A şutose dkıtwın hadire bu konferans dımtayıb mu İnstitut d’Bethnahrin dı Bruksel cami Cito Kaldoyto d’Mor Aday, u d’matın l’awyutho dı cwodo dcam hdode ahanine:  İnstitut d’Bethnahrin bı Bruksel, Huyodo Suroyo d’Urifi ESU, Huyodo da Neşe d’Bethnahrin HNB, Cito Kaldoyto d’Mor Aday bı Bruksel. Wa şutosani frıslın u…

BRUKSEL – U konferan dı 8 Odor dımtayıb 12 Odor bu salon di cito d’Mor Aday bi erışkayto d’Beljike bı Bruksel, mşarele bu mamlo dsımla i mqadmonitho du konferans bışmıd du İnstitu d’Bethnahrin Rahel Vergili.     U kohno di cito Kaladoyto Musa Yaramış sımle mamlo cali athto bu makthabzabno di cito u…

SWISRA – U Huyodo da Neşe d’Bethnahrin dıkmoyıd duktho ba fulhone umthoye, folitiqoye, marduthoye u kenşoye, kımdawım dmathkır u yawmo d’8 Odor, dkıtyo yawmo du mrodo da neşe mqabıl di lo kinutho u dhawi u darbo du furqono da neşe. Athmıl, dkıtwe 11 bu yarhano, mtayable HNB u hagayde bu salon…

GIESSEN – Athmıl, bi mıştawtıfonutho d’mşale tawdithoye u folitiqore d’gabe u şutose Almanoye, mtayable HNB i taklithayde b’Kirchplatz d’Giessen. Ba mele; b’reğşe di athto, kımqadmina a şlome wa iqoraydan la neşe du camaydan u kımmina i athto Hubo, Huyodo u Hayloyo u gıdmalxo li hirutho du camayda, mşarele u futoho di…

BRUKSEL – Bıthır mu knuşyo dsımle u Komisyon d’Urifi makadle naqla hreto i klaytayde bi sbutho du terfiyo du rişono du gabo d’HDP Selahattin Demirtaş udu hfito Osman Kavala dkıtne b hbuşye d’Trukiya.   Bu knuşyano, tlib dmitabıq u fusqono dmıdwo, dıklozım dmitarfe dlo kloyo u rişono catiqo Demirtaş. Be bzabno sim…

TUNIS – U rişqutno d’Tunıs Kais Saied athmıl mawdacle, dkobıc dhoze d’Tunıs u Suriya dımbayni a rişayızgade dlan athrawotho dıhdode, KHıd remzo dmitarkıw esore diplomatikoye hathe camu rejim d’Başar al Asad. Saied mawdacle lu waziro di baroyutho Nabill Cammar, dıklozım cal qariwo dmaydi fusqono bi sbuthathe.   Tunıs qtıcwola  esore diplomatikoye…

SÖDERTÄLJE – İ karkhutho d’Södertälje du Swed bi methcadronutho du şutoso d’ABF, mtayablın 9 Odor u yawmo Tibeloyo da Neşe bu bınyono di karkhutho. Li hfituthathe’ste, maczamwo mşale d’hudre u şutose frişe; beynothaye i mşalonitho d’HNB bu Swed Filiz Bısseh wi hadımto du Mawtbo d’HNB Ayfar Gabriel. Bu turgomano dsim,…

BOĞDOD – U fatıryarkho di cito Kaldoyto Mor Luwis Rofael Qadmoyo Sako, bu buyono dı frısle lu tbocofroso, mawdacle di aykanoyutho dkito adyawma bu Iraq kmagılyo di tuhmonoyutho lo bılhude bu haqlo tawdithoyo, elo b’haqle hreneyo u mırle; Kito adyawma bu Iraq i zıhniye dhowe camo cleytır me camo hreno, tawditho…

Spania: Bı Barcelona dı Spania, layım athmıl ba mo alfayo dıbnaynoşo u mathkarlın u yawmo Tibeloyo da Neşe Falıhyotho dı Britho. İ taglithathe simo, bu zabno da qoyume kdurşi u qonuno du cnufyo ğensoyo bı Spania. Ba tagliyotho dsimi bı mdinotho frişe dı Spania, a claymotho yolıfyothoste tcınlın lohyotho dkıtwo…

ALMANYA – Ba yawmotho dşafıcina, mtayablın a şutose u tukose da neşe Kurdoye u acmaye qaşışto di cito Evangeloyto, konferans bi cito dı Mşiho dkıtyo mdito d’Hannover d’Almanya, bi mıştawtıfonutho di wazırto catıqto di kinutho du athro Heidi Merk. İ sbutho rişonoyto du konferansano, dmıgrış u zuhoro cali aykanoyutho da came…

FRANKFURT – Mike Josef dmawlıd ban 1983 bi Qamışlo, bi şato dan 1987 mgalwelwole l’Almanya, uban 1999 bıthır mıd mkamele i madraşto celoyto cabır li bethsawbo d’Ulm ba 2002, u bıthır qrele bi bethsawbo u yulfono folitiqoyo di kinutho udu maktbzabno uba 2010 makhlasle u fercano.      Bıthır mıd mkamele u yulfonayde…

ANKARA – Bıthır mıd i rişonitho du gabo d’İyi Meral Akşener dmawdacwola dnafiqo mu ğbino camoyo da 6 gabe, a droşo siyasi şahini b’Turkiya.  Ba yawme haroye a mşale da gabe, wa mfaşqone siyasi hulın a hzayothathe mın gıdhowe, wu Gabo d’İyi man gıdsonıd ba ğuboye dıgdowın 14 bu yarho d’İyor. …

Ma hadome du NATO, kıtwo belhude Hungaria u Turkiya mqabıl du cboro du Swed u d’Finland lu huyodo folhoyo. Elo ucdo kımahwe d’Hungaria, mşahlafla u renyayda bi sbuthathe. U rişwazire Viktor Orban tlıble ma hawronayde du gabo dkıtne bu parlamento d’Hungaria, dımmi E lu teqbilo di muraçaca di hadomutho da…

KIEV – İ socuruthathe du rişono Joe Biden l’Ukraina, simo b’ğnizutho rabtho u tahte duyoqo casyo. Bu zabno di socuruthathe dsimo bu zabno dımkamele u qrobano d’Ukraina şato, hawile Biden mamlo camu rişqutno Zelenskij. Biden mawdacle u snodo wi awyuthayde l’Ukraina wa 2 rişone-b’duyoqo casyo karixi ışmo i arikoyto u…

URIŞLEM – Kull yawme şabtho-hani şwac şabe kınofıq ban alfayo dıbnaynoşo la zabuqne d’İsroyel leşan dmahwın i saqıbloyuthathe lu renyo di şultonutho dkubco dımşahlıfo u qonuno du sistem di kinutho du athro. Wu athmıl’ste naqla hreto, ba mo alfayo d’İsarloye layimi qum du parlamento-Knesset dkıtyo b’Urışlem, leşan dmahwın u hfuxyathe…

BEYRUT – İ notarrozutho du tboco froso du gabo du Huyodo Suryoyo Tibeloyo d’USUP, bu  buyono dıfrısla mawdacla du gabo gdımdawım u ağunayde bnişo dmitarku b’Lebnon athro di kinutho udu qonuno udi hirutho la Lebnonoye kulle, athro dıkmisım u sutorayde mu gayso Lebnonoyo uma haylawotho di mşaynutho ruşmoye, athro dkibe…

U Swed dıksoyım ucdo i rişonutho du Huyodo d’Urifi fsıqle camu Komisyon d’Urifi dımtaybi lumodo Emwothoyo leşan u şeçoco du kenşo Emwothoyo dımqadım mcadronutho noşoyto la bnaynoşo dım’athri ma zalzalat qaşye dhawın 6 bu yarhano b’Suriya ubı Turkiya. İ mawdconuthathe’ste hiwo, bu knuşyo dsim lu tbocofroso u griş u zuhoro…

WAŞINTON – U senator du gabo demoqratoyo b’Amerika Chris Van Hollen, saqıbloyo’yo li siyase dıkmaşyo i şultonutho d’Erdoğan ulu zebono d’tayosyotho d’F-16 l’Turkiya u ğalabe naqlat’ste, tlıble mi şultonutho dmahto klayto qşitho qum di şultonutho d’Ankara b’haqle frişe. Adyawma’ste i dafo d’al Monitor sımla maqıblonutho camu senator Van Hollen u…

Yusuf Aydin mnaqewo mi marcitho d’Stockholm xıd qoyumo mu gabo da Mşihoye Demoqratoye lu parlamento du Swed ba 2022 u kıtle’ste duktho bi Sictho du momuno bu parlamento du athro uğer wolyotho frişe. Ucdo’ste u qoyumo du camaydan, qayıthle wolitho hreto ulsoyto. Lfuth u tebo dfris bi dafo du gabo,…

ANKARA – U bethdino nomusoyo d’Turkiya, rfıdle u talab dımqadamle u gabo di HDP dmişawhıro i dacwa dftiho mqabıl dide u dfayşo lbıthır ma guboye du athro. Elo bu quwolo dsim bu bethdino, i sagiyoyutho da dayone lo maqbelın u talabano u mbayın zabno l’14 Odor leşan i HDP dqudro…

İ egartho ftıhto dımşadro meqım kmo yawme lu Mawtbo d’Urifi cali sbutho da marhıbone nuxroye dkıtne bu tukoso d’Dacış, mıdyo me hol 30 şutose u tukose da Ezidoye uda Mşihoye; beynothaye u Huyodo Suroyo d’Urifi-ESU, u şutoso A Demand for Action-ADFA. Camani’ste kito mınyono d’şutose da Ezidoye uğer tukose u…

HELSINKI – Bi maqırhonutho dhuwwole u waziro di baroyutho d’Finland Pekka Haavisto meqım 2 şabe mırwole; U xtuto rişoyo d’Finland kull naqla hawi u d’cubrina lu huyodo du NATO camu Swed. Maslamlan i muraçacaydan lu NATO camhıdode u gıdhuthmina u maşıqlo’ste camhıdode-cal da 2 athrawotho kımşakli strateji folhoyo mşawtıfo. Elo…

ANKARA / MERDE – U qoyumo bi rmoyteyde komır lfuth i mawdconutho dmatili hın ma comure da qıryawothani dhedor Nsibin inaqa dımşayelın cal hın ma arcotho dkıbci zwnilin, nafıq li holo di Ğazine hiwila li şirke d’TOKİ dkıtyo masırto bi şıltonutho d’Erdoğan. Lfuth i mawdconutho dkito Toki mofaqle hın ma…

BETH ZALIN – U Mawtbo d’Suriya Demoqratoyto d’MSD, bu buyono dıfrısle bu yawmo şatonoyo du kboşo di mditho d’Cafrin, mawdacle di fnitho hani zabno d’hammış ışne kcayşo b’aykanoyutho mahişonitho wa came şerşoye di duktho kmidoşi m’Turkiya uma grube çatawiyayda. U buyono d’MUB mawdacle dı Turkiya kımmaşyo i siyase du şuhlofo…

WAŞINGTON – U mathlono Amerikoyo dilonoyo b’Suriya Ethan Goldrich, bi maqıblonutho dsımle acme u froshezwo d’Suriya, naqla hreto makadle d’Waşington krıfdo dmisım hçomo folhoyo calu garbay madınho d’Suriya, u mırle “kul hçomo folhoyo cal Suriya kımhadıd i mşaynutho da folhaydan. Wi şkihuthaydan b’Suriya mhadadtoyo ukıtla asirutho camu nfoqo mqabıl di…

SURIYA / SCUDIYE – İ sferyawmo d’Alcarab di Scudiye, mawdacla di saqıbloyutho d’Suriya ba tre gefayda folitiqoyo u folhoyo dkıtyo bnayqyomo dı Turkiya, kcayşo adyawma b’aykanoyutho dilothnihutho, bu taro di rozutho dkito b’gawıd du qyomo dıkmitayıb ucdo, bnişo dmışre u qetro dkito bayn du rişono du rejim dı Turkiya Erdoğan…

BETH ZALIN (QAMISHLI), Suriya – U rişono zawgoyo du mawtbo gawonoyo di mdabronutho yothoyto du garbiyo udu madınho d’Suriya Farid Cate, mawdacle dı Turkiya kızzayo lafa n’esore camu rejim d’Suriya, laşan dımşadro u krizayda l’larwal du athro, dilonoyith cal dımqarawle u zabno da guboye di rişontuho, u xıd dkıtyo idico…

WAŞINTON – U malolo di wazirutho di baroyutho d’Amerika Ned Price mawdacle, dlatte ucdo plan d’ducri lu qyomo dcali tahrazto du nukleer du İran. Price d’rfıdle d’Woşington kıtla droşe camu İran bi sbutho du qyomano u mırle; “Tehran, qtila u gado du dcoro lu qyomno bşıkıl msarhıbo, bıthır mıd rfıdwola…

WAŞINTON – Awıl naqla bu zabno da 100 eşne haroye du makthabzabno d’Amerika, lo qadır u Mawtbo tahtoyo du athro dımnaqe bhdo ytawto, rişono hatho. Camathe’ste, walaw sim 3 naqlat guboye, lo qadiri naqla hreto a demoqratoye wa qutnuthoye du athro, dımnaqın rişono hatho lu Mawtbo tahtoyo. U mraşho da…

TAHRAN – İ sferyawmo d’Carab News di Scudiye bu taşroro dıfrısla, mawdacla du İran cajizoyo cal dlew ele ulsoyutho udlımıştawtafle lu knuşyo haroyo da wazire du sutoro d’Rusya, dı Turkiya, ud’Suriya dımtayabwo bi mditho d’Mosko. U hfuxyo du İran athi luhwoyo cal leşonıd du malolo di wazirutho di baroyutho du…

ÖREBRO, Swed – Bu lumodano dımhadır bi mdito d’Örebro hadırle a şutose du ağuno da Kurdoye wa came şbobe dıkhoyın cam hdode ba athrawotho du madınho mıscoyo. Lu lumdano dıczımwo u Huyodo Suroyo d’Urifi mıştawtafwole Şabo Alan dı qrele u buyono d’ESU la hadire bu leşono Turkoyo. U buyono mşarele…

STOCKHOLM – Mu zabno du Swed u Finland mawdaclın dımqadamlın muracaca lu NATO turkiya fayito lu zawco u mşarela dı fırso maqırhonwotho mşahılfe dlıg tıryo a athrawothani dcıbri lu NATO. Batre yawme haroye u rişizgado d’Turkiya dkıtyo bu Swed hule maqırhonutho dıkmahuyo du talab d’Turkiya mınyo mu Swed latyo idico…

U rişono d’Rusya Vlademir Putin mıstaqbele u rişwazire d’Armenia Nikol Paşinyan bu makthbayde b’Mosko u hawilın athmıl ytawto dilonoyto-privat camhıdode, bıthır ma lqoyotho dhawile Paşinyan cama rişone du tukoso şawtufoyo di mşaynutho udi methcadronutho. Lfuth u makthbo d’Putin, bi ytawtathe a 2 rişone kalın cali sbutho d’Qarabax wa droşe du…

BRUKSEL – U huyodo Suroyo d’Urifi ESU dkıtle esore tawe camu parlemento d’Urifi mhadrale knuşyo lu qoyumo mu cameydan bu Parlemento d’Urifi mu gabo du athro du Swed İlha d’Basso laşan dobe mawdconutho cala fullhıone du huyodo d’Urifi. Lu knuşyano ESU ksoyım qrayto lu cameydan dkıtyo b’Bruksel dmıştawtıf lu knuşyano…

A Ezidoye dıkhoyın b’Şigor bu garbyo du Cıraq, sımlın athmıl taglitho bi fnitho u mawdaclın ilo thnihuthathe mqabıl da taxtuşe dhawın beyn du gayso Cıraqoyo uda Haylawotho du Sutoro du camo-YBŞ uba slogane dmazcaqe mırlın; Basyo lu mawto, E l’şroyo mşayno. Bi taglithathe dsimo b’Sinune bu garbyo d’Şigor, a Ezidoye…

Yawme d’Tre dşafıcina, hkımwole bethdino Turkoyo u hfito Osman Kavala cımre kule lu hbuşyo ma thome du şeçoco da tagliyotho d’Gezi udu tedriyo di şultonutho d’Ankara. İ sbuthathe d’Kavala, xlıqla hfuxye u hem u bethdino da hawbe d’Urifi u hemste a hayle du macırbo kımawdıci, bıthre du fusqonano dmid cal…

U Komisyon Amerikoyo di Hirutho Emwothoyto da Tawdiyotho, kımaslım kull şato i netiçe da buhonayde dcali Hirutho tawdithoyto b’athrawotho frişe dbritho li wazirutho di baroyutho d’Amerika. U taşrorano’ste dkıtyo qariwo l’100 fothotho, bşıkıl rwiho kımahke cali aykanoyutho dkull athro bu haqlo da zedqe noşoye, bu cnufyo uba rdufye, cali aykanoyutho…

BRUKSEL – Xıd kull şato bu siqumano, frısle adşato’ste u Huyodo Suroyo d’Urifi-ESU buyono bu duxrono şatonoyo du qtolğenso du camo Armınoyo. Bu buyonano mawdıc; Bu yawmano d’24 Nison d’şafıc 107 eşne, kımathkırina u kımyaqrina i ruho da Sohde dnafiliwo bu qtolğenso dsımwo ban 1915 calu camo Armınoyo mi mamlaxtho…

STOCKHOLM – U folitiqoro di karxutho d’Botkyrka mu gabo da Mşihoye Demoqratoye du Swed Aday Bethkınne frısle mimartho yarıxto bi dafo d’Expressen ubu şuroyo komır; Bas mankritu-mawdewo bu Sayfo dan 1915. Qay kmisım fırşono beyn qtolğenso u qtolğenso-holucdo noşo lo maçrele dmancım u Holocaust da Yudoye-xıdu mede dıkmisım adyawma bu…

ANKARA/OMID – U parlemento d’Turkiya heş lıq mtahmıl dhowe mamlo awste dmitamte bahıs du Sayfo da 1915 dhawi cala came mşihoye. Ba yawmotho d’şaficina u qoyumo du gabo di HDP Garo Paylan mqadamwole rınyo dmimid qonuno di mawdyonutho calu qtolğınso elo madcır mu rişono du parlemento u lo trele dmidrış.…

ANKARA/MERDE – Çelik bi rmoyto dı kthiwole lu mcadrono du rişqutno Fuat Oktay komır, ba ışne d’şaficina mahtawo qonuno da faturat du kahrobo da botay slutho da mşihoye u da knuşyotho da yudoye gıdmitahwınwo ma mşale di tawditho maşılmonitho. Elo a fatorani mahti tahte şartat dmitahwe belhude u kahrobo dgawe…

U rişono du gbino du şlomo udi hirutho d’Suriya Ahmad Aljarba, mhanele u gabo du Huyodo Suryoyo d’GHS, i Mtakasto Othuroyto Demoqratoyto d’ADO wu gabo Othuroyo Demoqratoyo d’GABBA, calu qyomo du fhomo dımde baynothaye udmawdacwo bi hfitutho mşawtafto di rişıdşato umthoyto d’Ha Nison d’Akitu. Aljarba dkıtwe meqım u rişono du…

STANBUL – Athmıl mabdele u rişwazire du qlimo d’Kurdistan Masrour Barzani socurutho lu qesro di rişqutnutho dkıtyo b’Stanbul u laqi mşale frişe u bıthır’ste u rişqutno Recep Tayyıb Erdoğan. Elo bu zabno di socuruthathe d’Barzani l’Stanbul, xıd kull naqla dhawi bu dacbar, a hayle Turkoye’ste sımlın cuqobe cal qıryawotho d’Nuhadra…

U mathlono du camaydan bu parlamento du qlimo d’Kurdistan qoyumo Farid Yacqub, bi maqırhonutho dhule li dafo d’PUK media, mawdacle da hamşo qoyume du camaydan bu parlamento d’Arbil b’ha fusqonone dmisım şuhlofe bu qonuno da guboye du qlimo ub’awyutho cama gabe u koalisyone folitiqoye kulle. Cali sbutho da guboye gawonoye…

Bnişo dmitakle u mazlo u mathyo da marhıbone d’Dacış beyn d’Suriya u Cıraq, mabdewola meqım kmo şabe i şultonutho d’Boğdod bu bnoyo d’şuro cala thumayda du garbyo du athro-awkith cala thume dbeyn Şigor (Sinjar) wi Gozarto d’Bethnahrin. Ucdo’ste u gayso Cıraqoyo leşan dhowele duyoqo kamilo cala thumani, bnele 10 nuqazyotho…

İ wazirutho du Sutoro Athronoyo d’Turkiya mawdacla, bu zabno dıkmdawmi a cuqobayda calu gerilla di PKK bu garbyo du Iraq, qtil ha ma folhayda b’furqoco d’foquctho dmahto calu darbo. Me gabo hreno kmitawdıc, da hayle kaboşe d’Turkiya kımdawmi bu qşoco da dawme da cobe di hiğmonutho d’Nuhadra. Bu zabno da…

U qentrun fatıryarxoyo da Suryoye Marunoye dı Bkırki, mawdacle da gedşe admonoye haroye dhawınwo hedor du bethdino d’Bayrut, lıkkowe dmaklın a’buqore dıkmisomi bi sbutho du furqoco rabo du lmino d’Bayrut. Bebzabno, Bkırki mawdacla du qonuno lalcıl ma Lebnonoye kulleyo, wi kinutho klozım dımdawmo dımhalxo bu darbayda. A buqore dcalu furqoco…

U qoyumo şaryo du cameydan bu parlemento d’Turkiya Tuma Çelik bi rmoyto dımqadmole lu waziro di zarocutho u da cobe Bekir Pakdemirli grışle u zuhoro cala akore dkıtne b’Turcabdin dıklozım micawni. Çelik bi rmoyto kımşayıl mu wazir mın mcadronutho gıdsoyım la akore, u bebzabno mın fulhono gıdsoyım mqabıl da şıkwat…

A Mşihoye dkıtne bi mdito makthabzabnoyto b’Antakya, mşarelın bu froso di dafo du nawlo dmahıt ışma NEHNA-awkith Ahna. A mawfqone di dafo kımmi; Ahna a Mşihoye Orthodoks dkıtna tahte da ışmone; A Orthodoks d’Antiyuxiya, A Orthodoks dıkmalli Caraboyo, A Ortodaks Caraboye, A Nasraniye-gawonoyith ahna u camo dheş u ışmeyde tam…

Mınyono ma comure d’Camuda du garbay madınho d’Suriya, sımlın protesto i şalyutho d’Rusya mqabıl da hçome dıksaymi a hayle kaboşe d’Turkiya wa noqufathe calu qlimo. A mtagliyone layimi qum du qentrun d’Rusya dkıtyo b’Camuda u tlıble mena, dsaymo hboso cal Turkiya bnişo dmaklıyo a hçomayda b’Suriya. A came du garbyo…

U Huyodo da Neşe d’Bethnahrin-HNB, sımle u lumodayde di şato bi mıştawtıfonutho da hadomayde dkıtne bu athro ubi golutho. Bi tahrazto du lumodano dımtayıb adyawma bu darbo du nawlo, sim u futohayde mi rişonitho d’HNB u qıryo i egartho dımşadarle u rişono gawonoyo du Mawtbo Umthoyo d’Bethnahrin Nacim Michael Hadodo…

U professor Fuad Şamcun Oduncu mıdle u şukono celoyo dkito bu athro d’Almanya, cala fulhone dsımle li noşutho.  Oduncu xıd nacimo Suryoyo dımgalwewole l’Almanya, malhaqle d’qore tarte madraşyotho celoye di osyutho udi falsafe, u hawi u professor celoyo du kanser bu athro d’Almanya. U professor Oduncu mgalwewole xıd nacimo d’…

U qoyumo şaryo du cameydan bu parlamento d’Turkiya Tuma Çelik bi rmoyto dımqadamle lu tahlufo du rişqutno, kıgorış u zuhoro cali wazirutho di tawditho dlıknıfqo moro la citotho u dayre du athro. Çelik bi rmoytayde dıkmahke cala zuze dgımitahwe li waziruthathe dgımitasrıfi dlo kinutho u dgımitahwın kulle la şırak dkıtne…

U rişono gawonoyo d’QASAD Madhlum Cabdeste, krıhle a hçomani d’Turkiya u mırle; U mhoyano d’Turkiya ba mdinoye, zıttır kıjoğır u qrobo. Bebzabno u malolo da Haylawotho d’Suriya Demoqratoyto Aram Hanna, m’akadle du huroro d’Raqqa sim, bi awyutho ubu huyodo dkıtwo beyn da came frişe du qlimo wu krıhleste a hçome…

U fatıryarxo di cito Suryoyto Qatholiqoyto Mor İğnatiyos Yusuf III Yunan, dıqle u noquşo du qento du qşoco da Mşihoye d’Lebnon, en dlo misamlın mede ma hayle du macırbo. Ubebzabno, a citotho b’Yurdnon mzaharlın calu qşoco di Mşihoyutho bu athro, bıthır mıd naqıs u menyonathe l’2%. Camgabıdathe, a citotho du…

İ Sitadel d’Kerxeslox dkıtwo meqım eba knuşyotho da Yudoye u citotho, adyawma kiba u masığdo rabo di mdito. İ Sitadel, u bınyono catiqo d’Kerxesloxyo u inaqla qamayto dımşare bu bnoyayda 858 meqım me Mşiho’we. U malko Othuroyo Aşurnasirpal II, bdewole ba 858 bu bnoyo du qentrunano d’Kerxeslox leşan u duyoqo…

Senator hreno d’Australia, mawdele bu Sayfo dsim calu camaydan, calan Armınoye ucala Yudoye bu zabno du qrobo qamoyo dbritho. Bi mawdyonuthathe, mdele u senator u inisyatif mşawtıfo dımbayanwolın a gabe da tlotho camani dıkhoyın b’Australia, leşan i şultonutho du athro dmawdıyo bu Sayfo dan 1915. U senator Peter Whish-Wilson, mdele…

U Huyodo d’Urifi kıtohım Turkiya dıkducro laxalf bi sbutho du tuyobo da reforme dmahtiwo quma bnişo dcubro lu Huyodo. Bu taşrorano dfrısle u Komisyon du Huyodo d’Urifi kali’ste cali aykanoyutho di demoqratoyutho b’Turkiya. Me gabo hreno u bethdino da zedqe noşoye du Huyodo d’Urifi tlıble me Ankara dımşahlıfo u qonuno,…

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du hethotho di daşto d’Ninwe. Lfuth i sictho du bnoyo d’Mort Şmuni, mtayıb ucdo hedor 30 dukane d’sıncat mşahılfe bi qastra d’Bahşiqa bi daşto d’Ninwe. Bu snodo momunoyo du tukoso Amerikoyo du quyomo Emwothoyo ubu taro di…

U rişwazire du Iraq Mustafa al Kadhımi mawdacle, dımsıklın u marhıbono dıkmitıftakır dkıtyo bıthre da hçome barbroye d’11 İlül da 2001. U marhıbono, bebzabno kmıthım bu hçomo qaşyo dsımwo bi şawtho d’Karrada d’Boğdod ba 2016. Bu zabno du gayso Iraqoyo maqwele u duyoqo di mşaynutho d’Boğdod, mawdıc da hayle oyaroye…

U qoyumo şaryo du cameydan bu Parlemento d’Turkiya Tuma Çelik mqadamle rmoyto laşan dmitahwe fsoso lu tewlifo du leşono Suryoyo bu athro d’Turkiya. Bi rmoyto dımşadrole lu waziro du yulfono  d’Turkiya Mahmut Özer kımşayele en i wazirutho kıtla tahrazto dı fıtho madraşto du leşono Suryoyo. U qoyumo bi egartho di…

A comure di qritho d’Bsorino bi fnitho d’Turcabdin d’Turkiya mahwelın i fsihuthaththe cal dsımlın u futoho da bethsocure dmahıt ışme bethsabro. Lu futohano dsim bi rişonutho du hasyo d’Turcabdin Mor Timathewos Şmuel Aktaş mıştawtlın comure ma qıryawotho da suryoye d’Turcabdin u mi golutho cama tre farsufe dkıtne a sanode di…

U Federasyon da Hudre Suryoye b’Turkiya, sımle u duxrono da Sohde du Mawtbo Umthoyo d’Bethnahrin, dıknofıl 10 bu yarhano d’Teşrin u haroyo. Bu duxronano dsim bu benyono d’SUDEF, mqadım mamle u mahwe u masıdro dıkmahke calu makthabzabno da Sohde du ağuno da doronoye. İtahrazto mşarewola b’qatinto d’şedqo cali ruho da…

Me gabo hreno u Huyodo Suroyo d’Urifi-ESU u ferco d’Teçino d’Swisra, sımle u duxrono da Sohde du Mawtbo Umthoyo d’Bethnahrin bu hudro Suryoyo dkıtyo b’kontone. Bu duxronano mqadım mamle, mimre u zmirotho camgabe di temeşto da Sohde dmaqimo mu kohno di qlimo Abuna qaşişo Abrohom Bandır. U duxronano dımhaydır me…

U Huyodo da Neşe d’Bethnahrin u fırco du Swed, mtayable turgomo la hadomayde bi mdito d’Örebro. Beyn da sebwotho d’drişi bu turgomano, kıtwo a şuşote dhawın ba gabe u şutose du Mawtbo Umthoyo d’Bethnahrin bu athro ubi golutho u kle cali ulsoyutho di methtakdonutho. Athmıl yawme d’Şabtho, mtayable u Huyodo…

U qentrun du tboco froso da Haylawotho d’Suriya Demoqratoyto frısle tebe cala şuşote haroye uda cuqobe dsımlın a Mharbonathe ba kmo yawme haroyani. Mawdıcste d’taşdarto mu koalisyon Emwothoyo sımla socurutho li Hasake u be bzabno frısle u koalisyon maqırhonutho, dıkmhanle i dbihutho nafşo da hayle d’QASAD bu huroro di mdito…

U tukoso da zedqe noşoye leşan i şrorutho wi kinutho da Suriye, frısle taşroro calu mınyono da bnaynoşo dımsiki ma marhıbone dıkmısnodi ma hayle kaboşe d’Turkiya, bu garbay madınho d’Suriya. U tukoso mawdacle, du gayso Athronoyo d’Suriya dıkmısnıd me Turkiya, msıkle bu yarho d’İlül d’şafıcina hol 52 farsufe me Afrin,…

U şuğlo dan ahunone Yalçın cam Dawud QasYusuf, mnaqe u şuğlo towo bu haqlo du franchais awkith matcımo dkıtle ferce b’dukotho sagiye. İ şişaltho da resturange d’Grekiska Grill u Bar, athmıl mnaqyo u matcımo towo du Swed mu Huyodo gawonoyo da şedyat du Swed. U matıcmo u resturang dftıhwo ma…

U gabo du Huyodo Suryoyo Tibeloyo, sımle hçomo qaşyo cala gabe Şica d’Hizballa udu Zawco d’Amal, cal dıkmnasın dtufki Lebnon l’qrobo gawoyo hatho. USUP mawdacle’ste dkito ithbate da taxtuşe dhawın athmıl b’Beyrut, masrahto’wın u teştıcın cjiqo’we me Hizballa wa noqufayde. Camgabıdathe, USUP mawdacle du sistem federaloyo u darbo towo dkulle’yo…

I qadişutho du fatıryarxo di cito Suryoyto Qatholiqoyto Mor İğnatiyos Yusuf III Yunan, bu hfuxyo dmahwele cala taxtuşe dhawın athmıl b’Beyrut, sımle qroyto la mşale Lebnonoye kulle dmarmışi u wujdanathe, u dmahti u yuthrono du athro bi qamayto da yuthronathe a farsufoye. Mxasra hreto, i sagiyutho da gabe Mşihoye d’Lebnon…

I sbutho du mbaqrono Tareq Bitar kımdawmo dfayşo bu yawmoyo d’Lebnon, bu zabno dıkmnase u gabo d’Hizballa wu Zawco d’Amal dmıstacımli i sbuthathe, leşan dtufki u athro lıqrobo gawoyo hatho, u dmafiti la haye i tarmitho dkıtle u İran bu qlimo du Madınho Mescoyo. Adyawma a gabe Lebnonoye saqıbloye Mşihoye…

Bıthır mu cuqobo dsımle u rişqutno Erdoğan calu Bank Emwothoyo du athro, u timo da zuze d’Turkiya naqla hreto nahıt mqabıl du dollar u dğer zuze hrene. Erdoğan athmıl blalyo xıd kull naqla dıksoyım, mıdle 3 ma mşale du Banka u mahıtle tre hrene bıdukthaye. Bu zabno haroyano inaqla du…

İ qadişutho du fatıryarxo di cito Suryoyto Qatholiqoyto Mor İğnatiyos Yusıf Tlithoyo Yunan, hawile ytawto bu Vatikan cami qadişutho du papa Mor Fransis Qadmoyo. Bi ytawtathe dıdrişi eba a’hıdriyat di Sunados mqadaşto di cito d’Roma, grişıste u zuhoro cali aykanoyutho du camaydan du madınho dilonoyith dıkhoye bu athro d’Lebnon. İ…

U mraşho di lohitho du gabo du Huyodo d’Bethnahrin Athroyo du Iraq Josef Sliwa, maglele cal hın mın dyoşe dsimi bhaq du zedqo dkıtle u camaydan di daşto d’Ninwe dobe qole ba guboye gawonoye du Iraq. Sliwa bi maqırhonutho dıfrısle, mawdacle di Peşmarga du gabo di KDP d’Mascud Barazani mcınlın…

Bi fnitho d’Caynkawa bu garbiyo du Iraq, sim u futoho di nuqazto du hulmono d’Habib Almaleh, bi mıştawtfonutho dhın ma mşale da şutose di hiğmonutho d’Arbil. Habib Almaleh dkıtwe osyo mu camaydan, sımwo icdam mu rejim catiqo du Iraq bu zabno d’Saddam Husayn, cal dkıtwo masro camu gabo da Kominist.…

U qoyumo şaryo du cameydan bu parlamento d’Turkiya Tuma Çelik, frısle maqırhonutho dıkmathkır eba u yawmo şatonoyo da Sohde du Mawtbo Umthoyo d’Bethnahrin-MUB . Çelik komır; A sohde, u mede timo dkıtle camo’yo wu camo Suryoyo, bu maktabzabneyde dilonoyith bu Sayfo, hule Sohde sagiye. U qoyumo şaryo du cameydan Tuma…

U rişono di sictho da esore baroye di kongre d’Amerika senator Bob Menendez, krıhle a fulhone lo qonunoye du kroxo dcalu ğaz dıkmaşyo Turkiya bu madınho du yamo Mescoyo. Senator Menendez dkıtyo mu gabo Demoqratoyo, bi maqırhonutho dfrısle bi dafayde mawdacle da fulhone dıksaymo Turkiya, kıdayşi i morutho di fnitho…

A şutose du gabo du mawtbo umthoyo d’Bethnahrin dkıtne ba athrawotho d’Urifi mhadarwolın duxrone da sohde b’athrawotho mşahılfe d’Urifi Athmıl dkıtwe 10 bu yarho da caro dkıtyo u yawmo şatonoyo du duxrono da sohde d’MUB sim hfitwotho u mahke cali macne di sohdutho wu nofoqo du moro  dlasohde. U yawmano…

U rişono hatho di marcitho d’Mawsal u d’hedora di cito Suryoyto Qatholiqoyto hasyo Mor Afram Yusıf Cabba, mşarele ruşmoyith bi wolithayde i hathto. Hasyo Mor Afrem dımbayın rişono di marcitho d’Mawsal mdarbıd du hasyo mşawtbo Mor Yuhanna Bıtrıs Muşe, mrayşanle u qurobo alohoyo qamoyo bi mditho Suryoyto d’Bağdede di daşto…

U froshezwo mşamho d’Alcarabiya, frısle flim dokumentar cala Mşihoye d’Mawsal bu calway “qay a’bote di mdithathe xalyene ma Mşihoyaththe”. Bu flim dıfris, kmitawdıc da Mşihoye d’Mawsal dkıtwe u menyonathe 20 alfo meqım mu koboşo di mditho m’Dacış, ucdo u menyonaththe bi mdithathe balhude zıd mu sfiqoyo bışmo.  Mlawğıl du hrowo…

İ malılto di wazirutho du sutoro d’Amerika rabathhaylawotho Jessica McNulty m’akadla, d’Amerika gıdturyo 900 ma folhayda b’Suriya leşan u snodo da Haylawotho d’Suriya Demoqratoyto. McNulty mawdacla’ste, d’sahmo ma folhani, gıdfayşi bi foqudutho d’Al Tanıf dkıtyo bu tayman madınho d’Suriya. Bi maqırhonutho dhuwla athmıl i malılto d’Pentagon-rabathhaylawotho Jessica McNulty m’akadla dfsıqlın,…

İ mathlonitho du Huyodo Suroyo d’Urifi-ESU b’Austoria Leyla Bahdi, mşadarwola egrotho la gabe frişe dkıtne bi şultonutho du athro, cali sbutho du dayroyo Seffer Aho Bileçen. Ba egrothani tlıbwola Bahdi ma mşale d’Austoria, dımçazın Turkiya calu dyoşayda dcala zedqe da qalilotho. Bu funoyo dacır l’ESU m’akıd, d’Austoria kımtahqıbo i sbuthathe…

Bi rişitho; A sohdaydn u neshono du ağono umthoyaydan’ne’ kımşare u buyono dfrısle u Mawtbo Umthoyo d’Bethnahrin bi cohnutho du duxrono şatonoyo da Sohdayde du ağuno. Bu buyonano i Sictho di Rişonutho d’MUB kımmo; Cal dhulan sohde, a talabe folitiqoye, marduthoye u umthoye du ağunaydan udu camaydan. kothın adyawma lu…

U Mawtbo Umthoyo d’Bethnahrin dıkmaşe ağuno umthoyo du camaydan mbayanle 10 bu yarho d’Teşrın u qadmoyo, duxrono da Sohdeyde dıfdelın a hayathe bu ağuno dmaşelın. Bi cohnutho du duxrono şatonoyo da Sohde, ramhıl gıdmitayıb hfitwotho mşahılfotho bu athro uba athrawotho d’Urifi u gıdmitathkıri a sohde d’MUB. A şutose du Mawtbo…

Abuna qaşişo Yusuf Akbulut dkıtyo idico me Omid, hawi kohno li qritho d’Ciwardo bıthır mıd trele mi cito d’Yoldath Aloho d’Omid. Qaşişo Yusuf bi şabtho d’şaficina mqarawole la comure di qritho d’Ciwardo ubu zabno du qayto’ste maqrewole a socure dnahitiwo man athrawotho di golutho. Abuna qaşişo Yususf Akbulut bıthır mıd…

U qoyumo şaryo du cameydan bu parlamento d’Turkiya Tuma Çelik frısle kthowo hatho dıkmahke ebe calu rkowo du cameydan ba qıryawotho d’Turabdin u hedora wu mın yortutho trelın bıthraye u aydarbo maxlın ma dukothathe. U Kthowano dmahıt ışme i Mşatsonutho da Suryoye b’Turabdin, fris lu zebono. U kthowano dkıtyo 184…

Adyawma, huwle mınyono d’bnaymothoye du Iraq a qolathe ba guboye gawonoye du athro. Meqım me 10 bu yarhano dkıtyo u siqumo ruşmoyo da guboye du Iraq, hiw aftho la hayle folhoye ulu camo dkıtyo galwoyo bıgawe du athro, dızzın adyawma la sanduqe da guboye leşan u dobın a qolathe. Adyawma…

U rişqutno d’Turkiya Recep Tayyıb Erdoğan, mqadamle rmoyto leşan dmitaqimo i hasinutho d’arbco folitiqore saqıbloye. A farsufani’ste, u qoyumo Armınoyo bu gabo Demoqratoyo da Came-Garo Paylan, Meral Danış Beştaş, Hüda Kaya wi folitiqorto di DBP Salihe Aydeniz. Lfuth u tebo dfrısle u Qentrun da Buhone d’Stokholm leşan u Şlomo, i…

U şutoso du waqıf da Mşihoye du Iraq, mawdacle d’70 ba mo du camaydan mgalwele mu athro. U istatistikano du waqıf khobış bıgawe i golutho du camaydan bu zabno da 100 eşne dşaficina. U mdabrono da esore udu tbocofroso du waqıf Mşihoyo du Iraq qaşişo Marten Hırmız, maglele d’70 ba…

U mraşho d lohitho du gabo du Huyodo d’Bethnahrin Athroyo du Iraq Josef Sliwa, sımle qroyto lu camaydan u Kaldoyo Suryoyo Othuroyo dmıştawtıf b’sagiyutho la guboye gawonoye dıkmıntır dmisomi 10 bu yarhano, bnişo dhowele duktho bu maşıqlo folitiqoyo hatho du Iraq. U mraşho d’HBA du mnoyo da 141 Josef Sliwa,…

Yawno Metin Yaramiş u mgabyo di qritho d’Gaznağ mqafe mitho bi qritheyde. U mnohnafşo dkıtwe ha ma dacore di qritho athmıl mcafe biqritheyde  bi mtaybonutho dmınyono ma comure di qritho u farsufe hrene dathın me dukotho mşahılfe. Bi mawconutho dmatilan mu qlimo d’Hakari u mgabyo di qritho d’Gaznağ dkıtyo bi …

U qoyumo şaryo du camaydan bu parlamento d’Turkiya Tuma Çelik, mqadamle rmoyto dışwole lu waziro di mardutho u du turizm Mehmet Nuri Ersoy u kımahke cala timoyotho marduthoye u makthabzabnoye du camaydan b’Turkiya. Ba şwolani du qoyumo Suryoyo Çelik lu waziro Turkoyo dkobıc dmifanın b’kthawto, kımşayıl cali ctidutho di cito…

İ sferyawmo Britanoyto d’The Times, mawdacla da n’Othuroye dmaxlaswolın mu Sayfo da Cuthmanoye d şato da na’1915, hawın ucdo nişo l’qtolcamo hreno dsımla Turkiya udkımdawmo dsaymole bi fnitho du xabur bu garbay madınho d’Suriya. The Times bu tebo dıfrısla, grışla u zuhoro cali iqartho Othuroyto harayto dmahzamla mi qritho dı…

U qatlo u mhoyo u terizo da zayne dımqabıl da bnaynoşo kımdawım bu athro du Swed b’mdinotho mşahılfe. Athmıl hedor i şoctho da hdo blalyo qtil farsufo mu cameydan bi mdito d’Linköping bi şawtho d’Lambahov. Athmıl hedor di şoctho hdo dıblalyo, athi tebo la pwelıs di mdito d’Linköping  dımfarqıc zayno…

İ taşdarto du Mawtbo d’Suriya Demoqratoyto, kımdawmo a ytawyothayda cama mşale Amerikoye b’Waşington, bnişo d’dorşi u dactid di Mdabronutho yothoyto bu taro du maşıqlo folitiqoyo hatho d’Suriya. Ba ytawyotho haroye dhawın, a mşale Amerikoye naqla hreto makadlın da hayle du koalisyon Emwothoyo gıdfayşi b’Suriya, leşan dsındi a Haylawotho d’Suriya Demoqratoyto…

U rişwazire du qlimo d’Kurdistan bu garbyo du Iraq-Masrour Barzani hadır bu zawho du şuhlofo di qastra d’Caynkawa, l’finotho dgmidabro bıthır mucdo ma comurayda. İ sagiyoyutho d’Caynkawaste ma nabne du camaydan. Lu zawhanoste, hadır u hasyo di cito Kaldoyto d’Bobel Mor Başar Warda wu rişono du tukoso di mcadronutho la…

U Mawtbo Folhoyo Suryoyo-MFS, mawdacle dkıtyo b’fusqono kamilo dımdawım dhowe hesno qawyo mqabıl di tahrazto bceldboboyto d’Turkiya bu athro d’Suriya. U malolo d’MFS Matay Hanna bi maqırhonutho dhule lu tbocofroso, m’akadle da Mharbone, kobın u funoyo dıkşowe la hçome dıksaymo Turkiya wa marhıbonayda cala qıryawotho du camaydan du Xabur.  U…

U froshezwo d’Suroyo mcayadle u yawmo du yubolo şatonoyo di mşatsonutheyde bıhdo gala dıfriso hayo mi şoctho da şwac u falge hul la 11. Bi galathe cam gabe da mamle dsimi cali yasifutho du froshızwo maşmıc zmaryotho mfarıq myaqronwotho u be bzabno mbayni qamero da doşne da lotariyat. U yawmano…

Fayıt 13 ışne cali şalqa qamayto di golutho du camaydan mi mditho d’Mawsal mu garbiyo du Iraq. İ şalqathe mşarewola ba swikaste d’farsufe mu camaydan dıkmıqtıliwo b’şıkıl ftiho ub’dukotho camonoye bı Mawsal, cal dkıtwın Mşihoye. Xıd ucdo bi şabtho qamayto du yarho dı Tışrın u qamoyo bi şato da 2008,…

Mşare ucdo ba fulhone du bnoyo u hethotho dı tloth citotho du camaydan bi daşto d’Ninwe bu garbiyo du Iraq. Atloth citothani dkıtne ba mdinotho d’Barıtle ud’Bağdede, kmisım u hethothaththe mi sictho dımbayno laşan u bnoyo d’Mawsal. İ sictho dımbayno lu bnoyo d’Mawsal, mawdacla lumıhreno dımşarelın a’fulhone du bnoyo u…

U rişhsayo d’Viyana kardinal Kristof Şonborn dıksoyım ucdo socurutho lu athro d’Suriya, mtayable qerowo alohoyo calu madıbho da sohde du Sayfo bi Mcartho d’Saydnaya. Meqım mathe ste, kardinal Şonborn mıştawtafle li slutho dımtaybo bu qentrun fatıryarxoye di cito Suryoyto b’Darımsuq, bnişo dmitarku u şlomo b’Suriya. U rişhsayo d’Viyana kardinal Kristof…

A hayle dilonoye da Haylawotho d’Suriya Demoqratoyto, maxlaslın a comure di mdito d’Raqqa, mu plan dıhçomo barbroyo ma ğrobe marhıbone d’Dacış. Bi maqırhonutho dfriso me QASAD mawdıc, di krılto da marhıbone kımtaybowa ruha dımfarqıco radoyto mlitho foqucotho bıgawe di mdito d’Raqqa. ​​​​​​​Bi maqırhonutho dfrısle u qentrun du tbocofroso da Haylawotho…

U gabo du Huyodo d’Bethnahrin Athroyo, frısle buyono dıkmhane ebe u gabo du Huyodo Suryoyo bi cohnutho du yawmo şatonoyo dan 16 eşne du ağuno dkobe bu haqlo du tlobo da zedqe du cameydan. HBA bu buyonayde komır; Kımhanenalxu ba fulhone folitiqoye, diplomatiqoye u folhoye dıksaymitu bu athro d’Suriya leşan…

U efetrufo fatıryarxoyo di marcitho d’Beljika, Fransa u Luksemburg hasyo Mor Gewargis Gawriye, frısle egartho dıktolıb ma hadome di marcitho d’Beljika dımakıthwi a nacimathe la dawrat du yulfono du leşono Suryoyo. Bi egartho dfrisole u efetrufo fatıryarxoyo di marcitho d’Beljika, Fransa u Luksemburg Mor Gewargis Gawriye kımahke dımşarelın 2 dawrat…

Hılto Rihane Jıbbo hayowa i athto dımşahlafwola i hzayto catımto dkıtwo cali athto Suryoyto b’Turabdin. Bi mimartho dkthule Yusuf Sağ bi sfaryawmo d’İdil Haber, kımahke cali hılto Rihane aydarbo b’gaborutho sımla zabno yarixo i mgabyutho di qritho d’Midin. U kothubo Yusuf Sağ dımahıtle ışme di mimarthayde; İ athto qwitho dımşahlafla…

Magle, dkito şabake b’Turkiya dıkmıstacmılo a tahwiyotho ruşmoye catiqe du camaydan dıkhoye ucdo bi golutho, leşan dımawfıqo nufuse u passaporte mzawre-saxta. Calathe sim qroyto lan abne du camaydan dkıtne me Turabdin, dhowın mahise. Lfuth i mawdconutho dmıdlan me Elias Maraha dıkhoye b’Almanya, magle dkito şabake b’Turkiya, dıksaymo nufuse u passaporte…

U gelyunoro Murat Kuseyri nqil ma hayani, bıthır mu kewo du sartono dımharable hani zıttır me şato u falge mqabıl dide. Kuseyri dmawlıd bi mdito d’Adana d’Turkiya, gelyunoro demoqrato’we dıksonadwo a came frişe du athro wu tbocofrosathe. U mnoho Murat bi claymuthayde mıştawtafwole lu ağuno da semoloye dkıtwın b’Turkiya u…

U Mawtbo Umthoyo d’Bethnahrin, frısle egartho d’tahınyotho lu gabo du Huyodo Suryoyo-GHS, bi cohnutho du yawmo şatonoyo da 16 eşne di mşatsonuthayde. İ Sictho di Rişonutho d’MUB mırla; GHS mıdle duktho bu ağuno dımşarewole b’Suriya ba 2011, leşan di demoqratoyutho ula zedqe noşoye u mathele u camaydan u sebyonayde ubi…

Camgabıdathe, u gabo du Huyodo Suryoyo Tibeloyo d’USUP mahnele u gabo d’GHS bu yawmo şatonoyo di mşatsonuthayde, u mawdacle dkıtle tuxlono u sabro rabo bu ağuno dkobe laşan di sbutho umthoyto du camaydan d’Suriya. Bi cohnutho dşafıc 16 eşne cali nfaqto du gabo du Huyodo Suryoyo d’Suriya, u rişono du…

Bi mdito Suryoyto d’Barıtle di daşto d’Ninwe, mtayıb u cadcido qadmoyo du şlomo tibeloyo. Camgabıdathe, mtayıb tarte hfitwotho du workshop bi mdito d’Mawsal, leşan du sutoro dan athare udi yortutho d’Ninwe. Athmıl casriye mtayıb b’Barıtle di daşto d’Ninwe, u cadcido qadmoyo du şlomo tibeloyo bi rocyutho du tukoso İtaloyo d’UPP.…

Masrıh efesqufo hatho li marcitho du Iraq dkıtyo bebzabno mcadrono fatıryarxoyo li cito Catıqto d’Madınho. U efesqufo hatho Mor Şamcun Danyal cam taşdarto ma hsayo di cito Catıqto d’Madınho, hawilın ytawto camu rişqutno du Iraq Barham Saleh. Bi cito d’Yuldath Aloho bı Boğdod, sim yawme d’Huşabo dşaficina zawho ruhonoyo dmasrıh…

I Sictho du parlamento du mawtbo d’Urifi PACE, fsıqla ruşmoyith dı Turkiya mşadarwola marhıbone Suriye lu qlimo d’Qarabax, leşan dımcadri Azerbejan bu qrobo mqabıl d’Armenya bi şato dşaficina. I Sictho Urifoyto bu quwola dsımla, mawdacla du fusqonano mafıt la haye lfuth a ithbate dkito bidotha bi sbutho da marhıbone dımşadrila…

İ rişonitho du tukoso d’Emwotho Mhaydotho bu Iraq, hawila ytawto camu rişono du Komisyon celoyo da guboye du Iraq leşan dmıdroşi a şuşote haroye di hedriye da guboye gawonoye du athro. Bebzabno i şultonutho d’Boğdod mıdla fusqono, dmısxori bu zabno da guboyani a thume di naşfe udi hawa u dmitakle…

Me gabo hreno u Iraq kıtle plan, dmode qyome cam tlotho athrawotho leşan dqodır dmadcır ba milyare dolare dıgniwi mu athro bu zabno du rejim catiqo du Bacth. Leşan u ağuno mqabıl di Corona bu Iraq, mbayanle u Bank d’britho 100 milyone dolare l’Boğdod. Camatheste, anathrawotho d’Çekiya, Estonia u Slovakia…

U mraşho d’Amerika xıd rişizgado hatho b’Turkiya-Jeff Flake, mawdele bu qtolğenso dsımwol i mamlaxtho da Cuthmanoye calan Armınoye bi şato dan 1915. Jeff Flake, senator catiqo du gabo da qutnuthoye d’Amerika’yo uba buqore dsimi acme bu Senato, mawdacle’ste ilo thnihuthayde li mudaxala dhawila Turkiya bu qrobo d’Nagorno Qarabax. Athmıl i…

İ qritho d’Ciwardo b’Turabdin dhani 20 eşne dlo kohno’yo, mbayın ucdo abuna Yusuf Akbulut d’xodım u dımşamış a tlotho citotho di qritho wa comurayda. Bebzabno u kohno hatho di qritho, gıdmawlıf a nacime u leşono Suryoyo wu tekso di cito Suryoyto Orthodoksoyto. İ qritho d’Ciwardo dkıtyo hdo ma qıryawotho d’Turabdin…

Emwotho Mhaydotho mawdacla, dımhathathla hol 2.700 bote bi mdito d’Mawsal du Iraq, dhzewolın husrono rabo bu zabno du ağono dhuwo mqabıl da marhıbone d’Dacış. Bi mawdconutho dfrısla i mşalonitho du tukoso d’UNDP b’Mawsal Zina Ali Ahmed m’akadla, dkamıl u bnoyo u hethotho da botani dkıtne bi şawtho catıqto d’Mawsal. Bu…

U mbahnono Franşoyo Luwis Dö Bembılyon, mawdacle da Mşihoye du Iraq latne qalilto elo klozım dmiqadamlın xıd bnaymothoye Iraqoye. Bembılyon bu mamlo dsımle bu lumodo d’Arbil, mawdacle du qlimo d’Kurdistan duktho tawtoyo li mşaynutho da Mşihoye, elo laybe dhowe i tahrazto du şroyo du krizathe bu Iraq. Bu yawmo trayono…

İ qutnutho d’Çekiya, gıdzawno sisteme du sutoro me İsroyel bnişo dmaqwıyo a esorayda cami şultonutho d’Tel Aviv. 0İ wazirutho du sutoro d’Çekiya mawdacla, du nişathe bu zwonano da zayne d’İsroyel, dımşahlıfi a zayne kulle dkıtle u gaysathe heş mu zabno da Sovjet’yo. İ qutnutho d’Çekiya, ftıhwola i rişizgaduthayda b’Urışlem bu…

İ claymutho du Huyodo Suroyo d’Urifi ESU, mtayable turgomo cali aykanoyutho du garbay madınho d’Suriya, ucalu maşıqlo du yulfono Suryoyo bu qlimo di Gozarto Bethnahrin d’Suriya. Bu turgomano dhadırle nahire, malfone, u noqufe d’ESU, mahke ebe bırwihutho cali ulsoyutho du şbilo du leşono Suryoyo dıkmitaqre ba madraşyotho dilonoye du camaydan…

Mtayıb bi mditho di Hasake, u lqoyo emwothoyo da maye du garbiyo udu madınho d’Suriya. Bu lqoyano dıkmıdroşo ebe i bsirutho da maye dıkmitıstacımlo xıd zayno du qrobo, kmıştawtafle zıd m’300 mşale u mathlone di mdabronutho yothoyto u da tukose noşoye emwothoye u gawoye dıkfılhi ba fenyotho du garbiyo u…

Suphi Hindiyerli dkıtyo ma abne du camaydan bi mdito d’Mırde, u hoşulo dmahıt bi lohitho d’UNESCO, manhıbo i dukanayde di hoşutho di zifkariye. A powelıs d’Mırde mawdace, ksaymi buhono calu tenhibano leşan d mıski a ganowe. U Hoşulo awkith u zifkar Suryoyo Suphi Hindiyerli ha ma hoşule idice du qlimoyo…

U Huyodo da Neşe d’Bethnahrin u fırco d’Örebro du Swed, mıştawtafle lu yawmo şatonoyo da 50 eşne dımkamlele u hudro di Dawmo, dkıtyo b’Brikebaken bi karxutho d’Örebro. Bu yawmano’ste, HNB ftıhle stand da muklone marduthoye du camaydan. Me 18 uhol 25 bu yarhano d’İlül, kısaymo i şawtho d’Brickebacken di karxutho…

A wazire di baroyutho du Iraq, d’Mısır u d’Yurdnon laqın hıdode bu zabno dıkmdawım u knuşyo du Mawtbo Gawonoyo d’Emwotho Mhaydotho b’New York. Bi ytawtathe a tlotho bnayamne, kalın dilonoyith cali methcadronutho dbeynothaye bu dacith u aydarbo gıdqudri dmarkıwi mlahmonutho qwitho bu haqlo du momuno udi siyase beyn da tlotho…

Bi maqıblonutho dsimo camu malolo du Mawtbo Folhoyo Suryoyo Matay Hanna, mawdacle ba hçome dıksaymi a hayle kaboşe d’Turkiya bu garbay madınho d’Suriya, kıxulqi arcutho hathto li marhıbonutho. Bu mamlano dsımle Hanna li dafo d’Hawar, bı qaşyutho krıhle a hçome wa hawbee dıksaymo Turkiya wa marhıbonayda b’Tel Temır u bğer…

U Mawtbo tahtoyo di kongre d’Amerika, rfıdle athmıl i rmoyto dımqadmole u hadomo di kongre Jamaal Bowman, leşan dmıhthomo i ithutho d’Amerika b’Suriya. Bebzabno u Mawtbo tahtoyo tlıble dmitabde buhone cala hawbe du qrobo b’Azerbaijan u di şultonutho d’Baku, dmarfıyo a yasire kulle dımsiki bu zabno du qrobo d’Qarabax. Bu…

Şutoso du İnsiyatif la Mşihoye du Madınho dkıtyo b’Austoria, bu knuşyayde u şatonoyo mşalatle bahro cala hayle mzayne du camaydan dkıtne b’Suriya MFS u HSNB. Cal ışme du Huyodo Suroyo d’Urifi-ESU Leyla Bahdi, hadiro bu knuşyano u sımla mamlo. U şutoso d’İCO İnsiyatif Christicher Orient sımle u knuşyayde u şatonoyo…

U Mawtbo tahtoyo d’Amerika, maqbele u şuhlofo du qonuno du snodo da qalilotho du Iraq. Bu quwolo dsim bu Mawtbo tahtoyo, i sagiyoyutho da hadome m’ayade di şultonutho d’Woşington klozım dfulho cam Boğdod, leşan a qalilotho di daşto d’Ninve dqudri ducri b’mşaynutho la dukothathe a şerşoye. Bu şuhlofano tlib’ste, dhowe…

İ Sictho di Rişonutho du Mawtbo Umthoyo d’Bethnahrin, frısla egartho d’buyoye calu şunoyo du hadomayda Hanne Mirza. Hanne Mirza dıkhoyewo b’Örebro du Swed, nqil ma hayani bu zabno dkıtwe b’socurutho b’Turabdin. Umnoho d’Hanne Mirza, u babo du hawraydan Yahkub Mirza’yo dkıtyo bi Sictho Mdabronitho du Mawtbo uda ahonunayde dkıtne hınne’ste…

U Huyodo di Claymutho d’ESU  gdımtayıb 26 bu yarhano d’İlül turgomo bi arişkoyto d’Beljika, Bruksel. Bu turgomano dgımtaybo ESU-Youth, friş lu tewdico da kthobe du yulfono du leşono Suryoyo ba madraşyotho du garbyo udu madınho d’Suriya. Leşan u nfoqo du moro lu leşono Suryoyo wu tewlifayde wolitho asasi du camaydan…

U camaydan u Othuroyo dıkhoye bhdo ma qıryawotho d’Armenia, sımle protesto u plan du şuhlofo demoğrafoyo dıkmibıc dmisım bu qlimo dıkhoyın. Bi taglitho dsim qum du parlamento d’Armenia, u camaydan dıkhoye bi qritho d’Dimitrov, grışlın u zuhoro calu qento dkito calu leşono ucali marduthathe-en dothe dmitawrıwo i qrithathe. İ qritho…

Marawge Arsan dkıtyo ha ma comure di qritho d’Arbo d’Turabdin dımgalwele l’Almanya gıdbonele bayto bi qrithayda Arbo. Leşan dmohe u rawşo qadmoyo du bnoyo du bayto maczamme u Qoyumo Suryoyo Tuma Çelik. Marawge Arsan ha ma comure di qritho d’Arbo’yo dımgalwewole l’Almanya bi şato dan 1984. Ocdo huwe wa nacimeyde…

Bu yawmo tibeloyo du şlomo, i mdabronutho yothoyto du garbiyo udu madınho d’Suriya sımla qroyto la gabe u tarafe mşahılfe du athro, dfılhi camıhdode laşan dmitarkıwo i şalyutho wu şlomo b’gawıd d’Suriya. Ubebzabno i mdabronutho sımla qroyto la şutose emwothoye dsaymi u mede dıknofıl aclaye, bnişo dmişarır u şlomo b’Suriya.…

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın ma hadome du mawtbo di cito Suryoyto Orthodoksoyto di mdito d’Qamışli, leşan a yuthrone d’ruhaye u d’ğer hayle kowın terpılto qum du tewlifo du şbilo Suryoyo ba madraşyotho dilonoye du camaydan dkıtne b’Qamışli. U şutoso…

Taşdaryotho frişe me Suriya, matın l’Amerika leşan dhudri bu knuşyo da 76 du Mawtbo Gawonoyo d’Emwotho Mhaydotho dgımisım b’New York. A tloth taşdaryothani’ste, hdo mi Mdabronutho yothoyto, mu rejim d’Darımsuq wi hreto mi saqıbloyutho dıkmısnodo me Turkiya’ne. Athmıl matın 3 taşdaryotho me Suriya l’Amerika leşan dmıştawtıfi lu knuşyo şatonoyo dgımtayıb…

A zawce da neşe du garbiyo u du madınho d’Suriya, mathkarlın a 41 eşne du yawmo tibeloyo du şlomo. Bu buyono mşawtıfo dfrıslın a zawce da neşe, tlıblın me Emwotho Mhaydotho dmitahwela i athto aftho dmıştawtıfo la sebwotho di mşaynutho, du şlomo udu şroyo da krize dbritho.  Adyawma dkıtyo 21…

İ fnitho d’Zaxo dkıtyo bi garbay macırbho di hiğmonutho d’Nuhadra, mbayno ucdo ruşmoyith xıd mdabronutho şritho. Bu şıkılano, hawyo Zaxo i fnitho dan arbac dıkmibayno xıd mdabronutho şritho. Bu zawho dsim b’Zaxo, u rişwazire du qlimo d’Kurdistan Masrour Barzabni’ste, sımle u futoho di mdabronuthathe u m’akadle, bu şıkılano kibe dmitahwe…

İ cito d’Mor Tuma Şliho da Suryoye Qatholiqoye d’Mawsal, dıqla u noquşayda u hatho bıthır mıdşafıc şwac ışne calu nfolo d’Mawsal bidothıd du tukoso marıhbono dı Dacış. Bu zawho du futoho du noquşo hatho di cito, u kohno di marcitho qaşişo Biyos Caffas sımle qroyto lu camaydan dıdocır m’hatho la…

İ taşdarto du Huyodo d’Urifi dıksaymo duyoqo cala guboye gawonoye du Iraq, yatiwo cama mathlone da came qalile du Iraq. Bu knuşyano, a’mathlone da qalilwotho umthoye u tawdithoye du Iraq hulın i hzayto dkıtlın lu maşıqlo folitiqoyo da guboye, u tlıblın dmişahlıf u qonuno da guboye dlıkobe fsoso la qalilwotho…

I Sunados mqadaşto di cito Suryoyto Qatholiqoyto mkamela a’ytawyothayda l’şabtho bu athro d’Lebnon. Ba ytawyothani, a’hsayo di Sunados dıdrışlın i aykanoyutho da marciyothaththe, kalınste bu zyudo dkulle calu kriz d’Lebnon ucalu qento di golutho da Mşihoye mu madınho. Bu siqumo d’12 uhul 18 bu yarhano, i Sunados mqadaşto di cito…

U waziro du sutoro du rejim d’Suriya Cali Ayyub, sımle socurutho lu athro d’Yurdnon, ulaqi u rişono du gayso di mamlaxtho rabhaylawotho Yusıf Alhıneti. Bi ytawtathe, drişo ilothnihutho dkıtla i mamlaxtho d’Yurdnon mi şkihutho folhoyto du İran dkul dkothe krowıh u haylayde bu taymno d’Suriya awkith qariwo ma thume d’Yurdnon.…

Menyono celoyo mu camaydan u Suryoyo bi şatathe sımle socurutho la mdinotho u qıryawothayde dkıtne b’Turabdin. A socorwothani grışın u zuhoro du tboco froso Turkoyo u sim tebe cali sbuthathe. Bu tebo dı fris b’mınyono ma froshezwe uma mğale Turkoye kmitawdıc,  a suryoye dıkhoyanwo b’Mırde, b’Mıdyat uba qıryawothaththe dımgalwewolın l’athrawotho…

İ mşatasto baynothemothoye da mşihoye d’madınho kımdawmi bu snodaytha dlu athro da abohotho. Ba yawmotho dı şafician i mşatasto mşadarla konteynır rabo d ‘malsamat da bethkrihe li Gozarto d’Bethnahrin calu talab dhın ma osawotho dhawilin. İmşatastathe dımşatso bi şato da 2017 bu athro d’Almanya cal şetısto emwothonoyto kımşdro mcadronwotho mşahılfe…

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba fenyotho mşahılfe du garbiyo u du madınho d’Suriya. Lfuth i sictho du hulmono di mdabronutho yothoyto, hedor 24 alfo farsufe tafilın u kewo d’Corona, baynothaye 824 mayithi mu zabno dımbarbazwo u virus d’Corona…

Sim u yubolo da 25 ışne di qadişutho du fatıryarxo di cito Suryoyto Qathuliqoyto Mor İğnatiyos Yusuf tlithoyo Yunan bi dayro d’Yoldathaloho ELnajat b’Şarfe d’Lebnon. Lu yubolano dsim yawme dı cruto mıştawtale u rişono tibeloyo du gabo du huyodo Suryoyıo Tibeloyo Brahim Murad, wi qadişutho du fatırayraxo di cito Suryoyto…

Bi tahrazto di orucutho dıfriso athmıl b’Suroyo tv drişo i aykanoyutho harayto d’Turkiya wu thomo du sxoro du gabo demoqratoyo da came HDP. Bi tahraztathe dı drişi a esore du camo Suryoyo Othuroyo u du camo Kurdoyo u dayfo di tahrazto Abdullah Demirtaş u rişkarxutho catiqo di karxutho d’Sur d’Omid…

İ sictho da wazire du Mawtbo d’Urifi tlıble du rişono catiqo du Gabo Demoqratoyo da Came HDP Selahattin Demirtaş wu hfito Osman Kavala dkıtne yasire b’Turkiya dmıtrın hire. U Mawtbo Urifoyo hule zabno Demirtaş hol 30 bu yarho d’İlul dmıtre hiro. İ sictho da wazire u Mawtbo d’Urifi  dıksoyım u…

U qoyumo şaryo du cameydan bu parlemento d’Turkiya bi maqırhonutho dhule maglele cala dugle dıha ma kathowe du atro d’Turkiya dmırle bu zabno du Sayfo u mınyono da Suryoye othuroye 50 alfo farsufewe. Çelik bi maqırhonutheyde dcalu dafo du twitter komır u barnoşe kibe mdagıl elo ha kathowe dımdagıl haqa…

Armenya mqadamla dacwa lu bethdino dı Denhax mqabıl du athro d’Azerbejan. Yerivan bi dacwathe, ktıhmo i şultonutho d’Bako dsımla gunhe u dyoşe cala n’Armınoye calu asas di ğensoyutho. Armenya mqadamla athmıl dacwa lu bethdino d’Emwotho Mhaydotho dı Denhax mqabıl du athro d’Azerbejan, uktıhmole dsımle dyoşe bhaq da bnaymothoye Armınoye calu…

Athto Othuroyto mu camaydan di mditho dı Tel Tamır, mawdacla du gabo kaboşo dı Turkiya ba hçome dıksamlın cala fenyotho du garbay madınho d’Suriya, kıtle u nişo dmaxle i fnitho ma came şerşoye di duktho. Vilda simon dkobo hul ucdo ağuno mqabıl da şartat casqe di mditho dı Tel Tamır,…