31/07/2020

Amerika mdela qyomo du nafto cam QSD

İ Şırke Amerikayto mdela qyomo du nafto cama haylawotho demoqratoye d’Suriya QSD.

Umdoyano dsim cami Şırke Amerikoyto bu fsoso du qusro heworo u bi idactho d’James Jeffri dkıtyo u mathlono dilonoyo du rişono d’Amerika bi sbutho d’Suriya.

Bi mawdconutho dıfriso mawdıc di şırke Amerikoyto dkıtyo DELTA Crescent Energy LLC mdela qyomo cam QSD laşan du zwono du nafto mu garbyo u madınho d’Suriya.

U mathlono dilonoyo d’Amerika bi sbutho d’Suriya James Jeffri mırle bi idactho d’Amerika sim u medano u mawdaclan l’Turkiyaste isbuthathe.

Lfuth u tebo dıfris b’El Monitor u qyomano kobe mkono la haylawotho d’Suriya Demoqaratoyto dımzabın u nafto dkıtle tahti morutheyde.

Lfuth mabuce du tboco froso u Senator Lindsey Graham mawdacle dhawile mamlo camu rişono gawonoyo d’QSD Mazlum Abdi u mawdacle i sbuthathe lu rişono Trumpste.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…