30/01/2019

Putin hule şudoyo dgımdawım u fulhonayde leşan u sutoro da Mşihoye bu Madınho

U snodano kobıc Putin dobele bi methcadronutho di cito Orthodoksoyto d’Rusya wa citotho du madınho.

U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu sutoro da Mşihoye du Madınho Mescoyo, bi methcadronutho di cito Orthodoksoyto d’Rusya wa citotho gawoye du madınho.

Putin mırle; Ahna sniqoyena ucdo l’fulhono mhaydo, leşan dsaymina u sutoro da yuthrone da Mşihoye. Kull fawdo dmisım gıdmamte cam ruhe husrone rabe lu cılmo Mşihoyo gawonoyith ula Mşihoye du Madınho Mescoyo dilonoyith.

Meqım mathe u rişono d’Rusya mawdacwole da Mşihoye du Madınho Mescoyo kcayşi bı aykanoyutho mahişonitho, u kowın nişo la rdufye ulu qatlo. Putin makadwole ste d’Rusya ksaymo u mede dıknofıl acla, bnişo dmısnodi a Mşihoye du Madınho Mescoyo.

Check Also

Almanya rfıdla u talab d’Turkiya dmitaslamla u kathowo Abdullah Aymaz

Almanya rfıdla u talab d’Turkiya, dmitaslamla u kathowo saqıbloyo di şultonutho du rişqutn…