Amerika mşadarla konvoy folhoyo li Hasake

Amerika mşadarla konvoy folhoyo hatho lu qlimo di Gozarto d’Bethnahrin d’Suriya.

U konvoyano dımşadır mu Iraq, kmişakalwo m’radoyotho u kamyone matcıne mcadrınwotho lojestik u mluwe hrene.

U gayso Amerikoyo macbarle konvoy folhoyo hatho la narcotho du qlimo di Gozarto d’Bethnahrin d’Suriya bu darbo dıhdo nuqazto du thumo dcamu Iraq.

Lfuth mabuce gawoye mi qastra dı Tel Hamis, u gayso d’Amerika lumıhreno blalyo macbarle u konvoyano dıkmişakıl m’kamyon rabo, tankere u menyono d’radoyotho Hamer dkıtwın matcıne mluwe u mcadrınwotho du lojestik.

U konvoy folhoyo d’Amerika dımşadır mu Iraq, şafıc l’Suriya bu darbo di nuqazto du thumo d’Alwalid, u maftele fothe lafi qastra dı Tel Hamis dıknıflo qariwo mu taymno di mditho di Qamışli. Ubıthır mathe, u konvoy mkamele u halxayde hul dmati la nuqazyotho folhoye Amerikoye dkıtne bi qritho dı Tel Baydar bu garbiyo di mditho di Hasake.

Bi şabtho dşaficinaste, u gayso d’Amerika mşadarwole konvoy folhoyo rabo li nuqaztayde dkıtyo bi fnitho du masxoro macırboyo u bu qentrun d’Live Ston dkıtne hedor di mditho di Hasake.

U koalisyon emwothoyo mqabıl Dacış dkımrayşınole Amerika, bi maqırhonutho harayto dhuwole lu tboco froso, makadwole dgımdawım u snodayde la haylawotho d’Suriya demoqratoyto d’QASAD xıd bnayqyomo u şorike rişoye bu qrobo mqabıl di marıhbonutho.