Amtagılyone b’Lebnon kıbci u rişqutnu du athroste dmıstahfe mi wolitheyde

U mınyono da mithe kzoyıd bıthır ma furqoce dhawınwo, wa mtagılyone kımtalbi i istihfa du rişqutno du athro Mişel Cawın wa mşale di mşaynutho.

A mtagılyone athmıl b’qatinto d’şetqo dıkalın mathkarlın a farsufe dımwayaclın ahayathe dımati u mınyonathe hul ucdo l’171 farsufe u ba olufat mjarhe u hın tmire tahte da shıfyotho da bote.

Ba furqocani dhawın dılatyo idico man kit bıthraye u camoyo dıhzele husrono mawxa u camo lebnonoyoste kmahwe u hfuxyeyde ba tagılyotho dıksoyım u ba talabe dkımqadım da mşale dkıtne bi rişutho du athro kule dmıstahfın, metul dıkmıhomi bu fasad u bu gnowo da zuze du athro.

Bıtır ma furqocani dhawın celtho du shofo dı ğalabe bınyone u bote mati u mınyono da farsufe dımvayaclın a hayathe l’171 farsufe u ba alfowat kito mjarhe u mınyono dkıtne mwayce.

Mqabıl du medano kule a lebnonoye ba şuqone kımhawri u ktılbi  da mşale kule me Mişel Cawın u lı kule dobın i istihfathe, idicoyo athmıl i şıltonutho u rişwazire Hasan Diab wa wazire hrene kule mıstahfelın, elo amtagılyone ucdo kımtalbi da mşale hreneste dmıstahfın.