B’Emwotho Mhaydotho sim knuşye cal Libya

Umawtbo di mşaynutho d’Emwotho Mhaydotho mıdle fusqono calu mnoco du tecbiro u du zebono du zayno lu athro d’Libya.

 Bi itawyathe dı drışlın i aykanoyutho du athro d’Libya mıdlın fusqono da haylawotho dkıne b’zuze u mşadre ma hayle baroye klozım nıfqi mu athro.

 Bu knuşyo du mawtbo di mşaynutho d’Emwotho mhaydotho drışlın i aykanoyutho harayto du qrobo dkımdawım bu athro d’Libya u bebzabno mafıtlın u fusqono du ambargo da zayne dmıdwo bi şato da 2011 dımnıcwo dmitacbır u dmizabın zayne lu athro d’Libya, elo u qonunano lı manhıt la haye xıdu mede dıklozım, mawxa mıdlın fusqono bhaq du qonunano dmicaqıb me qariwo u dlımıtwır u qonunano ma athrawotho baroye.

Bebzabno mıdlın fusqono da haylawotho dkıtne b’zuze awste dımacıbri lu athro me hayle baroye xıd Turkiya u ğer klozım nıfqi me Libya. Ma 15 athrawotho hadome 13 hulın u qolathe camu fusqonano elo Rusya wu Sin dkıtlın zedqo du veto fayişi larwal u lı mıstacmelın u qolathe.

Bıthır mu fusqonano emwotho mhaydotho sımla qrayto la athrawotho dımşadarlın gurube awste dıksındi haylawotho ba zuze bgawe d’Libya dmawfıqi a gurube dkıtlın u be bzabno dmaklın u snodo dıksaymo la haylawotho folhoye u gurube zaynoye.

Ba droşani emwotho mhaydotho matyo lımarhale di sbutho d’Libya lo bu qrobo klozım mişroyo elo bu diyalog, u bebzabno a manfacat du nafto klosım mıfloği bşawyutho lu camo d’Libya kula.