Bi marcitho d’Colorado d’Amerika gmitolıf ba madraşyotho calu qtolğenso da Armınoye

U Mawtbo da mathlone di marcitho d’Colorado d’Amerika, maqbele rmoyto, leşan dmitahwe yulfono calu qtolğenso dan Armınoye ba madraşyotho camoye.

 I mıcne du fusqonanoste, leşan a yolufe dıqathlın i sohduthathe, klozım dfayti ma buhrone dcalu qtolğenso dsim calan Armınoye ban 1915.

Lfuth u tebo dfrısle u Komisyon Athronoyo dan Armınoye b’Colorado d’Amerika, a hadome du Mawtbo da mathlone di marcitho kulle bıha qolo, mayadlın i rmoyto dımqadmo bi sbutho du qtolğenso dsımla i mamlaxtho da Cuthmanoye calan Armınoye ban 1915.

Bi maqırhonutho di rmoytathe dımqadmo lu quwolo me 4 mathlone u senator di marcitho, tlib dmitacbır u Holucaust wu yulfono dcala qtolğense bi tahrazto du yulfono da madraşyotho camoye d’Colorado. U yulfono dcalu Holocaust da Yudoye u dcala qtolğense mahıt xıd şart qum da yolufe, leşan dı qudri dmaydi i sohduthathe.

U Komisyon Athronoyo dan Armınoye, mqadamle a tahınyothayde lan 4 mathlone d’Colorado; beynothaye Dafna Michaelson Jenet, Steve Fenberg dı qadiri dmafiti i rmoytathe bu Mawtbo da mathlone di marcitho.

A mathlone mawdaclın, dholucdo latwolın haj dsim qtolğenso calu camo Armınoyo calathe klozım u hawbano dsim ban 1915 dfayto bu yulfono da yolufe. Leşan i rmoytathe dfayto la haye xıd fusqonoste, gıdmitaslıqo ucdo lu Senato d’Colorado ume tamo, klozım dı şufco lu rişono di marcitho leşan dmımdoyo.