03/09/2020

Bi mimartho dı friso kmitathkır u mamlo dsımle Gabriel Shamoun

‘A Mşihoye wa Ezidoye kgurşi u zuhoro u kmawdıci, d’Turkiya kmıstacmılo a maye xıd zayno, bu garbay madınho d’Suriya’ a melani di mimartho dıfriso bı dafe frişe d’Amerikayo.

 Bi mimarthathe, mathkır u mamlo dsımle Gabriel Shamoun dkıtyo u mşalo du gabo du Huyodo Suryoyo u ferco di Hasake, dmahkele aydarbo Turkiya kqutco amaye leşan dlo motın lu camo di Hasake.

I mimarthathe dıfriso bı dafe frişe da sfaryawme da Mşihoye b’Amerika; beynothaye Catholic Herald, Catholic News Service uğer, mawdıc da dukotho du garbyo d’Suriya dıkhoyın ebeye a Mşihoye, Ezidoye u Kurdoye dıkımnasın dmacişi i hirutho tawdithoyto, midi ba eşne haroyani nişo la hjkome da hayle Turkoye u da marhıbone noqufathe.

U Mawtbo d’Suriya Demoqratoyto dıkhoyır calu qlimo du garbay madınho d’Suriya, bı qaşyutho krıhle Turkiya wu qtocayda da maye hani şabe cala came dıkhoyın bu qlimano dilonoyith li Hasake. I sbuthatheste grışlın a tukose noşoye u zuhoro acla u thımlın Turkiya bu isticmal da maye, mqabıl da came di duktho u qento dıkturyo cala haye dban alfayo dıbnaynoşo bu zabnano di Corona.

U mcadrono du rişono du Mawtbo d’MSD Gabriel Shamun dkıtyo bebzabno u mşalo d’GHS bi Hasake mırle li dafo Mşihoyto; Turkiya qtıcla a maye dmotın li Hasake u hedora ba dukothani khoye ba milyone dıbnaynoşo. U camlano d’Turkiya hawbo mqabıl di noşutho’yo. Bebzabno mahke cala bire da maye dıhfiri b’zabno d’12 yawme, leşan dmikamli a sniqwotho da came.

A dafe Mşihoye mawdaclın du taktikano dıkmıstacmılo Turkiya bu garbyo d’Suriya, cayni taktikyo dmıstacmewolın a marhıbone d’Dacış cala Mşihoye di daşto d’Ninve bu garbyo du Iraq xıd mathlo Bağdede ba 2014. Bu tebano, griş u zuhoro d’Emwotho Mhaydotho u du kenşo Emwothoyo dsaymi hboso cal Turkiya dılo mıstacmılo amaye xıd provokasyon mqabıl di Mdabronutho Yothoyto.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…