Erdoğan, Bahçeli, Cabde: i hzayto di mşale qlimoye cali maqirhonutho di PKK dışrele ruhe

Ankara / ğarbay-madinho d’Suriya – Erdoğan bu mamlo dsımle athmıl b’Anqara, mawdacle dı Turkiya kmıtyaqno du şudoco dsımle u gabo di PKK dışrele ruhe, fusqono ulsoyoyo laşan du teqwiyo di mşaynutho du athro udu şlomo di fnitho, ulaşan di ahonutho aminoyto da n’abne di qutnutho dı Turkiya. 

Erdoğan mırle ste “camu nfoqo di marıhbonutho udu cnufyo mu hşowo, gıdmıftohi a’tarce d’maşıqlo hatho bkulle a’haqle ubi qadmoyuthaththe u teqwiyo da mkone demoqratoye du fulhono folitiqoyo”. 

M’gabo hreno, u rişono du zawco mothonoyo dı Turkiya di MHP Dawlat Bahçali mawdacle dı Turkiya kşıfco adyawma bı maşıqlo makthabzabnoyo, u mqadamle a’tawdiyothayde lu rişono di PKK Cabdalla Öçalan. Bahçali bi maqırhonutho dıfrısle bi dafo d’X mırle ste “adyawma u şlomo wi ahonutho nafiqi b’zoxutho. Adyawma i siyase wi demoqratoyutho nafiqi qamore”. 

Camgabıdathe, u konferans tibeloye d’Kurdistan bi maqırhonutho dıfrısle sımle qroyto la gabe u şutose u tarafe mşahılfe dsındi u maşıqlo du şlomo b’Turkiya. 

Mxasra hreto, u rişono gawonoyo d’QASAD Madhlum Cabde makadle du gabo di PKK kıtwole dawro makthabzabnoyo bu madınho mescoyo bu maşıqlo dşaficina, u mırle “kıtlan tuxlono di dawsathe gıdfıtho u darbo b’qamuthıd d’maşıqlo hatho di siyase udu şlomo bi fnitho”. Cabde bi maqırhonutho dıfrısle bi dafayde d’X, mahwele ste sabro da tarafe kulle dmaydi isniyativ, udımhalqi dawsat ulsoye udımqadmi u snodo dıkmıtlıb. 

Camgabıdathe, u Ciraq ste m’ayadle u fusqono dmıdle u gabo di PKK dışrele ruhe, u mawdacle dkıtyo dawse ulsoyto laşan dmıtfoki a’fulhone du şlomo laf qudmo, udmitaklın a’taxtuşe dım’atharlın casrowat d’ışne cala came di fnitho. I wazirutho di baroyutho du Ciraq bu buyono dıfrısla mawdacla du fusqono di PKK dawse ulsoytoyo u msimonithoyo laşan du teqwiyo di mşaynutho udi şalyutho bu Ciraq ubi fnitho. 

Camgabıdathe, u rişono du qlimo d’Kurdistan du Ciraq Neçirvan Barzani m’ayadle u fusqono di PKK, u mawdacle dkıtyo dawse di ctidutho dkiba dmarkıwo asase l’şlomo aminoyo.