Ftih dawra du yulfono du leşono Suryoyo bı Mıdyad
Ftih dawra du yulfono du leşono Suryoyo bu Qentrun du Yulfonoyo da Came dkıtyo b’Mıdyad. Bıthır mıd u malfono Adem Çoşkun mqadamle ba 2024 talab dmıftıh dawra du leşono Suryoyo, ucdo mşadır funoyo dkibe dmitaqre u leşono Suryoyo ruşmoyith bu qentrunano. Hathe inaqla qamaytoyo’ste, dıkmitabde dawra du yulfono bu leşono Suryoyo bu qentrunano.
MIDYAD, TURCABDIN, Turkiya — Lfuth u tebo dmatilan me Turabdin, ftih ucdo dawra ruşmoyto du tewlifo du leşono Suryoyo b’Midyad People’s Education Center-awkith u Qentrun Yulfonoyo da Came b’Mıdyad. Malfono Adem Coşkun mqadamwole ba 2024 taşroro d’28 fothotho li wazirutho du yulfono, bnişo dmitacbır u leşono Suryoyo’ste bi tahrazto.
Meqım kmo yarhe’ste, dacır funoyo msimono u awıl naqla bu makthabzabno d’Turkiya kmitahwe afto dmitabde u dmitawlıf ruşmoyith u leşono Suryoyo. Bu tarano’ste ftıhle malfono Adem Coçkun i dawrathe du tewlifo du leşono Suryoyo bu Qentrun Yulfonoyo da Came b’Mıdyad.
Çoşkun kıtle ucdo 29 yolufe-Suryoye, Kurdoye, Caraboye, Turkoye u Mhalmone dkubci yulfi u leşono Suryoyo. Bıthır mıd kamilo i dawrathe’ste, gıdmiqadım sohdutho ruşmoyto la yolufe. Bu dumyano, ftih ucdo gado lkull noşo dkıtle sohdutho ruşmoyto dımabde dawra du leşono Suryoyo ba dukotho dıkhoye u camaydan-xıd mathlo Stanbul uğer. Çoşkun, ma 2020 kobe yulfono du leşono Suryoyo bu enstitut d’Turabdin ubi bethsawbo d’Mırde.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
