Göppingen: sim taglitho mıştawtafto calu hjomo dhawi cali cito d’Mor Eliya, Darimsuq
A gabe u şutose du camaydan bi Mditho d’Göppingen bu athro d’Almanya bi taklitho dsımlın mşalatlın bahro calu hjomo dhawi cali cito d’Mor Eliyas b’Darımsuq. A gabe şutose du camaydan bha leşone tlıbbe dmınfıq moro li hiyoyutho, la zedqe uli ithutho du camaydan.
GÖPPİNGEN. Almanya — Bi mditho d’Göppingen bu athro d’Almanya a şutose du camaydan u Huyodo Suryo d’Urifi ESU, i cito d’Mor Yahkub, i cito d’Mor Afrem, u Huyodo da Neşe d’Bethnahrin HNB, Kano Suryoyo, SSV Göppingen, u Hudro d’Mor Yahkub, athmıl sımlın taglitho mıştawtafto, leşan dmahwın u hfuxyaththe calu hjomo dhawiwo cali cito d’Mor Eliya b’Darımsuq b’Suriya.
U futoho di hfitutho dsimo bu qentrun di mditho d’Göppingen me Malfono Mathias Becer, bıthır mıd kle qatinto dşıdqo cala ruhotho da sohde, bışmıd du Huyodo Suroyo d’Urifi ESU Mesut be Malke sımle mamlo.
Bi taklithathe mqadım qolo citonoyo leşan da sohde di cito d’Mor Eliya me Malfono Behnan Teber. Bcayni zabnoste bışmıd du Huyodo da Neşe d’Bethnahrin Berjin Üstün, bışmıd d’Kano Malfono Aram Bar Şabo, mu şutoso da Calawiye Mehmet Dikmen mqadamlın mamle.
Li hfituathathe dhadır hol 200 farsufe cam şutose u tukose mşahılfe, Mfarıq ba mowat kthobune dıkmahkın calu hjomo dsim cali cito d’Mor Eliyas b’Darımsuq, u dıkmişalıt bahro cala hjome dhawın cala Mşihoye bu Madınho Mıscoyo dilonoyo calu camaydan u Kaldoyo-Suryoyo-Othuroyo-Oromoyo lu camo dkıtwe tamo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
