İ Qoyumtho d’HDP mşayela i şultonutho d’Ankara kımşayco marhıbone l’Azerbaijan aw lo?

Qoyumto saqıbloyto mu gabo Demoqratoyo da Came-HDP, mşayela mu waziro du sutoro d’Turkiya cali şrorutho da taşrore dıkmawdıci d’Ankara kımşadro marhıbone Suriye l’Azerbaijan, leşan dmıştawtıfi lu qrobo bu qlimo d’Qarabax.

 Megabo hreno, u bethdino Turkoyo di karxutho d’Kars fsıqle dmitahwe hbuşyo l’tışco farsufe hrene d’HDP, bu taro di kampanya du qtolğenso folitiqoyo dıkmaşyo i şultonutho d’Erdoğan.

İ qoyumto du gabo Demoqratoyo da Came-HDP mi mditho d’İstanbul Dilşat Qaya, bu mamlo dsımla bu parlamento d’Turkiya mawdacla da grube mzayne dıkmitawdıci bu ışmo du “Gayso Hiro d’Suriya” hawın u haylo mzayno du rişono du rejim du rişqutno Recep Tayip Erdoğan, u makadla da grubani sımlın meqım gunhe cali noşutho b’Suriya.

Lfuth a şutose du tboco froso d’Turkiya, i qoyumto Kaya mahkela cala taşrore dıkgurşi u zuhoro cal Erdoğan dkımşadır marhıbone l’Qarabax bıthır mıd mıştawtafwolın cama grube marhıbone d’Dacış ba hjome dıkmisomi b’Suriya. Qoyumto Qaya mırlaste; Kito menyono dı taşrore dıkmawdıci dımşadır marhıbone Suriye lu qlimo d’Nagorno Qarabax bi rocyutho du gayso  Turkoyo wu menyono ma marhıbonaniste qtili tamo.

Bebzabno, i qoyumto d’HDP ba şuwole dımşayela lu waziro du sutoro Hulusi Akar mırla; İ wazirutho du sutoro sımla buqore bi sbutho da mawdcınwothani? Mıqayo u menyono da mzayne du Gayso Hiro d’Suriya bu qlimo d’Qarabax؟ bayna celtho qonunoyto kmişadri a marhıbonani lu qrobo beyn Armenya u Azerbaijan? Mıqa zuze kmitahwelın kul yarho ? U cajaba mşadır marhıbone l’fenyotho hrene du qrobo?.

Me gabo hreno, u bethdino Turkoyo di karxutho d’Kars fsıqle dmitahwe hbuşyo l’9 farsufe hrene d’HDP bu taro di kampanya du qtolğenso folitiqoyo dıkmaşyola i şultonutho d’Erdoğan. Mu şuroyo du yarhano u hulucdo, msik 21 farsufe hfite mu gabo d’HDP, u athmıl mbayn da 10 dımqadmi lu bethdino b’Kars u hkimi 9 lu hbuşyo. Kmıntırste dmiqadım adyawma lu bethdino d’Kars 5 farsufe hrene msikoye, beynothaye i rişonitho zawgoyto di karxutho Şavin Alaja.