İ şişaltho da resturange d’Grekiska Grill u Bar mnaqyo u matcımo towo du Swed

U şuğlo dan ahunone Yalçın cam Dawud QasYusuf, mnaqe u şuğlo towo bu haqlo du franchais awkith matcımo dkıtle ferce b’dukotho sagiye.

İ şişaltho da resturange d’Grekiska Grill u Bar, athmıl mnaqyo u matcımo towo du Swed mu Huyodo gawonoyo da şedyat du Swed.

U matıcmo u resturang dftıhwo ma ahune Yalçın bi şuqo d’Södertelje ban 1995 athmıl mıdle u ışmo towo du franchais du Swed kule, beyn da 750 şırak dkıtwo. U resturangano dftıhwolın an ahunone Nazir, Zeki dkıtle doktora wu Musa Yalçın bi şuqo d’Södertelje, mahıtwo ışme Grekiska Resturang u bıthır ba 2002 sımlın Francais awkith şırke dfuthi resturange b’dukotho mşahılfe bu ışmo Grekiska Grill u Bar.

Bıthır camu zabno Dawud QasYusuf dkıtwe cawodo bi şirke, hawi şoriko cama 3 ahunone Yalcin. Bıthır mıd mazıdlın a ressturange, hulın yuqro cal aydarbo kibın dhowın mcawnone la resturange dkıtne bi şırkathe-dmati u mınyonathe l’28 matıcme. Wu bıthır me rişe di şato gıdfuthi 2 hrene hathe bi mdito d’Göteborg, u huwlın yuqro dımcadli u momuno di şırke d’Grekiska Grill Bar.

Meqım kıtwo 3 hadome kamile bu huyodo gawonoyo da şırkat du franchais du Swed dkıtle şartat yaqure bu Swed u b’Urifi. U athmıl bi gala dsimo b’Stockholm mnaqyo i şirke d’Grekiska Grill Bar i şirke tawto du franchais du Swed di şatathe.

Mawxa a tre ahunone Musa wu Zeki saliqi u mıdlın i sohdutho di şırke tawto du Swed beyn d’750 şırak du franchais dkito bu Swed. Bu mamlo dhawilan acmaye mawdclın, dkıtne fsihoye d’matın lhawxa darğo bıthır me tacbo d 26 eşne.