Josef Yuhanna mnaqe hadomo li mdabronutho du mawtbo di galwoyutho d’Australya

Farsufo mu camaydan dımgalwewole mu Iraq lu athro d’Australya, mnaqe ucdo hadomo bi mdabronutho du mawtbo di galwoyutho d’Australya.

Josef Yuhanna dkıtyo farsufo mu camaydan u Kaldoyo-Suryoyo-Othuroyo dımgalwele l’Australya, bi maqırhonutho difrısle lu tboco froso mawdacle, dımnaqe ruşmoyith hadomo bi mdabronutho du Mawtbo di galwoyutho d’Australya.

Yuhanna bi maqırhonuthayde mahwele ifsihuthayde cal dkıtyo u farsufo qamoyo du camaydan, dıkminaqe li wolithathe dkıtyo ulsoyto u hassas.U Mawtbo di galwoyutho d’Australya, kıtle i wolitho dımbayın i tahrazto di siyase di golutho wi mdabronutho di daira gawonoyto di galwoyutho b’Australya.

Josef Yuhanna mırleste; Ahna xıd Mawtbo athronoyo kımaşena a fulhone di siyase da galwoye, wa fulhone du şutosaydan kmitaşın bu haqlo athronoyo u Emwothoyo.