Lukashenko hadiroyo dmıstacfe inaqa dmisım nomuso esonoyo hatho

U rişqutno d’Belarus Aleksander Lukashenko mawdacle, dkıtyo hadiro dmıstacfe mi wolithayde, en u athro dsoyım şuhlofo bu nomuso esonoyo du athro.

 Bu mamlo dsımle Lukashenko lu camo huwle şudoyo u mırle; Ono lıgxodamnolxu xıd rişqutno tahte du nomuso esonoyo hatho.

U rişqutno d’Belarus awkith d’Rusya i Hewarto Aleksander Lukashenko kımawdıc dkıtyo hadiro dmıstacfe mi wolithayde, elo belhude inaqla dmisım şuhlofo bu nomuso esonoyo du athro. Lukashenko dıkmidıc u diktatör haroyo d’Urifi, mu yarho d’Ob dı şafıcina u hol ucdo kmisım tagliyotho mqabıl dide u kmıtlıb dmıstacfe.

Elo adyawma Lukashenko dhani 26 eşne kımdabır u athro mırle lu ajans da tebe du athro; Ono lıgxodamnolxu xıd rişqutno tahte du nomuso esonoyo hatho. U sistem ducdo, en dmitaslım lıha hatho kibe dxolıq qetro.  Elo Lukashenko lo huwleste zabno mbayno dtore mi wolithayde.

En dothe dmisım şuhlofo bu nomuso esonoyo d’Belarus, gıdmitanqıs u dawro du rişqutno dgıminaqe bu dactith. Bebzabno Rusya dıksındo Lukashenko dkıtyo 66 eşne, tlıbla mene dsoyım reforme hathe u bu şıkılanoste, fayış Mosko kısaymo hboso acle leşan dmisım reforme bu nomuso esonoyo du athro.