Manhıbo dukano di hoşubutho di zifkariye du camaydan b’Mırde

Suphi Hindiyerli dkıtyo ma abne du camaydan bi mdito d’Mırde, u hoşulo dmahıt bi lohitho d’UNESCO, manhıbo i dukanayde di hoşutho di zifkariye.

A powelıs d’Mırde mawdace, ksaymi buhono calu tenhibano leşan d mıski a ganowe.

U Hoşulo awkith u zifkar Suryoyo Suphi Hindiyerli ha ma hoşule idice du qlimoyo dqayıthle u şukono du barnoşo dkıtyo yurtuho d’UNESCO. Hindiyerli mawdacle lu tboco froso u farsuso aw a farsufe cabiri li dukanayde du semo dkıtyo bi şuqo d’Mırde u manhıbolın.  A manhıbone gnulın a 7 kilowiye du semo d’sımle bide hani 20 ışne.

Suphi Hindiyerli dmawdacle a pwelıs gıdımqafın a ganowe mırle “a ganowe mıdde u semaydi kule dkıwe bu rafo lo trelın tımmede. U tacbaydi azze, ruhi azza wu hulmonaydi azze. Hani 65 ışne ksamno i sıncathe. Sımli zifkariye du semo udu dahwo u mzabnili l’Anatolya. U şbobaydi hzele du şaboko di dukano twiroyo huleli xabro. Hulan xabro lu polis heş kıllın kımşayli. Kıtli sabro dımqafın a manhıbone. Ino matino lu cımro da 77 ışne latte zıdqo dqıhrili. Latyo u semo olsoyo, elo u tacbaydi d’20 ışne gnuwwe.”

Suphi Hindiyerli dıkhoye bi mdito d’Mırde hani 65 ışne ksoyım i sınca du camaydan i hoşulutho. Bi şato da 2020 mnaqewo u barnoşyo hayo dkıtyo yorutho d’Unesco u mqadamwo ele şukono.