Mari Loppen kımawdıco d’Erdoğan kobıc soyım Urifi maşılmononutho

İ rişonitho du gabo du gbino umthoyo Mari Loppen bi maqırhonutho dhuwla bi sbutho da galwoye d’Suriya mırla; Erdoğan kobıc dsoyım Urifi maşılmonitho mawxa klozım Urifi dı sonıd u Yawnan.

 I folitiqorto Franşoyto Mari Loppen bi mawdconutho dhuwla li sfaryawmo Quest Frans mırla; urifi kula klozım d’sundo u Yawnan, leşan dmakle u renyo dkıtle Erdoğan.

 Mari Loppen dkıtyo i rişonitho du gabo du gbino umthoyo bu athro d’Fransa hula ihzayto dkıtla bi sbutho da galwoye dkıtne bayn da thume d’Turkiya u du Yawnan.

Bi mawdconutho dhula lu tboco froso mırla urifi klozım sındi u Yawnan laşan dnıfqo rişo cama galwoye dkothın me Turkiya.

Bıthır mi maqırhonuthathe dhiwola lu tboco froso ba yawmotho dı şaficina hula ihzayto dkıtla calu rişqutno du athro d’Turkiya Recep Tayip Erdoğan. Bi sbuthathe Loppen mırla Erdoğan kıttle tahrazto bi sbutho da galwoyani, bi tahraztathe dkıtle kobıc dsoyım urifi maşılmonutho, awkith bayn da galwoyani dkımşadır dkıtne maşılmone kito hın mane dkıtne mşale di maşılmonutho u hın maniste koruzene.

Bu şıkılano bu şedoro da galwoye l’Urifi kobıc dımazıd u mınyono da maşılmone b’Urifi. Mawxa Urifi klozım mahto u hayleyda kule u dısındo u Yawnan laşan dı mitaklın agalwoye dı Turkiya d’kımşadrolın l’Urifi.