25/03/2020

Mharbono Nur mırle; ucdo ucamaydan hawile haylo dilonoyo demdafıc u cafrayde wu sebyonayde

Amharbone du mawtbo folhoyo Suryoyo d’MFS, ba gbine mşahılfe du qrobo kımdawmi dobın ağuno mqabıl du gayso kaboşo dı Turkiya wa grube marıhbone dıksındile.

Hawar Mur dkıtyo mharbono b’MFS, bi maqıblonutho dsimo acme mawdacle du camaydan u Suryoyo ida dhowewole haylo zaynoyo lıgıdmıqtalwo ba mowat olufe mene bu qtolğenso du Sayfo.

Hawar Nur dkıtyo mharbono mu mawtbo folhoyo Suryoyo d’MFS kobe ucdo ağuno mqabıl du gayso kaboşo dı Turkiya wa grube marıhbone dıksındile ba gbine mşahılfe du qrobo d’Cayn Cisa. Nur dımgalwewole i eqarthayde bıthır mu Sayfo mi mditho d’Mırde b’Turkiya lu qlimo di Gozarto d’Bethnahrin d’Suriya, şamıcwo mi qaştayde a’teşcıyotho marire du Sayfo, ubi şato da 2013 tcınle u zayno u mıdle fusqono dımdafıc u camaydan laşan dlowe acle Sayfe hrene.

U mharbono Nur bi maqıblonutho dsımle acme u ajans da tebe d’Hawar, mahkele bu şuroyo calu cnufyo ucala rdufye dhawın bhaq da came bu zabno di şultonutho du Bacıth d’Suriya u mırle “bu zabno dıkhokamwo u Bacıth lıkmitahwewolan dhırgina ba madraşyotho bu leşonaydan u Suryoyo, ucamıhbol lıkmitıctarafwo ebayna xıd camo, elo kmitawmarwolan Caraboye. Wucdo cami mşatsonutho di mdabronutho yothoyto hawilın agenerasyone hathe aftho d’yulfi bu leşonaththe u emhoyo, udmaydi mawdconutho calu makthabzabnaththe ucali marduthaththe, mawxa u sutoro da yuthronani ha ma woliyotho asasi dkıtlan ucdone”.

U mharbono Nur mawdacle dmıştawtafle lu mawtbo folhoyo Suryoyo laşan dsoyım u sutoro da came da fenyotho du garbiyo udu madınho d’Suriya, u mathkarleste dkıtle şubhoro rabo dhowele u camaydan u Suryoyo haylo folhoyo dilonoyo druhe, u hawxa mdawamle “yaruno cala teşcıyotho du Sayfo dıkmahkiyowoli qaşti udfayıt aclaye ucdo 105 ışne. Bu Sayfo ba malyune dıbnaynoşe qtili, baynothaye casrowat olufe d’nacime. Uba casrowat olufe hrene jbiri dımgalwın ma fenyothaththe, udımşahılfi i tawdithaththe li maşılmonutho. Ucdo u camaydan cal dhawile haylo dilonoyo druhe, fayış kibe dımdafıc u cafrayde wu sebyonayde. Meqım latwolan u haylano u mawxaste faytinawo mu qtolğenso du Sayfo, d’Simele u d’ğer u qtılwo ba mowat olufe mu camaydan. İda dhowewolan u haylano bu zabnawo gdımdafcinawo u camaydan ulıgıdtorinawo d’othewo Sayfe acle”.

Camgabıdathe, u mharbono Suryoyo Nur grışle u zuhoro calu tukoso marıhbono dı Dacış dıqtile ba olufe dıbnaynoşo udhawi celtho d’olufe hrene dımgalwın ma dukothaththe, uba melani mdawamle “bi hdoyutho da came ubi awyuthaydan dcamıhdode qadrina dqışcina Dacış m’Suriya, elo ucdo Turkiya khıjmo cala fenyothaydan bu garbiyo ubu madınho d’Suriya, mawxa mıştawtafli la qrobe d’Rişcayno, dı Tel Tamır ud’Sılok, wucdo kımdafacno i fnitho d’Cayn Cisa”.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…