Mnohto Xazme Qaseliya d’Beth Qaşişo Danho mhasyo

Maqıdşoyto Xazme Qaseliya d’beth qaşişo Danho  dkıtwa i emo d’qaşişo Yahkub u mkahnono di cito d’Yoldathaloho Maryam d’Örebro nqilo ma hayani a zabnoye bsavbutho tawto bi mditho d’Örebro du athro du Swed.

 I mohto d’maqıdşoyto Xazme mawldowa ban 1939 me abohe İsa u Hana mi iqartho be qaşişo Danho bi qritho d’Zaz. Hiya nacımto mgalwela cami iqartheyda li Gozarto d’Bethnahrin l’Suriya u tamo mhayadla a hayeyda camu mnohnafşo d’madıqşoyo şamoşo Eliya u babo d’Qaşişo Yahkub Qaseliya u mkahnono di cito d’Yoldath Aloho di  mditho d’Örebro.

Mu zuwağano hawilın 5 abne u 5 bnotho 41 nubğe u 39 abne da nubğe.

Imnohto camu barzawgeyda mgalwewolın lu Swed ban 1976 u bi şato da 1992 sımwolın socurutho la arcotho mqadşe u hawınwo maqıdşoye. Meqım b’10 eşne nqiwolın li mditho d’Örebro. Imnohto meqım şabtho mqadamwola tyobutho u sımwola qandelo.