Mqafe mdito du camo Maya di 3,000 eşne b’Guatemala
Bu garbyo du athro d’Guatemala dkıtyo b’Amerika i Latinoyto, mqafelın an arkeolog a shifotho d’mdito catıqto dıkmitıftakır dkıtyo du camo d’Maya. İ mditathe qarıwto’yo la thume d’Meksiko, u kıducro l’meqım tloth alfo eşne.
GUATEMALA – A haye da came di mdinoyutho qamayto dıkducri l’meqım alfayo d’eşne, heş hol adyawma kımdamri a yadıcthone dcalu makthabzabno. Ba hfaryotho dıkmaşın an arkeolog b’dukotho frişe britho, kmiqafe kull zabno athare u tahwiyotho dcalu şıkıl du barnoşo qamoyo. U makthabzabno d’Amerika i Lationoyto’ste, heş ğnizo’yo.
Cala thume beyn Guatemala u Meksiko dkıtne 2 athrawotho şbobe di qıtca d’Amerika i Latinoyto, mqafelın an arkeolog a harbotho dfayişi me mdito dkıtyo qariwo l’3 alfo eşne. İ mditathe dıbınyole u camo d’Maya, kıfayşo bu cobo u kıtwo eba pyramid d’30 metrowiye celoyo, bınyone u kanal mşawşıto da maye.
An arkeolog, kısaymi taxmin di mditathe dkıtyo beyn 800-500 meqım me Mşiho-duktho dilonoyto da zawhe’wa. İ mditathe mahıt eşma Los Abuelos, cal dımqafe eba haykle dıkmitıftakır dkıtne-qaşto u jıddo, dmısğadwo eleye. Bu şuroyo di şatathe’ste mqafewo shifotho catiqe d’alfo eşne, dha ma came şerşoyo d’Guatemala dkıtwe heş meqım mi mıştacmorutho d’Spania.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
