Mtayıb cadcido şatonoyo da cenbe b’Ankawa

ANKAWA — Bi qastra d’Caynkawa sim u futoho du cadcido şatonoyo da cenbe b’şawtofutho rwihto ma n’akore u barmothoye du camaydan. Bu cadcidano dkımdawım tlotho yawme kmıfrıs şıklat mşahılfe da cene wu productaththe xdu dıbıs, u xal wa n’abşotho. 

Camgabıdathe, kmisım hfitwotho marduthoye u yortuthoye du camaydan, bi qadmoyuthaththe u tuyobo du lahmo u muklone hrene marduthoye. 

Suzan Tuma Boya bi maqırhonutho dhula li dafo d’Kurdistan 24, mawdacla du cadcidano hani tloth ışne bıthır hdode kmisım, ukul şato bu zabnano kmitayıb. Suzan dmawdacla dmıştawtafwola i şato dşaficina lu cadcido, qayıthla ste adşato zminutho laşan du tuyobo du lahmo du tanuro dlıkmizabın bi şuqo.

Camgabıdathe, qaşişo Yusıf Tuma dkıtyo ha ma mtaybone du cadcido, bi maqırhonutho dhule l’Kurdistan 24, mawdacle du cadcidano kmisım kul şato mi iqartho d’Salwan Saka laşan dmithwe mawdconutho la n’akore cali timoyutho da cenbe wa yuthronaththe in dhowın xıd muklo aw xıd fire awste xıd mabuco du dıbıs. 

U cadcidano hfitutho şatonoytoyo dıkmaltımo an’akore wa barmothoye du camaydan laşan dmitahwelın mawdconutho calu product gawoyo di zaricutho du camaydan, dilonoyith a’cenbe dıkmaydi duktho rişoyto b’gawıd du mahsul şatonoyo di zaricutho bu garbiyo du Ciraq.