Nafiq taxtuşe beyn YBŞ u hayle Ciraqoye b’Şigor
Bu zabno du Cıraq kımahwe hfuxye mqabıl da hçome dıksaymo Turkiya calan arcothayde, u gayso Cıraqoyo kbışle fenyotho da hayle da Ezidoye b’Şigor. Calathe’ste nafıq taxtuşe beyn da hayle Cıraqoye uda hayle da Ezidoye d’YBŞ u mçarıh mınyono ma tre gabe.
ŞİGOR, CIRAQ – Athmıl mçarahwo 2 folhe Cıraqoye u 2 Mharbone da Haylawotho du delqublo d’Şigor-YBŞ uha mdinoyo, bu zabno da taxtuşe dhawın beyn da 2 hayle b’Şigor. A taxtuşe dımdawamlın 2 şoce, mşarewolın bi nuqazto du duyoqo bi fnitho d’Dagure-dkıtyo bu duyoqo di YBŞ uda hayle du sutoro gawoyo.
A 2 Mharbone Ezidoye wu mdinoyo nqili li bethkrihe d’Sinune u lfuth u tbocofroso da Ezidoye, a taxtuşani athın lu huwyo bıthır mıd a hayle Cıraqoye tlıbbe me YBŞ dmaslımi i nuqaztathe du duyoqo. Bıthır ma taxtuşani, mawdıc da hayle Cıraqoye mıdlın i nuqaztathe ma hayle da Ezidoye u nuqazto hreto bi fnitho d’Xana Sor.
Bebzabno u gayso Cıraqoyo sxırle u darbo rişoyo d’Şigor u markawle hayle bu qlimo. A taxtuşani dhawın bu zabno d’Turkiya kısaymo cuqobe calu garbyo du Cıraq, kıgrşi u zuhoro. A Ezidoye hani zabno’ste kımdawmi dmahwın hfuxyo mqabıl du gayso, calu bnoyo du şuroyo calu thumo dbeyn Şigor udi Hasake.
Lfuth a Ezidoye, u bnoyo du şurano cala thume beyn Şigor uda dukotho di Mdabronutho yothoyto du garbyo udu madınho d’Suriya, kımathıl bethqbure la came dıkhoyın b’Şigor ubi Gozarto. Ezidoye kımmi; Qriho’yo du bnoyo du şurano, tahraztoyo beyn di KDP du qlimo d’Kurdistan, di şultonutho du Ciraq u d’Turkiya b’nişo dmımhe darbo lu sebyono du camo’yo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
