New Lines Institute frısle taşroro calu gelo mtanwono du kaptagon bu madinho mescoyo
Ba 2021, mzabanwo happotho du Kaptagon b’timo hamşo milyare dolare ban athrawotho frişe du Madınho Mescoyo. Lfuth u taşroro dfrısle institut Amerikoyo, grışle u zuhoro calu qento wu tathir dıktorın a gelonani a mtanwone cala haye da bnaynoşo du qlimo.
The New Lines Institute frısle adyawma taşroro, cali tagorutho lo qonunoyto da happotho du Kaptagon-dkıtne şıkıl d’samone du amfetamin. U şerşo du Kaptagon me Almanya’yo u nafıqo ban 1960’yat u bıthır mıd zayıd u produksyonayde, mahıtwo mnoco acle cal da tathirayde xıda gelone mtanwone’yo.
Lfuth u taşrorano, i tagorutho lo qonunoyto da gelonani a mtanwone, zayıd ışqad u produksyon wu zebonathe b’5.7 milyare dolare bu Madınho Mescoyo. Ba 2020, u mınyonano 3.5 milyare’we. Ubu zabno d’qawi u momuno lo qonunoyo bu Madınho Mescoyo m’akıdste da happothani’ste kımşakli qento rabo du hulmono udi mşaynutho da bnaynoşo dıkhoyın bu qlimano.
Lfuth u taşroro, b’Lebnon kito dukotho elo i sagiyoyutho b’Suriya’yo dıkmisım produksyon a happothani u calathe mahıt ışme Narco-State, elo bi Scudiye’yo dıkmitıstacmıli bu zyodo.
A mşale’ste kıgurşi casqutho, dımqafın a dukotho du snoco da samonani wu istitut kımawdıc’ste, di iqartho d’al Asad kıtla sawco bu snoco ubi tagoruthathe ilo qonunoyto. Wa hayle Şica’ne dkıtne a mşale di tagoruthathe dcala thume beyn Suriya u Lebnon wi Hizballah kısaymo u duyoqathe.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
