22/04/2022

Qoyumo Suryoyo şaryo Tuma Çelik bi rmoytaythe lı Fuat Oktay: qay i şıltonutho d’Turkiya lı kobo a masarıf da citawotho u knuşyotho

U qoyumo şaryo du cameydan bu parlemento du athro d’Turkiya kımdawım dgorış u zuhoro cali lo kinutho dkito b’Turkiya dilonoyith dımqabıl da qalilotho dı latne maşılmone. Bi rmoyto dımşadarle lu mcadrono du rişqutno Fuat Oktay kımşayıl cala time du kahrobo da citawotho wa knuşyotho qay lık mitahwe mu gabo di şıltonutho b’kamilutho.

22/04/2022

ANKARA/MERDE – Çelik bi rmoyto dı kthiwole lu mcadrono du rişqutno Fuat Oktay komır, ba ışne d’şaficina mahtawo qonuno da faturat du kahrobo da botay slutho da mşihoye u da knuşyotho da yudoye gıdmitahwınwo ma mşale di tawditho maşılmonitho. Elo a fatorani mahti tahte şartat dmitahwe belhude u kahrobo dgawe da citawotho u da knuşyotho, hathe kuyo tarpılto qma slawotho u zuyohe da tarte tawdiyothani.

Ba zabnani dhawi kul mede btime rabe a masarıf da citawotho u da knuşyotho ste calın u latlın mcadronutho me dukotho star ma xerat da mhaymne, mawxa i şıltonutho klozım dobe u masraf du kahrobo kule.

Bi sbuthathe u qoyumo du cameydan kımşayıl lu mcadrono Fuat Oktay:

Qay i şıltonutho lı kobo a masarıf da citawotho u knuşyotho dkıtlın larwal ma time du kahrobo ste.

Bi şato da 2020 da 2021 u dişato  da 2022 mıqa zuze hiw la mşale di maşılmonutho  dıklozım mtawhwınwo la citawotho u knuşyotho.

En  lıkmitawhın a masrafe da citawotho u knuşyotho latyo mqabıl di awyutho da zedqe noşoye d’Urifi.

B’Turkiya mıqaa citawotho u knuşyotho kmitahwe u masrafathe mu gabo da mşale da mıftiye di maşılmonutho da qlime.