Qtil 30 folhe İranoye b’Deyr Ezzor

Tayosyotho du qrobo dheş latne idice dhayna athrowın, sımlın cuqobe casye cala gurube dıkmısnodi mu İran bu qlimo d’Deyr Ezzor d’Suriya.

 Ba cuqobe oyaroye dsimi qariwo l’Albukamal dkıtyo qarıwto la thume du Iraq, mawdıc dıqtil 35 folhe dıkmısnodi mi şultonutho d’Tehran.

Bu qlimo d’Deyr Ezzor d’Suriya dkıtyo bu duyoqo da Haylawotho d’Suriya Demoqratoyto, sim cuqobe oyaroye cala hayle folhoye dıkmısnodi mu İran. A cuqobani dsimi me tayosyotho du qrobo, heş latyo idico dhayna haylene.

U holucdo’ste, heş noşo lo mıdle i mşalutho da cuqobani. U İran, ha ma hayle dıksonıd u rejim d’Suriyayo u kımcadır u gayso leşan dmoyıd u duyoqo d’Suriya kula. A cuqobani dsimi cal konvoy da haylani dıkmısnodi mu İran, mtaybi qariwo l’Albukamal dkıtyo cala thume du Iraq.

Ba cuqobani mawdıc dıqtil 35 folhe; beynothaye 2 mşale bı darğo celoyo da gurubani dıkmısnodi mu İran. 3 bu yarhanoste sımwo naqla hreto cuqobo hreno cala haylani du İran b’Mayadin dkıtyo b’Deyr Ezzor. A tayosyotho dsımwolın a cuqobaniste latwen idice dhayna haylowın elo thimowa İsroyel bu tuyobathe.

U qlimo d’Deyr Ezzor, duktho dıkmasro u İran cam Lebnonyo bu darbo di naşfe ubu qlimano kito xtute di tagorutho, borriyat du nafto mu Iraq ume Yurdnon. Bu snodo da haylani dıkmısnodi mu İran ume Rusya, u qentrun di mdito d’Deyr Ezzor wu macırbayda, şaficiwo lu duyoqo du rejim d’al Asad bıthır mıd Dacış mahzamwole mu qlimo ba 2017.