Sim taklitho b’Örebro laşan dimigriş u zuhoro calu qatlo marıhbono dhawiwo bi cito d’Mor Alyas b’Darimsuq

ÖREBRO, Swed — Athmıl yawme d’huşabo bi şoctho ba tarte dfalgıdyawmo, a’şutose tawdithoye u marduthoye du camaydan sımlın taklitho bi mditho d’Örobro bu Swed dı grışlın eba u zuhoro calu qatlo dhawi bi cito d’Mor Alyas dkıtyo b’Darmsuq d’Suriya.  

İ takitho mşarela b’Qatinto d’şetqo cali ruho da Sohde, u bıthır mhalıq slogane “a’sohde lıkmaythi”.  

Cal ışme di cito d’Yoldathaloho Meryem “Kornelıa Sander” mqadamla mamlo dmahkela ebe dıklozım an’athrawotho du macırbo dımcadri a’mşihoye du madınho mıscoyo, u mahkela ste a’nesyune dhawila bi socurutho dsımla lu athro d’Bethnahrin.  

Bıthır mıd maşmıc qolo citonoyo, hiw darbo lu folitiqoro du cameydan Behcet Barsom dmahkele cali dişutho dkowe cala mşihoye, u sımle sturyo u macırbo dlıknofıq mqabıl da qatle u hçome dkowın cala mşihoye.  

Bıthır me qolo hrene citonoyo, hiw darbo lu mathlone da n’esore gawoye d’ESU Yahkub Mirza dmahkele calu qatlo barbroye dsim cali cito d’Mor Alyas, u kali cala qtolğense dhawi calu cameydan bu zabno haroyo. Bu huthomo du mamleyde Mirza sımle qrayto la fatıryarxe la hsayo la gabe u şutose kule da mşihoye d’obın ido b’ido laşan dnıfqi moro la mşihoye d’Suriya u da falqe hrene. Bu mamleyde Mirza tlıble ste da mşihoye dhowelın mdabronwotho druhaye, u hınne dsymi u sutorıo da dukothathe.  

İ taklitho kamilo bu mamlo dsımle Abuna qaşişo Yahkub Kaseliya dkıtho u mkahnono di cito d’Yoldathaloho Meryem d’Örebro dsımle qrayto la n’athrawotho d’Urifi dnıfqi moro la mşihoye, u mqadamle tawdiyotho lkul man dhawile tacbo bi taklithathe.