Souls in Transit (Ruhotho Coburyotho) fris bi sinema d’Teaneck b’New Jersey d’Amerika
U flim dcalu qtolğenso dsim calu camaydan-Ruhotho Coburyotho, fris bi sinema d’Teaneck b’New Jersey d’Amerika. A hazoye dhadiri u flimano d’Souls in Transit, mahkelın d’athiwo lbolaye a teşcıyotho mahişone dşamıciwo xıd nacime ma sobathe.
TEANECK, Amerika – İ mafqonitho du flim d’Ruhotho Coburyotho Aida Şlefer camu mathlono d’ESU Şlemun Rhawi hadiri u tehwiyo du flim dokumenter dsim calu Sayfo mayiro dan 1915 bi sinema d’Teaneck b’New Jersey.
U flimano dıkmahke calu makthabzabno du camaydan wi siyase dsimowa leşan dmitayıb u qtolğensano u mayiro acle, friş’ste cala qatle barbroye haroye dhawın calu camaydan. Ruhotho Coburyotho marğaşle a hadire calu haşo mayiro dlaqi u camaydan.
Meqım mu feroço du flim, kle qatınto d’şetqo wa hadire maqımme a teşmışto cali ruho da Sohde u bıthır u camo mfaraçle u filmano camhıdode. Bıthır mıd kamıl u flim, i mafqonitho Aida u mathlono d’ESU wa hadire hawilın droşo acle u mfanın a şwole da hadire dhuwlın’ste a hzayothathe acle.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
