SÜDEF mtayable hfitutho calu qtolğenso du Sayfo da na’1915

MEDYAD – U federasyon da hudre Suryoye dı Turkiya, mtayable athmıl hfitutho calu qtolğenso mariro du Sayfo da na’1915 dsımwo mi xasra da Cuthmanoye uda caşıryotho Kurdoye calu camaydan u Suryoyo Oromoyo Othuroyo Kaldoyo bu zabno du qrobo qadmoyo dıbritho. 

İ hfituthathe mtaybo bu qentrun du federasyon da hudre Suryoye d’SÜDEF dkıtyo bi mditho d’Medyad b’Turcabdin, u hadırla 70 farsufe baynothaye mathlone da gabe u şutose du Mawtbo Umthoyo d’Bethnahrin d’MUB. 

U mamlo du futoho sim mu rişono d’SÜDEF Augin Turker, ubıthır sim mamlo mu hadomo di sictho di rişonutho d’MUB Subhi Aksoy dmıçğele bu leşono Suryoyo u Turkoyo. Aksoy bu mamlayde mşalatle bahro cali mıcne du Sayfo, u mawdacle dkıtyo hiyoyutho du camo Suryoyo. Aksoy mawdacle ste dıklozım Turkiya dkılyo fotho b’fotho mqabıl du makthabzabnayda laşan dlımisım tekrar u qtolğenso du Sayfo. 

Bıthır mathe, Tyodora Hobil bışmıd du Huyodo da Neşe d’Bethnahrin d’HNB sımla mamlo calu Sayfo. 

Camgabıdathe, a’hadire ba mamle dsımlın mahkelın a’reğşaththe, a’hzayothaththe wa cuhdone dkıtlın bi sbutho du Sayfo. 

Bi harayto di hfituthathe fris sinavisyon calu Sayfo.