Thomas Barrack: “layto noşo aminoyith dgıdsoyım bazare cam Lebnon hul colam”

BEIRUT — Bi maqırhonutho dhule athmıl lu froshezwo d’LBC d’Lebnon, u mathlono di rişonutho d’Amerika Tomas Barrak mırle “layto noşo dgıdfoyış dsoyım bazare cam Lebnon huli şato dıbqamuthayna. U rişono d’Amerika Donald Trump kıtle caşinutho rabtho u morıd d’kontrol qawyoyo, elo u mede dlatleyo i msaybıronuthoyo”. 

Barrak mawdacle ste du groşo du zayno d’Hizballa sbutho lebnonoytoyo ulatyo tibeloyto, elo an’Amerikoye mi xasra siyasi mbayanlın Hizballa xıd tukoso marıhbono, mawxa in dothe dmıştacın b’danwaye cam Amerika bayna duktho dhuyo bi xasra folhoyto, gıdmıstori b’qetro cami mdabronutho d’Waşington xıd maqrahle u rişono Trump. 

Bebzabno, Barrak mawdacle du groşo du zayno d’Hizballa aminoyith sbutho basit u qrihtoyo ğalabe, xdu mede dmırle Trump wu waziro di baroyuthayde zıd m’naqla “ha athro, ha camo u ha gayso”. 

U mathlono Amerikoyo Tomas Barrak mawdacle ste du nişo latyo balhude u zayno d’Hizballa, elo u zayno da Fleştoye uda milişyat hrene yo dkito b’Lebnon, u mırle “ida di mdabronutho folitiqoyto d’Lebnon dımhalxo bu darbano, inaqlayo ahna mi xasraydan gdımcadrina”.