U athro du İran kimoyid dukthe d’Rusoye b’Suriya
Rusya kımawdıco, dgıgurşo sahmo ma folhayda me Suriya, leşan dımaqwiyo u haylayda b’Ukraina. U tebano d’xlıqle ğamo rabo b’İsroyel, cal da nuqazyotho dkıtla Rusya b’Suriya, gıdmitaslımi la hayle du Qawmo du İran. İ mawdconuthathe’ste hiwo, bu zabno du rişathro d’Suriya Başar al Asad sımle socurutho l’Tehran.
U rişathro du rejim d’Suriya Başar al Asad, sımwole meqım kmo yawmo socurutho lu İran u hawile şişaltho d’ytawyotho u droşe cama mşale İranoye b’Tehran. Cali netiçe da ytawyothani’ste lo fris ğalabe tebe, wu adyawma mawdacla İsroyel u ğamayda cal tebo hreno dmatila.
Lfuth i mawdconutho d’Mosko Times, Rusya mabdela maşıqlo du groşo d’sahmo ma folhayda me Suriya bnişo dmaqwıyo i ithuthayda b’Ukraina-dkıtyo hani zabno yarixo b’qrobo cami şultonutho du rişqutno d’Ukraina Zelenskij. Rusya kıtla adyawma hol 63 alfo folhe b’Suriya wa folhe d’3 nuqazyotho gıdmıgrışi.
A nuqazyotho d’Rusya dgıfayşi xalye’ste, gıdmitaslımi la hayle d’Hizballah dıkmısnodi mu İran ula Noture du Qawmo du İran. Mosko u Tehran hayle bnayqyomo du rejim d’Suriya’ne u kımcadri Darımsuq bu qrobo gawoyo du athro.
Bu dumyano, u groşano d’Rusya xlıqle qetro l’İsroyel dkobo mrodo mqabıl du rwoho du İran b’Suriya. Dafo İsarloyto mırla; Dlo mi ithutho u tathir d’Rusya cal Darımsuq ubi naşfe, kiba Tehran ğalabe fşito dmacbıro a haylayda lıgawe d’Suriya u dım’athro zıttır calu rejim d’Suriya.
Wu İsroyel layba dım’athro u dımşahlıfo i aykanoyuthathe. Rusya-walaw kıtla methcadronutho camu İran u camo Suriya, elo mhaddıdowa u haylo da İranoye b’Suriya. İsroyel u Rusya kıtwolın holucdo mekanizma –dlo cubri l’kriz mqabıl d’hıdode, u kmıgroşi dsaymi hıdode sturye-mathlo bu cboro d’Rusya l’Ukraina, lo huwola İsroyel fuşoqo acleu loste sımwola sturyo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
