U gayso d’Lebnon frısle ahayleyde calu thumo d’Suriya

U gayso d’Lebnon frısle a haylayde bi qastra d’Altufayl dıknuflo calu thumo d’Suriya.

 U gayso Lebnonoyo mşatasleste nuqazto bıgawe di qastrathe, xıd funoyo lu talab da comure dcayşi casqutho di mşaynutho ba tarte şabe haroye dşaficina.

 İ sfaryawmo d’Alşarq Alawsat, bu tebo dıfrısla mawdacwola, dhawiwo şğuşyo di mşaynutho bi qastra d’Altufayl d’Lebnon dıknıflo cala thume d’Suriya, u bi netije marıswo buğre cali nuqazto du kahrubo u da maye. Mawxaste a comure di qastra  tlıbwolın mu gayso Lebnonoyo dmarkawlın nuqazyotho folhoye, leşan dmınci a grube mzayne dmıştacın bu qadar da comure u dmahızmi l’Suriya.

Calathe, u gayso d’Lebnon mfanele u talab da comure d’Altufayl, u markawle  menyono ma folhayde bi qastra, u mşatasle nuqazto folhoyto qarıwto la thume d’Suriya. Altufayl dıknuflo b’Albiqac i mescoyto bu madınho d’Lebnon, belhude meqım 2 ışne masrowa caman arcotho d’Lebnon, awkith a comurayda kıtwolın mazlo u mathyo calu darbo di nuqazto d’Almasnac d’Suriya.

A comure d’Altufayl ba zabne haroyani cayişi bsirutho di mşablonutho kenşoyto u qtıcwo maclaye u kahrobo dıkmişadarwo me Suriya, cal di şultonutho d’Lebnon lo qadiro dobo u timo du kahrıbo l’Darımsuq mcal fothe da tedbire dmahti acla bu taro du qonuno d’Qaysar.

Bıthır mıd hjim cali nuqazto du kahrobo d’Altufayl meqım 2 şabe, u şutoso du kahrobo d’Lebnon mhathathle i nuqazto, leşan dmişadarla kahrobo me Suriya. U hathe’ste cal d’Hizballah huwle 220 alfo dolare l’Darımsuq mqabıl du kahrobo dıkımşadrole. Hizballah hule a’zuzani cal di şultonutho d’Lebnon lo qadiro dobolın l’Darımsuq. Elo u mede dıkgorış u zuhoro, Hizballah mayko athile a zuzani dilonoyith bıthır mu hboso uma tedbire momunoye dmahti cala şutose u mabuce dıksındile.