U Gbino Mşihoyo d’Lebnon rfıdle i siyase di msaybıronutho bi sbutho du şroyo du zayno d’Hizballa
U Gbino Mşihoyo d’Lebnon mawdacle dıkrofıd b’şıkıl kulonoyo i siyase di msaybıronutho bi sbutho du şroyo du zayno d’Hizballa uda tukose Fleştoye dlatne ruşmoye. U Gbino Mşihoyo bu buyono dıfrısle, mawdacle ste d’Lebnon kul yawmo dıkşofıc kımvayıc yuthrone b’haqle mşahılfe, bu zabno dkımnasın an’athrawotho qlimoye kulle dmaydi duktho b’gawıd di tarmitho du madınho mescoyo hatho.
BAYRUT — U Gbino Mşihoyo d’Lebnon bu buyono dıfrısle bu huthomo du knuşyayde u cyodoyo, mawdacle du mede dıkmıfrıs bhın şutose du tboco froso bi sbutho dımqafe krulyotho dı Dacış b’Lebnon, kımmathıl nesyuno hatho mi xasra d’Hizballa laşan dhowele celtho dfoyış u zaynayde acme bi dacwa dkımdafıc a’Şica Maşılmone d’Lebnon.
Bebzabno, u Gbino Mşihoyo makadle du camo Lebnonoyo ba falqe u madhhabayde kulle ksonıd u gayso du athro wa hayle ruşmoye bu nfoqo mqabıl di marıhbonutho ida dhowela duktho b’gawıd d’Lebnon, u mathkarle ste di propaganda dıkmisomo dı Dacış haw fayışla şrolutho su ray gawonoyo d’Lebnon, dilonoyith du tukoso dı Dacış mşatıs u yaci laltah d’caynothıd du rejim du İran ud’Başşar Alasad.
Camgabıdathe, u Gbino Mşihoyo tlıble dmışfıc li harake b’şıkıl athronoyo mkanşo, laşan dmınfıq mqabıl du mantıq di şalitutho d’Hizballa udu zaynayde, udmitarku athro mgawno demoqratoyo kino u morıd d’morutho. U Gbino naqla hreto tlıble mu bethdino d’Lebnon dşofıc baroyo li harake mqabıl dkul man dkımhadıd a’Lebnonoye bu leşono du admo udu cnufyo mın dhuyo i wolithayde b’gawıd du athro.
Bu huthomo du buyonayde, u Gbino Mşihoyo makadle d’Lebnon lıgıdhowele dactid in dlımitasır u zayno camu gayso du athro, u mırle “kul şuhoro bi sbutho du zayno, i mıcnayde nfolo di qutnutho u lhoyo du statu d’Lebnon yo”.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
