U hudro şaryo-LEBI Skol İF kıloqe ucdo b’qento calu şuhlofo dsim bu snodo momunoyo dıkmotele bi karxutho d’Södertälje

SÖDERTÄLJE, Swed — U hudro d’LEBI Skol İF b’Södertälje du Swed mşatıs me Petra Jacob dkıtyo mu camo Suryoyo. U hudrano, bşıkıl magon kımtayıb yulfono, fulhone uğer hfitwotho mşahılfotho da droşe guşmonoye la nacime b’5 dukotho frişe di karxutho bıthır ma şoce di madraşto. Kull şabtho, kıloyım hol 400 nacime u 65 malfone bu hudrano.

Elo u hudrano ucdo kıloqe b’qetro dkibe dmıjbır dmanqıs a fulhonayde zıttır. İ karxutho d’Södertälje kıtulbo mu hudrano d’Lebi, dımraçıc ğer şıkıl d’snodo leşan dımdawım a fulhonayde. Elo lfuth i mşatsonitho Petra, u şuhlofano belhude gıdxolıq casqutho hreto eleye u gıdmanqıs u gadathe, dmotın la nancime di karxutho kulle.

Petra Jacob kımmo; “U hudro kımole xalyutho rabtho ba 5 dukothani dkıtle bi karxutho. A nacime wi claymutho kowelın plattform mşayno ba hayathe. Elo ucdo kubco i karxutho, dmiqayıd kull nacimo u dmitahwe mawdconutho acle, leşan u hudrano dhowele gado l’snodo momunoyo. Belhude bu şıkıl du snodano, layban dımdawmina a fulhonaydan.”