U Huyodo da Neşe d’Bethnahrin mıştawtafle bu cadcido di seyroyutho b’Göppingen
I karxutho di mditho d’Göppingen d’Almanya, mtayabla athmıl ramşitho marduthoyto dkımgaşmo i yortutho da came mşahılfe dıkhoyın camıhdode bu athro d’Almanya. Li hfituthathe, mıştawtafle mathlone mu Huyodo da Neşe d’Bethnahrin d’HNB dımqadamlın raqde marduthoye du folklor du camaydan.
Göppingen, Almanya — I karxutho di mditho d’Göppingen d’Almanya, mtayabla athmıl hfitutho marduthoyto dkımgaşmo i yortutho da came uda hiyoywotho umthoye mşahılfe dıkhoyın camıhdode bu athro d’Almanya.
I ramşithathe dımşarela bi şuctho da şeth u falge d’casriye, mdawamla huli şuctho di hdo d’fothıdsafro.
Li ramşithathe, mıştawtafle mathlone mu Huyodo da Neşe d’Bethnahrin d’HNB dımqadamlın raqde marduthoye dkımgaşmi i yortutho wi hiyoyutho umthoyto Suryoyto. A’raqdani mqadmi ma gude da nacime udi claymutho bi mıştawfonutho d’mowat dıbnaynoşo ma came mşahılfe d’Almanya.
Li hfituthathe ste, mıştawtafle mathlone ma came umthoye mşahılfe dıkhoyın b’Almanya udımqadamlın raqde marduthoye du folklor dıththe.
Camgabıdathe, bi ramşithathe mtayıb methhawyonutho dıfrisi eba şuğlone di ido dkımmathli a’mardıwotho mşahılfe dkito bi mditho d’Göppingen bu athro d’Almanya.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
